Nastajenja Firefox

Wersijowe informacije
  • Wersijowy ID: 301541
  • Wutworjeny:
  • Awtor: milupo
  • Komentar: update
  • Přepruwowany: Haj
  • Přepruwowany:
  • Přepruwowany wot: milupo
  • Je schwaleny? Haj
  • Je to aktualna wersija?
  • Hotowy za přełožowanje:
Žórłowy kod wersije
Wobsah wersije

Tutón nastawk wam přehlad wo woknach nastajenjow Firefox a rozdźělnych nastajenjach dawa, kotrež móžeće přiměrić. Klikńće horjeka naprawo na wobrazowce na menijowe tłóčatko IG main menu a wubjerće Nastajenja. Slědowace wokna su k dispoziciji:

Fx128Settings-SimplifiedFx130Settings-Simplified

Powšitkowny

Tute wokno slědowace typy nastajenjow wobsahuje:

Powšitkowny
Startować, Daty wobhladowaka importować a Rajtarki: Tam móžeće Firefox k swojemu standardnemu wobhladowakej činić, Firefox tak nastajić, zo waše předchadne posedźenje při startowanju wobnowja, daty z druheho wobhladowaka importować a wubrać, kak maja so rajtarki wočinić.

Rěč a zwonkowne
Napohlad websydła, Barby, Pisma, Skalowanje a Rěč: Tam móžeće nastajenja napohlada websydła w Firefox změnić, pisma a barby změnić, kotrež websydła wužiwaja, wulkosć wobsaha webstrony změnić, rěč za zwobraznjenje menijow, zdźělenkow, powěsćow a druhich dźělow wužiwarskeho powjercha Firefox wubrać, preferowanu rěč za webstrony wubrać a prawopisnu kontrolu Firefox wužiwać.

Dataje a nałoženja
Sćehnjenja, Nałoženja a Wobsah Digital Rights Management (DRM): Tam móžeće sćehnjenski rjadowak změnić, kotryž Firefox wužiwa, zo byšće dataje składował, nałoženje za wužiwanje z wěstymi datajowymi formatami změnić a wubrać, hač ma so Wobsah z DRM we Firefox pokazać.

Aktualizacije Firefox
Tam móžeće swoju aktualizowansku historiju přepruwować abo aktualizowanske nastajenja za Firefox změnić.

Wukon
Tam móžeće wukonowe nastajenja we Firefox přiměrić.

Přehladowanje
Tam móžeće nastajenja za přesuwanje, wužiwanje kursora (Caret Browsing) abo pytanje teksta na webstronach wubrać.

Syćowe nastajenja
Tam móžeće zwiskowe nastajenja Firefox změnić a proksy za zwiski z internetom nastajić.

Startowa strona

Tute wokno nastajenja za slědowace typy nastajenjow wobsahuje:

Nowe wokna a rajtarki
Tu móžeće postajić, štož widźiće, hdyž swoju startowu stronu, nowe wokno abo nowy rajtark Firefox wočinjeće. Móžeće swoju startowu stronu abo nowe wokna, prozdna strona abo swójski URL jako standardnu startowu stronu Firefox nastajić. Móžeće nastajić, hač nowe rajtarki standardnu startowu stronu Firefox abo prózdnu stronu wočinjeja.

Wobsah startoweje strony Firefox
Tu móžeće wobsah w stronje noweho rajtarki schować abo pokazać přiměrić, mjez nimi webpytanje, zwjazanja z najhusćišo wopytanymi sydłami, doporučenymi stawizničkami a z najnowšej aktiwitu. Za dalše informacije wo tutych funkcijach hlejće Stronu noweho rajtarka přiměrić.

Pytać

Tute wokno nastajenja za pytawu wobsahuje, kotruž Firefox po standardźe, nastajenja adresoweho pola a druhe pytanske nastajenja wužiwa. Za dalše informacije hlejće Standardne pytanske nastajenja w Firefox změnić.

Priwatnosć a wěstota

Tute wokno slědowace typy nastajenjow wobsahuje:

Priwatnosć wobhladowaka
Polěpšeny slědowanski škit, Nastajenja priwatnosće websydła, Placki a sydłowe daty, Hesła,Přizjewjenja a hesła, AwtowudospołnjenjeFormulary a awtowudospołnjenje a Historija: a Adresowe polo: Tam móžeće nastajenja za funkcije Firefox polěpšeneho slědowanskeho škita a Njeslědować wodźić, wodźić, hač websydła móža waše daty předać abo dźělić, placki websydłow, sydłowe daty a pufrowany webwobsah rjadować, nastajić, kak so maja hesła rjadować, kak so maja so formulary wupjelnić, a kak so maja wašu přehladowansku, sćehnjensku, pytansku a formularowu historiju rjadować a nastajić, kak adresowe polo funguje.

Prawa
Tam móžeće rozsudźić, hač websydła smědźa wam eksterne zdźělenja pósłać, wam wuskakowace wokna pokazać a hač Firefox měł was warnować, hdyž websydła pospytuja přidatki instalować.

Hromadźenje a wužiwanje datow Firefox
Tam móžeće rozsudźić, hač Firefox smě Mozilla techniske a interaktiwne daty pósłać, studije instalować a přewjesć abo Mozilla spadowe rozprawy pósłać.

Wabjenske nastajenja websydła
Tam móžeće websydłam dowolić abo zakazać, hač móža wabjenske měrjenje z dodźerženjom priwatnosće wuwjesć.

Wěstota
Škit před wobšudnym wobsahom a strašnej softwaru, Certifikaty a Modus Jenož-HTTPS: Tam móžeće certifikaty websydłow a wěstotne graty, strašny wobsah abo strašne sćehnjenja blokować a Modus Jenož-HTTPS w Firefox zmóžnić abo znjemóžnić.

Sync

W tutym woknje móžeć konto Mozilla załožić abo rjadować abo rjadować, kotrež za přistup k wěstym słužbam Mozilla trjebaće, mjez nimi Sync. Za dalš informacije hlejće Kak zarjaduju Sync na swojim ličaku? a Kotre typy informacijow móžu z Firefox synchronizować?.

Firefox Labs

W tutym woknje móžeće eksperimentelne funkcije Firefox wupruwować, prjedy hač so wozjewjeja. Za dalše informacije hlejće nastawk Firefox Labs - Explore experimental features in Firefox a Experimental features in Firefox na MDN Web Docs.

Wjace wot Mozilla

Tute wokno was wo druhich produktach Mozilla informuje, kotrež k tomu słužić, strowy internet podpěrować (Firefox Mobile, Mozilla Monitor, Mozilla VPN, Firefox Relay).