Web Push websedłam zmóžnja, was wó nowych powěsćach abo zaktualizěrowanem wopśimjeśu informěrowaś. Mjaztym až Firefox jo wócynjony, mógu websedła, kótarež su dostali pšawa, powěźeńki na waš wobglědowak słaś, kótaryž je na wobrazowce pokazujo. Powěźeńki se jano pokazuju, gaž tastu na swójej tastaturje tłocyśo abo něźi na websedle, ku kótaremuž se rowno woglědujośo, klikaśo resp. jo pótuskujośo. Jolic njejsćo z websedłom interagěrował, se jano symbol za zdźěleńske pšawo w adresowem pólu pokazujo; powěźeńka sama pak se njepokazujo. Móžośo powěźeńki lažko dowóliś abo znjemóžniś a kontrolěrowaś, kak maju se zjawiś.

Zaktualizěrowane powěźeńki

Firefox móžo powěźeńki pokazaś, samo gaž njeby sedło zacytane było. Z pomocu Push API, W3C-standard, Firefox dostawa powěsć a móžo kuždy cas powěźeńki pokazaś (jolic wužywaŕ jo to dowólił). Sedła mógu teke take powěźeńki w slězynje wužywaś bźez togo, aby wam powěźeńku pokazali. Jolic sćo južo sedłoju dowólił, powěźeńki słaś, móžé sedło teke Push API wužywaś. Móžośo rozsuźiś wěstemu websedłoju pšawo daś abo nic, gaž tym instrukcijam slědujośo:

1. Klikniśo na pytko Wobraz "70Gray padlock" njeeksistěrujo. w adresowem pólu.
2. Klikniśo na šypku we wuběrańskem meniju Info wó boku.
3. Klikniśo na Dalšne informacije w pśiducem woknje, aby wokno Info wó boku wócynił.
4. Klikniśo na rejtarik Pšawa.
5. Wubjeŕśo pód Powěźeńki pósłaś zdźěleńske nastajenje: Pśecej se pšašaś, Dowóliś abo Blokěrowaś. Jolic waše wuběrańske móžnosći su zešerjone, wótwólśo kontrolny kašćik Standard wužywaś.

Alternatiwnje móžośo slědujuce cyniś:

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Klikniśo na Priwatnosć a wěstota z lěwego wobceŕka.
3. Kulniśo k wótrězkoju Pšawa.
4. Klikniśo na tłocašk Nastajenja... napšawo pódla Powěźeńki.
5. Wubjeŕśo Dowóliś abo Blokěrowaś z wuběrańskego menija Status za kužde websedło.
6. Klikniśo na tłocašk Změny składowaś.

Co jo Web Push?

Web Push jo opcionalna funkcija, kótarež websedłam zmóžnja, wam powěsći słaś, samo gaž njeby sedło zacytane. Sedła mógu toś tu funkciju wužywaś, aby wam powěźeńki słali abo daty w slězynje aktualizěrowali.

Móžośo na pśikład powěźeńki swójich nejlubšych nakupowańskich sedłow aboněrowaś, aby was wó nowych akcijach a póbitowanjach informěrowali. Móžośo powěźeńki rozdźělnych websedłow aboněrowaś. Koncertne sedło póbitujo wam snaź powěźeńki wo wustupach wašeje nejlubšeje band. Dowólujośo sedłoju, was informěrowaś a jaden tyźeń pózdźej dostanjośo powěźeńku, až waša band jo na turje.

Buźośo powěsći jano wót sedłow dostawaś, kótarymž sćo dowólnosć dał.

Kak funkcioněrujo?

Websedła mógu service worker instalěrowaś, slězynowy webbok z wobgranicowaneju funkcionalnosću, kótaryž móžo zdźěleńske słužby (engelski: push service) aboněrowaś. Websedło móžo pótom wašomu wobglědowakoju powěsć pśez Web Push Service Mozilla słaś, kótaryž móžo toś tu powěsć pśeźěłowaś a powěźeńku na wašej wobrazowce pokazowaś.

Gaž na powěźeńku kliknjośo, móžo se websedło wócyniś abo rejtark sedła se wócynijo, jolic sedło jo zacytane.

Kótare informacije websedło dostawa?

Websedło, kótarež ma dowólnosć, móžo wam powěsći słaś, gaž sedło njejo zacytane. Kontingent wobgranicujo licbu powěsćow, kótarež se na wobrazowce njepokazuju, kótarež websedła mógu wam słaś. Websedła, kótarež kontingent pśekšacaju, wěcej njamógu powěsći słaś, a wužywaŕ musy se k websedłoju znowego woglědaś, aby abonement wótnowił. Web Push websedłam direktnje njezmóžnja, wašu IP-adresu zwěsćiś.

Kótare informacije Firefox wužywa, aby powěźeńki póbitował?

Firefox aktiwny zwisk ze zdźěleńskeju słužbu wuźaržujo, aby powěsći dostawał, daniž njejo zacynjony. Zwisk se kóńcyjo, gaž se Firefox zacynja. Na našom serwerje składujomy pśipadny identifikator (User Agent IDentifier abo UAID) za waš wobglědowak, gromaźe z pśipadnym identifikatorom, kótaryž jo se generěrował za kuždy zdźěleński abonement. Jolic abonementy maśo, jo UAID trjebny, aby se naša zdźěleńska słužba dowóliła, aby dochadajuce powěźeńki dalej k Firefox pósrědnja. Jolic žedne abonementy za eksterne powěźeńki njamaśo, Firefox UAID za kuždy nowy zwisk wužywa.

W Firefox za desktop zdźěleńska słužba se wót Mozilla wobgóspodarjujo. Firefox za Android wužywa kombinaciju zdźěleńskeje słužby Mozilla a platformy Google Cloud Messaging, aby powěźeńki dostawał. Jano nałoženja Mozilla mógu WebPush na iOS wužywaś (pó dojadnanju wó wužywanju iOS njesměju tśěśe póbitowarje WebPush wužywaś, aby powěźeńki na iOS pósłali.)

We woběma padoma powěsći se pśez IETF spec (engelski) koděruju a jano waš Firefox móžo je dešifrěrowaś. Skoděrowane powěsći se na serwerje njeskładuju, daniž njejsu rozpósłane abo njespadnu.

Składujomy wašu IP-adresu za 90 dnjow ako źěl toś teje słužby. Skłaźone informacije budu njepłaśiwe, gaž se pak IP-adresa pak UAID změnijo. Njeskładujomy informacije wó:

• serwerach a/abo słužbach, kótarež su pósłali powěźeńki
• casu, gaž wěsty wužywaŕ jo był online abo aktiwny

Kak mógu dowólnosć za powěźeńki za wěste sedło zasej pšec wześ?

Powěźeńki su pśecej w Firefox zatwarjone. Sedło njamóžo wam bźez wašeje dowólnosći powěsći słaś. Aby wěstemu sedłoju dowólnosć zasej pšec wzeł, wam powěsći słaś, wuwjeźćo slědujuce kšace:

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Klikniśo na Priwatnosć a wěstota w lěwem wobceŕku.
3. Kulniśo k wótrězkoju Pšawa.
4. Klikniśo na tłocašk Nastajenja… pódla Powěźeńki.
5. Wubjeŕśo websedło.
6. Klikniśo na tłocašk Websedło wotwónoźeś.

Aby wšym sedłam dowólnosć pšec wzeł, wam powěsći słaś, wuwjeźćo górjejce wopisane kšace, jano až na Wšykne websedła wótwónoźeś klikaśo, město togo aby wěste sedło wubrał. Websedła njamógu pótom wam powěsći słaś a muse w pśichoźe wó wašu dowólnosć pšosyś.

Aby powěźeńki na wěstem webboku znjemóžnił (pomina se nowe zacytanje boka): Klikniśo na pytko , aby wokno sedłowych informacijow za websedło wócynił, pytajśo pšawo Powěźeńki pósłaś a klikniśo na x pódla Dowólony, aby pšawo wótwónoźeł.Klikniśo na symbol pšawa , aby wokno sedłowych pšawow za websedło wócynił, pytajśo pšawo Powěźeńki pósłaś a klikniśo na x pódla Dowólony, aby pšawo wótwónoźeł.

Kak mógu swójomu websedłoju Web Push pśidaś?

Specifikacija Push API (engelski) wujasnja, kak móžośo „service worker“ napóraś a powěsći słaś.

Kak mógu Firefox tomu zajźowaś, mě wó dowólnosć za powěźeńki pšosyś?

Jolic se sedło Firefox pšaša, až co powěźeńki pósłaś, se Firefox pó standarźe pšaša, lěc cośo dowólnosć daś. Móžośo Firefox tak nastajiś, až awtomatiski dowólnosć wótpokazujo, bźez togo aby se pšašał. Samo pó změnje, móžośo wuwześe za sedła póstajiś, kótarychž powěźeńki cośo wiźeś abo kótarychž funkcije cośo wužywaś.

1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

2. Klikniśo na Priwatnosć a wěstota w lěwem wobceŕku.
3. Kulniśo k wótrězkoju Pšawa.
4. Klikniśo na tłocašk Nastajenja… napšawo pódla Powěźeńki.

   

5. Wubjeŕśo kontrolny kašćik Nowe pominanja za dowólnosću powěźeńkow blokěrowaś.
6. Klikniśo na tłocašk Změny składowaś.