Přidatki wam zmóžnjeja, Firefox mjenje bóle wužitne funkcije přidać. Su přidatki, kotrež płaćizny přirunuja, wo wjedrje informuja, zwonkowny napohlad Firefox měnjeja, hudźbu wothrawaja abo samo waš profil na Facebooku aktualizuja. Tutón nastawk wobjedna rozdźělne typy přidatkow, kotrež su k dispoziciji a kak móžeće je namakać a instalować.

Kotre typy přidatkow móžu instalować?

Tute powšitkowne typy přidatkow dadźa so instalować:

• Rozšěrjenja
  Rozšěrjenja přidawaja Firefox nowe funkcije abo měnjeja eksistowace funkcije. Su rozšěrjenja, kotrež wam zmóžnjeja, wabjenje blokować, wideja z websydłow sćahnyć, Firefox do websydłow kaž e-mejl a Facebook integrować, gramatiku a prawopis kontrolować a tak dale. Rozšěrjenja, kotrež su wot zhromadźenstwa wutworjene, móžeće na addons.mozilla.org namakać.
• Drasty
  Drasty zwonkowny napohlad Firefox měnja, hdyž swójski pozadkowy wobraz we hłowowym wotrězku wobhladowaka a barby nastajeće, kotrež so maja w rajtarkowej lajsće, adresowym polu, menijach a tak dale wužiwać. Firefox zatwarjene drasty wobsahuje a druhe, kotrež su so wot zhromadźenstwa wutworili, namakaće na addons.mozilla.org. Za dalše informacije wo zatwarjenych drastach, hlejće Built-in themes in Firefox - alternative to complete themes.
• Tykače
  Firefox Google Widevine CDM za wobhladowanje wobsaha wodźeny přez Digital Rights Management (DRM) a tykač OpenH264 za widejowe wołanja awtomatisce sćahuje.
• Słowniki
  Firefox móže waš prawopis kontrolować, ale nic wšě rěče z licencnych přičinow předinstalowany słownik sobu přinjesu. Móžeće za swoju rěč słownik pytać a instalować.
• Rěčne pakćiki
  Rěčne pakćiki rěč wužiwarskeho powjercha Firefox měnjeja. Móžeće rěče w meniju nastajenjow Firefox změnić a rěčne pakćiki, kotrež su so wot zhromadźenstwa wutworili, namakaće na addons.mozilla.org.
• Pytawy
  Firefox rjad hižo instalowanych pytawow sobu přinjese. Maće k nim přistup z pytanskeho pola (jeli zmóžnjene), abo direktnje z adresoweho pola. Jeli chceće dalše pytawy přidać, móžeće je direktnje na websydłach instalować abo z addons.mozilla.org.

Waše instalowane přidatki pokazać a rjadować

Najwjace typow přidatkow hodźi so direktnje ze zrjadowaka přidatkow Firefox rjadować. Zo byšće přistup k zrjadowakej přidatkow měł:

1. Klikńće na menijowe tłóčatko a wubjerće Přidatki a drasty. Rajtark zrjadowaka přidatkow so wočini.Klikńće na menijowe tłóčatko , potom na Rozšěrjenja a drasty. Rajtark zrjadowaka přidatkow so wočini.
2. Wubjerće wokno za tón přidatkowy typ, kotryž chceće pokazać abo rjadować, na přikład Rozšěrjenja abo Drasty.

Pytawy móžeće we woknje Pytać w nastajenjach Firefox wobhladać a rjadować.

Za podrobne informacije, kak móžeće přidatki znjemóžnić abo wotstronić, hlejće Přidatki znjemóžnić abo wotstronić.

Kak móžu přidatki namakać a instalować?

Čińće slědowace kroki:

1. Firefox móže personalizowane doporučenja poskićić. Klikńće na menijowe tłóčatko , potom na Přidatki a drastyRozšěrjenja drasty a wubjerće Doporučenja.
2. Zo byšće doporučeny přidatk instalował, klikńće na módre tłóčatko + Drastu instalować abo + Firefox přidać, we wotwisnosći wot přidatkoweho typa.

Deleka na lisćinje doporučenych přidatkow, je tež tłóčatko Dalše přidatki pytać, na kotrež móžeće kliknyć. Wjedźe was k addons.mozilla.org, hdźež móžeće za wěstymi přidatkami pytać.

Za nazhonjenych wužiwarjow: Móžeće tež signowany přidatk z dataje instalować. Hdyž rozšěrjenje z addons.mozilla.org abo websydła wuwiwarja instalujeće, budźe Firefox dataju z kóncowku .xpi sćahować a instalować. Jeli tutu dataju na swojim ličaku składujeće, móžeće pozdźišo přidatk z pomocu symbola zubateho koleska horjeka naprawo we wobwodźe wobłuka Rozšěrjenja zrjadowaka přidatkow instalować. Wubjerće Přidatk z dataje instalować… z menija a pytajće a wubjerće dataju.

Hdyž rozšěrjenje je so instalowało, móžeće jeho symbol k symbolowej lajsće za lóši přistup připjeć. Hlejće Manage your extensions using the extensions button in the toolbar za podrobnosće.

Problemy z přidatkami rozrisać

Za informacije wo rozrisowanju problemow z rozšěrjenjemi abo drastami hlejće slědowace nastawki.

Problemy z instalowanjom abo wotinstalowanjom přidatkow

• Unable to install add-ons (extensions or themes)
• Cannot remove an add-on (extension or theme)

Problemy zawinowane přez přidatki

• Problemy z rozšěrjenjemi, drastami a hardwarowym pospěšenjom rozrisać
• Problemy Firefox rozrisać, kotrež so přez škódne programy zawinuja
• Symbolowe lajsty wotstronić, kotrež su waše pytanje Firefox a wašu startowu stronu změnili
• Re-enable add-ons that were disabled when updating Firefox
• Why does Mozilla disable some add-ons from running in Firefox?
• Signowanje přidatkow