Standardne pytanske nastajenja w Firefox změnić

Tutón nastawk wopisuje wotrězk Pytać strony NastajenjaNastajenja Firefox. Tam móžeće pytawy přidać abo wotstronić, změnić, kotra pytawa so jako standardna pytawa wužiwa a nastajić, hač so pytanske namjety pokazuja abo nic.

Zo byšće wotrězk „Pytać“ wočinił, klikńće na menijowe tłóčatko New Fx Menu , wubjerće NastajenjaNastajenja a potom Pytać w lěwym wobłuku. Móžeće tež wotrězk „Pytać“ z pytanskeho pola wočinić: Klikńće na lupu w pytanskim polu na swojej symbolowej lajsće a potom na Pytanske nastajenja.
pytanske polo fx47

Standardna pytawa

Móžeće standardnu pytawu z wuběranskeho menija wubrać. standardna pytawa fx50.1.0 win10

Za wužiwarjow Windows 10: Jeli chceće samsnu pytawu za pytanja Cortana wužiwać, stajće hóčku pódla Tutu pytawu za pytanja z Windowsa wužiwać.

K dispoziciji stejace pytawy

Firefox přinjese slědowace pytawy sobu:

  • Yahoo za přepytowanje weba přez Yahoo
  • Google za přepytowanje weba přez Google
  • Bing za přepytowanje weba přez Microsoft Bing
  • Amazon.com za pytanje za produktami na wikowanskim sydle Amazon.com
  • DuckDuckGo jako pytawa za wužiwarjow, kotřiž nochcedźa, zo druzy jich slěduja, hdyž pytaja
  • Twitter za pytanje za ludźimi na Twitter
  • Wikipedija (hsb) za pytanje w hornjoserbskej Wikipediji, swobodnej encyklopediji online

Pytanske namjety podać

Hdyž do pytanskeho pola pisaće, waša standardna pytawa wam namjety na zakładźe wot woblubowanych pytanjow abo wašich prjedawšich pytanjow pokaza. Hlejće Pytanske namjety w Firefox za dalše informacije. Zo byšće pytanske namjety zmóžnił ab znjemóžnił, přidajće abo wotstrońće hóčku pódla Pytanske namjety podać.

search suggestions 38 search suggestion win 10
Nastajenja pytać namjety podać pytanske namjety podać fx50.1.0 win10
  • Pytanske namjety we wuslědkach adresoweho pola pokazać. Jeli pytanske namjety su zmóžnjene, wubjerće tute nastajenje, zo byšće pytanske namjety tež we wuslědkach pokazował, kotrež so nalistuja, hdyž z adresoweho pola Firefox pytaće.

Pytawy z jednym kliknjenjom

Hdyž započnjeće do adresoweho pola pisać, budźeće symbole za druhe pytawy widźeć, z kotarymiž móžeće pytać:

pytanske polo pytawy fx47

Móžeće alternatiwnu pytawu wubrać a ju za swoje pytanje z jednym kliknjenjom wužiwać, jeli njechaće aktualnu standardnu pytawu wužiwać. Zo byšće alternatiwne pytawy wotstronił, kotrež nimaja so w pytanskim polu pokazować, wotstrońće hóčku pódla pytawy, kotraž je we wotrězku Pytać nalistowana. To njewotstronja pytawy same.

Pytawy wotstronić

Zo byšće pytawu wotstronił, wuwjedźće slědowacej krokaj:

  1. Klikńće na pytawu, kotrež nochceće wužiwać.
  2. Klikńće na tłóčatko Wotstronić, zo byšće ju ze swojeje lisćiny wotstronił.
nastajenja pytać pytawy wotstronic fx47

Jeli pytawu wotstronjeće, kotruž sće sam přidał, a sće swoje měnjenje změnił, dyrbiće ju znowa přidać (hlejće deleka). Jeli pytawy wotstronjeće, kotrež Firefox po standardźe sobu přinjese, klikńće na Standardne pytawy wobnowić, zo byšće je wróćo dóstał.

Dalše pytawy přidać

Wjele poskićowarjow poskića tež přidatki, kotrež wam zmóžnjeja, samo dalše pytawy přidać:

  1. Klikńce na Dalše pytawy přidać.
  2. Stajće kursor myški nad přidatki, kotrež chceće přidać a klikńće na K Firefox přidać.

Hlejće Pytawu w Firefox přidać abo wotstronić, zo byšće wjace wo přidawanju pytawow zhonił.

// Tući lubi ludźo su pomhali, tutón nastawk pisać: milupo. Móžeće tež pomhać - zhońće, kak.

Je tutón nastawk wužitny był? Prošu čakajće…

Dobrowólnik za pomoc Mozilla