Nastajenja Firefox

Toś ten nastawk wokna nastajenjow - NastajenjaNastajenjaNastajenja - zespomina a kótare typy nastajenjow wopśimuju.

Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk Fx57Menu a wubjeŕśo NastajenjaNastajenja.Klikniśo na menijowy tłocašk Fx89menuButton a wubjeŕśo Nastajenja.

Slědujuce wokna su k dispoziciji:

Wokno Powšykny

Toś to wokno slědujuce typy nastajenjow wopśimujo:

Powšykny
Startowaś a Rejtariki: Tam móžośo Firefox ako swój standardny wobglědowak nastajiś, Firefox tak nastajiś, až wašo pjerwjejšne pósejźenje pśi startowanju wótnowja a wubraś, kak maju se rejtariki wócyniś.

Rěc a naglěd
Pisma a barwy, Skalěrowanje a RěcNaglěd websedła, Barwy, Pisma, Skalěrowanje a Rěc: Tam móžośo nastajenja naglěda websedła w Firefox změniś, pisma a barwy změniś, kótarež websedła wužywaju, wjelikosć wopśimjeśa webboka změniś, rěc za zwobraznjowanje menijow, powěźeńkow, powěsćow a drugich źělow wužywaŕskego pówjercha Firefox wubraś, preferěrowanu rěc za webboki wubraś a pšawopisnu kontrolu Firefox wužywaś.

Dataje a nałoženja
Ześěgnjenja, Nałoženja a Wobsah Digital Rights Management (DRM): Tam móžośo ześěgnjeński zarědnik změniś, kótaryž Firefox wužywa, aby dataje składował, nałoženje za wužywanje z wěstymi datajowymi formatami změniś a wubraś, lěc ma se wopśimjeśe z DRM we Firefox pokazaś.

Aktualizacije Firefox
Tam móžośo swóju aktualizěrowańsku historiju pśeglědowaś abo aktualizěrowańske nastajenja za Firefox změniś.

Wugbaśe
Tam móžośo wugbaśowe nastajenja we Firefox pśiměriś.

Pśeglědowanje
Tam móžośo nastajenja za pśesuwanje, wužywanje kursora (Caret Browsing) abo pytanje teksta na webbokach wubraś.

Seśowe nastajenja
Tam móžośo zwiskowe nastajenja Firefox změniś a proksy za zwiski z internetom nastajiś.

Wokno Startowy bok

Toś to wokno nastajenja za slědujuce typy nastajenjow wopśimujo:

Nowe wokna a rejtariki
Toś te nastajenja wam póstajaju, což wiźiśo, gaž swóju startowy bok, nowe wokno abo nowy rejtarik Firefox wócynjaśo. Móžośo standardny startowy bok Firefox, prozny bok abo někaki webbok z URL ako swój startowy bok nastajiś; móžośo nastajiś, lěc nowe rejtariki standardny startowy bok Firefox abo prozny bok wócynjaju.

Wopśimjeśe startowego boka Firefox
Toś te nastajenja wam zmóžnjaju, wopśimjeśe na standardnem startowem boku Firefox abo boku nowego rejtariki schowaś abo pokazaś, mjazy nimi webpytanje, nejcesćej woglědane bokizwězanja z nejcesćej woglědanymi sedłami, nastawki dopórrucone wót Pocket, šlipki z Mozilla a wjerškinejnowša aktiwita. Za dalšne informacije wó toś tych funkcijach glejśo Wó kachlickach na boku „Nowy rejtarik“ a Customize your Firefox New Tab page.

Wokno Pytaś

Toś to wokno nastajenja za pytnicu wopśimujo, kótaruž Firefox pó standarźe wužywa a druge pytańske nastajenja. Za dalšne informacije glejśo Standardne pytańske nastajenja w Firefox změniś.

Wokno Priwatnosć a wěstota

Toś to wokno slědujuce typy nastajenjow wopśimujo:

Priwatnosć wobglědowaka
Pólěpšoeny slědowański šćit, Cookieje a sedłowe daty, Formulary a gronidła, Historija a Adresowe pólo: Tam móžośo nastajenja za funkcije pólěpšony slědowański šćit a Njeslědowaś Firefox wóźiś, cookieje websedłow, sedłowe daty a pufrowane webwopśimjeśe zastojaś, móžośo nastajiś, kak maju se formulary wupołniś a gronidła zastojaś, waše pśeglědowańske, ześěgnjeńske, pytańske a formularne historije zastojaś a nastajiś, kak ma se adresowe pólo funkcioněrowaś.

Pšawa
Tam móžośo rozsuźiś, lěc websedła mógu wam eksterne powěźeńki pósłaś, wam wuskokujuce wokna pokazaś a lěc Firefox měł was warnowaś, gaž websedła wopytuju dodanki instalěrowaś.

Gromaźenje a wužywanje datow Firefox
Tam móžośo rozsuźiś, lěc Firefox móžo Mozilla techniske a interaktiwne daty pósłaś, studije instalěrowaś a pśewjasć abo Mozilla wowaleńske rozpšawy pósłaś.

Wěstota
Šćit pśed wobšudnym wopśimjeśim a tšašneju software a Certifikaty a Modus Jano-HTTPS: Tam móžośo certifikaty websedłow a wěstotne rědy se woglědaś a zastojaś a tšašne wopśimjeśe abo tšašne ześěgnjenja blokěrowaś, tšašne wopśimjeśe abo tšašne ześěgnjenja blokěrowaś a Modus Jano-HTTPS w Firefox zmóžniś abo znjemóžniś.

Wokno Sync

Toś to wokno wam zmóžnja, konto Firefox załožyś abo zastojaś, kótarež za pśistup k wěstym słužbam Mozilla trjebaśo, mjazy nimi Sync. Glejśo Kak zarědujom Sync na swójom licadle? a Kótare typy informacijow mógu z Firefox synchronizěrowaś? za dalšne informacije.

Jo toś ten nastawk wužytny był?

Pšosym cakajśo…

Slědujuce wjelicne luźe su pomogli, toś ten nastawk pisaś:

Illustration of hands

Dobrowólnik

Rosćo a źělśo swóju kompetencu z drugimi. Wótegrońśo na pšašanja a pólěpšćo našu wědowu datowu banku.

Dalšne informacije