Eksterne zdźělenki w Firefox

Web Push je technologija za zdźělenki, kotraž websydłam zmóžnja, wužiwarjow wo nowych powěsćach abo zaktualizowanym wobsahu informować. Mjeztym Firefox je wočinjeny, móža websydła, kotrež su trěbne prawa dóstali, zdźělenki na waš wobhladowak słać a je na wobrazowce zwobraznić. Wužiwarjo móža lochko zdźělenki dowolić abo blokować a wodźić, kak tute zdźělenki maja so jewić.

Zaktualizowane zdźělenki

Započinajo so z wersiju 44, móže Firefox zdźělenki pokazać, samo hdyž sydło njeje začitane. Z pomocu Push API, W3C-standard, Firefox powěsć přijima a móže kóždy čas zdźělenki pokazać (jeli wužiwar je to dowolił). Sydła móža tež tajke zdźělenki w pozadku wužiwać bjez toho, zo bychu wam zdźělenku pokazali. Jeli sće hižo sydłu dowolił, zdźělenki słać, móže sydło tež Push API wužiwać. Móžeće rozsudźić, hač sydłu dowoliće, zdźělenki słać abo nic, hdyž tele instrukcije sćěhujeće:

  1. Klikńće na symbol Site Info button , zo byšće nastawk Control Center - manage site privacy and security controls wočinił.
  2. Klikńće na meni pódla Prawa a wubjerće zdźělensku móžnosć Přeco so prašec, Dowolić, Blokować.

Što je Web Push?

Web Push je opcionalna funkcija, kotrež websydłam zmóžnja, wam powěsće słać, samo hdyž sydło začitane njeje. Sydła móža tutu funkciju wužiwać, zo bychu wam zdźělenki słali abo daty w pozadku aktualizowali.

Móžeće na přikład zdźělenki swojich najlubšich nakupowanskich sydłow abonować, zo bychu was wo nowych akcijach a poskitkach informowali. Móžeće zdźělenki rozdźělnych websydłow abonować. Koncertne sydło wam snano zdźělenki wo wustupach wašeje najlubšeje band poskića; dowoleće sydłu, was informować a jedyn tydźeń pozdźišo dóstanjeće zdźělenku, zo waša band je na turje.

Budźeće powěsće jenož wot sydłow přijimać, kotrymž sće dowolnosć dał.

Kak funguje?

Websydła móža service worker instalować, pozadkowa webstrona z wobmjezowanej funkcionalnosću, kotraž móže zdźělenske słužby (jendźelsce: push service) abonować. Websydło móže potom wašemu wobhladowakej powěsć přez Web Push Service Mozilla słać, kotryž móže tutu powěsć předźěłować a zdźělenku na wašej wobrazowce pokazować.

Eksterna zdźělenka

Hdyž na zdźělenku kliknjeće, móže so websydło wočinić abo rajtark sydła so wočini, jeli sydło je začitane.

Kotre informacije websydło dóstawa?

Websydło, kotrež ma dowolnosć, móže wam powěsće słać, hdyž sydło začitane njeje. Kontingent wobmjezuje ličbu powěsćow, kotrež so na wobrazowce njepokazuja, kotrež sydło móže wam słać. Websydła, kotrež kontingent překročuja, hižo njemóža powěsće słać, a wužiwar dyrbi websydło znowa wopytać, zo by abonement wobnowił. Web Push websydłam direktnje njezmóžnja, wašu IP-adresu zwěsćić.

Kotre informacije Firefox wužiwa, zo by zdźělenki poskićił?

Firefox aktiwny zwisk ze zdźělenskej słužbu wudźeržuje, zo by powěsće přijimał, doniž začinjeny njeje. Zwisk so kónči, hdyž so Firefox začinja. Na našim serwerje składujemy připadny identifikator za waš wobhladowak, hromadźe z připadnym identifikatorom za kóžde sydło, kotrež awtorizujeće.

W Firefox za desktop so zdźělenska słužba wot Mozilla wobhospodarja. Firefox za Android wužiwa kombinaciju zdźělenskeje słužby Mozilla a platformy Google Cloud Messaging, zo by zdźělenki přijimał.

We woběmaj padomaj so powěsće přez IETF spec (jendźelsce) zaklučuja a jenož waš Firefox móže je dešifrować. Zaklučowane powěsće so na serwerje składuja, doniž rozpósłane njejsu abo njespadnu.

Kak móžu dowolnosć za zdźělenki wěsteho sydła zaso preč wzać?

Zdźělenki su přeco w Firefox zatwarjene. Sydło njemóže wam bjez wašeje dowolnosće powěsće słać. Zo byšće wěstemu sydłu dowolnosć zaso preč wzał, wam powěsće słać, wuwjedźće slědowace kroki:

  1. Klikńće na menijowe tłóčatko New Fx Menu a wubjerće NastajenjaNastajenja.
  2. Wubjerće wotrězk Wobsah a klikńće na tłóčatko Wubrać… pod nadpismom Zdźělenja.
  3. Wubjerće sydło.
  4. Klikńće na Sydło wotstronić.
Zdźělenske prawa

Zo byšće wšěm sydłam dowolnosć preč wzał, wam powěsće słać, wuwjedźće horjeka wopisane kroki, jenož zo na Wšě sydła wotstronić kliknjeće, město zo byšće wěste sydło wubrał. Websydła njemóža potom wam powěsće słać a dyrbja w přichodźe wo wašu dowolnosć prosyć.

Kak móžu swojemu websydłu Web Push přidać?

Specifikacija Push API (jendźelsce) wujasnja, kak móžeće „service worker“ wutworić a powěsće słać.

// Tući lubi ludźo su pomhali, tutón nastawk pisać: milupo. Móžeće tež pomhać - zhońće, kak.

Je tutón nastawk wužitny był? Prošu čakajće…

Dobrowólnik za pomoc Mozilla