Rozprawjak spadow Mozilla
Dialog rozprawjaka spadow Mozilla so jewi, hdyž so Firefox hnydom začinja a wam zmóžnja, wuwiwarjam spadowu rozprawu pósłać, zo by přichodne wersije Firefox mjenje husto spadowali. Tutón nastawk wopisuje, kak funguje a pokazuje wam, kak maće přistup na swoje spadowe rozprawy.
- Za namjety, kak móžeće spadam Firefox zadźěwać, hlejće Firefox spaduje - što činić?.
Zapis wobsaha
Hdyž Firefox spaduje
Po spadźe Firefox so rozprawjak spadow Mozilla zjewi.
Informujće Mozilla wo tutym spadźe, zo by móhł jón wotstronić: Jeli tutón kašćik je zmóžnjeny, pósćele rozprawjak spadow Mozilla zjeće spada na Mozilla. Wotstrońće hóčku z kašćika, jeli njechaće Mozilla rozprawu pósłać.
: Wočini wokno „Wobsah rozprawy“, hdźež móžeće sej techniske podrobnosće wo spadźe wobhladać.
Komentar přidać (komentary su zjawnje widźomne): Wužiwajće tutón kašćik, zo byšće dalše informacije přidał, kotrež móhli za wuwiwarjow wužitne być, zo bychu zawinu spada namakali. Komentary, kotrež sćeleće, dadźa so wot kóždeho čitać.
Adresu strony zasadźić, na kotrejž sym był: Jeli tute nastajenje je zmóžnjene, budu informacije, kotrež Mozilla sćeleće, webstronu wobsahować, kotruž sće před spadom wopytał.
Mozilla dowolić, so ze mnu wo tutej rozprawje do zwiska stajić: Zmóžńće tute nastajenje, jeli chceće e-mejlki wot wuwiwarjow přijimać, jeli něchtó z nich trjeba dalše informacije wo wašim spadźe. (Dóstanjeće tež snano e-mejlku z informacijemi wo pomocy, po tym zo su waš spad předźěłali.(
Zapisajće tu swoju e-mejlowu adresu: Jeli chceće našim wuwiwarjam pomhać, informacije wo tutym spadźe dóstać a jón reprodukować, zawostajće tu e-mejlowu adresu, přez kotruž maja was kontaktować.
Firefox wopušćić: Začińće dialog a skónčće Firefox.
Firefox znowa startować: Startujće Firefox znowa. Firefox da wam móžnosć, wokna a rajtarki wobnowić, kotrež su před spadom wočinjene byli. Jeli Firefox zaso spaduje, po tym zo chcyšće wokna a rajtarki wobnowić, je jedna ze stronow, kotrež sće wopytał, spad zawinowała. Wubjerće w tutym padźe , zo byšće nowe posedźenje startował.
Spadowe rozprawy sej wobhladać
Zo byšće sej swoje spadowe rozprawy z Firefox wobhladał:
- Zapodajće about:crashes do adresoweho pola a tłóčće ↩↩. Lisćina wotkazow k wašim spadowym rozprawam so zjewi.
- Klikńće na wotkaz, zo byšće sej rozprawu wobhladał.
Rozprawy zwonka Firefox sej wobhladać
Jeli njemóžeće hornju metodu wužiwać, dokelž Firefox spaduje, hdyž so startuje, móžeće sej tež rozprawy w datajach na swojim ličaku wobhladać. Přewjedźće za to slědowace kroki:
- Wočińće Charms a wubjerće .
- Pytajće za Ausführen w Apps.
- Wubjerće „Ausführen“ w pytanskich wuslědkach a desktop z nałoženjom „Ausführen“ so pokaza.
- Zapodajće w nałoženju „Ausführen“ %APPDATA%\Mozilla\Firefox\Crash Reports\ a tłóčće ↩.
- Wočińće Windowsowy meni .
- Zapodajće %APPDATA%\Mozilla\Firefox\Crash Reports\ do pytanskeho pola a tłóčće Enter.
- Wočińće Windowsowy meni a wubjerće potom .
- Zapodajće %APPDATA%\Mozilla\Firefox\Crash Reports\ do dialogoweho pola „Ausführen“ a tłóčće Enter.
Spadowe rozprawa so w ~/Library/Application Support/Firefox/Crash Reports/ składuja (Dźeržće na Mac OS X 10.7 tastu alt ⌥ stłóčenu, zo byšće schowane rjadowaki pokazał, mjeztym zo meni w Finder wočinjeće a potom Library wuběraće).
Spadowe rozprawy so w ~/.mozilla/firefox/Crash Reports/ składuja.
Rjadowak Crash Reports budźe dwaj podrjadowakaj wobsahować: pending a submitted. Rjadowak submitted wobsahuje tekstowe dataje za kóždu spadowu rozprawu, kotruž sće wotpósłał. Kóžda z tutych datajow wobsahuje ID spadoweje rozprawy. Na přikład: Dataja z mjenom bp-031b02bb-26b6-4168-ac0e-2de492090531.txt budźe slědowacy tekst wobsahować:
ID spada: bp-031b02bb-26b6-4168-ac0e-2de492090531
Móžeće https://crash-stats.mozilla.com/ wopytać a spadowy ID do pytanskeho pola kopěrował, zo byšće sej rozprawu wobhladał.
Pomoc za spadowe rozprawy dóstać
Jeli chceće swoju spadowu rozprawu wužiwał, zo byšće pomoc za waš problem Firefox dóstał, čitajće Firefox spaduje - što činić?.