Kak zatwarjeny škit před wobšudniskimi pospytami a škódnymi programami funguje?

Firefox wobsahuje zatwarjeny škit před wobšudnistwom a škódnymi programami, zo byšće online wěsty wostał. Tute funkcije budu was warnować, hdyž strona, kotruž wopytujeće, je so jako webfalšowanka seriozneho sydła zdźěliła (druhdy strony „phishing“ mjenowane), jako žórło njewitaneje softwary abo jako škódne sydło, kotrež je za to myslene, waš ličak wobškodźić, instalujo škódne programy. Tuta funkcija tež was warnuje, jeli dataje sćahujeće, kotrež so jako škódny program wupokazuja.

Firefox wobsahuje zatwarjeny škit před wobšudnistwom a škódnymi programami, zo byšće online wěsty wostał. Tute funkcije budu was warnować, hdyž strona, kotruž wopytujeće, je so jako wobšudne sydło zdźěliła (druhdy strony „phishing“ mjenowane), jako žórło njewitaneje softwary abo jako škódne sydło, kotrež je za to myslene, waš ličak wobškodźić, instalujo škódne programy. Tuta funkcija tež was warnuje, jeli dataje sćahujeće, kotrež so jako škódny program wupokazuja.

Što su wobšudniske pospyty („phishing“), škódne sydła, njewitana softwara a škódne programy?

Internetne wobšudniske pospyty (tež jako „phishing“ znate)

To je forma kradnjenja identity, při kotrejž złowólne websydło seriozne websydło imituje, zo by was zawjedowało, dowěrliwe informacije kaž na přikład hesła, kontowe daty abo čisła kreditnych kartow zapodać. Tajke wobšudniske pospyty přińdu zwjetša z e-mejlkami, zo bychu přijimarjej zawjedowali, zo by swoje wosobinske daty na sfalšowanych websydłach aktualizował, kotrež wšak wupadaja, kaž bychu njesfalšowane byli. Dalše informacije wo „phishing“ a jeho metodach namakaće na stronje Wikipedije „Phishing“.

Što su wobšudniske pospyty („phishing“), škódne sydła, njewitana softwara a škódne programy?

Wobšudniske sydło (tež jako „phishing“ znate)

To je forma kradnjenja identity, při kotrejž złowólne websydło seriozne websydło imituje, zo by was zawjedowało, dowěrliwe informacije kaž na přikład hesła, kontowe daty abo čisła kreditnych kartow zapodać. Tajke wobšudniske pospyty přińdu zwjetša z e-mejlkami, zo bychu přijimarjej zawjedowali, zo by swoje wosobinske daty na sfalšowanych websydłach aktualizował, kotrež wšak wupadaja, kaž bychu njesfalšowane byli. Dalše informacije wo „phishing“ a jeho metodach namakaće na stronje Wikipedije „Phishing“.

Škódne sydła

Škódne sydła su websydła, kotrež pospytuja, waš ličak ze škódnymi programami inficěrować, hdyž tute sydła wopytujeće. Tute nadpady dadźa so husto ćežko namakać; samo sydło, kotrež je po wšěm zdaću wěste, pospytuje snano was nadpadować. Druhdy samo wobsedźer websydła njewě, zo jeho sydło je škódne sydło.

Škódne programy

Škodne programy su programy, kotrež su za to myslene, waš ličak bjez wašeho znajomstwa inficěrować. Škódne programy so husto wužiwaja, zo bychu wosobinske daty kradnyli, čaporowu e-mejl (spam) pósłali abo druhe škódne programy rozšěrili.

Móžeće pola StopBadware, powšitkownosći wužitneje organizacije, kotraž z partnerami kaž Mozilla hromadźe dźěła, zo by wužiwarjow před škódnymi programami a druhimi strašnymi programami škitał, wjace wo škódnych programach a škódnych sydłach zhonić.

Njewitane programy

Sydła z njewitanymi programami su websydła, kotrež pospytuja was zawjedować, zo byšće programy instalował, kotrež wašemu přehladowanskemu dožiwjenju haća (na přikład přez měnjenje wašeje startoweje strony abo pokazowanje přidatneho wabjenja na sydłach, kotrež wopytujeće). Móžeće w Google Unwanted Software Policy (jendźelsce) wjace wo tajkich programach zhonić.

Kak škit před wobšudniskimi pospytami a škódnymi programami w Firefox funguje?

Škit před wobšudniskimi pospytami a škódnymi programami tak funguje, zo so sydła, kotrež wopytujeće, přepruwuja a so z lisćinami sydłow přirunuja, kotrež su znate za wobšudniske pospyty, njewitane programy a škódne sydła. Tute lisćiny so kóžde 30 mjeńšin awtomatisce sćahuja a aktualizuja, jeli funkcije škita před wobšudniskim pospytami a škódnymi programami su zmóžnjene.

Hdyž dataju nałoženja sćahujeće, přepruwuje Firefox sydło, z kotrehož pochadźa a přirunuje je z lisćinu sydłow, kotrež, kaž je znate, „škódne programy“ rozšěrjeja. Jeli sydło je na lisćinje, Firefox tutu dataju hnydom blokuje, hewak praša so słužby wěsteho přehladowanja Google, hač program je wěsty, sćelo jej někotre z metadatow sćehnjenja.*

* Za Windowsowych wužiwarjow: Tute přepruwowanje online so w Firefox na Windowsu jenož za te sćehnjene dataje wotměwa, kotrež znateho dobreho wozjewjerja nimaja. Najwjace zwučenych a wěstych programow za Windows je signowane, tak zo tute finalne přepruwowanje přeco trěbne njeje.

Kak móžu funkcije škita před wobšudniskimi pospytami a škódnymi programami wužiwać?

Tute funkcije su po standardźe zmóžnjene, tak zo móžeće je najskerje hižo wužiwać, chibazo waše wěstotne nastajenja su so změnili. NastajenjaNastajenja škita před wobšudniskimi pospytami a škódnymi programami namakaće we wotrězku Wěstota:

  1. Klikńće na menijowe tłóčatko New Fx Menu Fx57Menu a wubjerće Nastajenja.Nastajenja.
    Fx43 Meni Nastajenja
  2. Klikńće na wotrězk Wěstota.
  3. Stajće hóčku pódla slědowaceju nastajenjow, zo byšće jej aktiwizował:
    • Zdźělene nadpadowe sydła blokować - tute nastajenje škita was před škódnymi sydłami a datajemi kaž tež njewitanymi programami.
    • Zdźělene webowe wobšudstwa blokować - tute nastajenje warnuje was před wobšudnymi websydłami, kotrež pospytuja was zawjedować, waše wosobinske a financielne daty zapodać.
    Nastajenja wěstota blokować
  4. Začińće stronu about:preferences. Wšě změny, kotrež sće přewjedł, budu so awtomatisce składować.

Zo byšće tute funkcije wotšaltował, slědujće krokam horjeka, zo byšće so k wotrězkej Wěstota wróćił a wotstrońće hóčce pódla Zdźělene nadpadowe sydła blokować a Zdźělene webowe wobšudstwa blokować. Začińće stronu about:preferences.

  1. Klikńće na menijowe tłóčatko New Fx Menu Fx57Menu a wubjerće Nastajenja.Nastajenja.
  2. KLikńće na wotrězk Wěstota.
  3. Stajće hóčku pódla slědowacych nastajenjow, zo byšće je aktiwizował:
    • Strašny a wobšudny wobsah blokować: Stajće hóčku do tutoho kašćika, jeli chceće potencienlnje škódne programy abo škódny wobsah blokować, kotrež móhli was zawjedować, škódne programy sćahnyć abo bjez wotpohlada informacije zapodać. Móžeće tež slědowacej opciji zmóžnić abo znjemóžnić, zo byšće swój wuběrk precizował:
      • Strašne sćehnjenja blokować: Blokuje potencielne wirusy a druhe škódne programy.
      • Před njewitanej a njewšědnej softwaru warnować: Zdźěla wam, hač nastajeće so potencielnje njewitanu abo njewšědnu softwaru sćahnyć, kotraž móhła wirus wobsahować abo někajke njewočakowane změny na wašim ličaku přewjesć.
    Fx48Security-BlockContent
  4. Začińće stronu about:preferences. Wšě změny, kotrež sće přewjedł, budu so awtomatisce składować.

Zo byšće tute funkcije znjemóžnił, přewjedźće předchadźace kroki, zo byšće so do wotrězka Wěstota wroćił a hóčki opcijow wotstronił. Začińće stronu about:preferences.

Zo byšće widźał, hač škit před wobšudniskimi pospytami je aktiwny, wopytajće naše testowanske sydło za wobšudniske pospyty. Móžeće tež naše testowanske sydło za škódne programy wopytać, zo byšće wobkrućił, zo Firefox škódne sydła tež blokuje a tež naše testowanske sydło za njewitane programy. Hdyž škit před wobšudniskimi pospytami a škódnymi programami je zmóžnjeny, měłoj so wobě sydleměli so wšě tute sydła při začitowanju haćić.

Što so stawa, hdyž so strona abo dataja blokuje?

Firefox budźe stronu při začitowanju haćić a pokaza warnowanje Webfalšowanka zdźělena! za sydła z wobšudniskimi pospytami, Sydło z njewitanej softwaru zdźělene! za sydła z njewitanej softwaru a Nadpadowa strona zdźělena! za škódne sydła.

Firefox budźe stronu při začitowanju haćić a pokaza warnowanje wobšudne sydło zdźělene! za sydła z wobšudniskimi pospytami, Sydło z njewitanej softwaru zdźělene! za sydła z njewitanej softwaru a Nadpadowa strona zdźělena! za škódne sydła.

Jeli škódne abo spionažne programy sćahujeće, pokazuje Firefox zdźělenku we wotrězku sćehnjenjow.

malware warning

Zo byšće warnowanje ignorował a zo njebyšće hižo tajku dataju blokował, klikńće z prawej tastu na nju w sćehnjenskim woknje a wubjerće Blokowanje zběhnyć.

Pokiw: Započinajo z Firefox 48, polěpšeny wužiwarski powjerch wosnadnja, tute warnowanja pytnyć a rozumić. Hlejće tutón blogowy přinošk za podrobnosće.


Kotre informacije so na Mozilla abo jeho partnerow sćelu, hdyž škit před wobšudniskimi pospytami a škódnymi programami je zmóžnjeny?

Firefox komunikuje dwójce z partnerami Mozilla, hdyž so škit před wobšudniskimi pospytami a škódnymi programami za sydła wužiwa. Prěni raz je za prawidłowne aktualizacije lisćinow sydłow z wobšudniskimi pospytami a škódnymi programami. Při aktualizowanju lisćinow so žane informacije wo was abo sydłach, kotrež sće wopytał, njesćelu. Druhi raz je, hdyž sydło z wobšudniskim pospytami abo škodnymi programami wopytujeće. Prjedy hač Firefox sydła blokuje, so dwójne přepruwowanje wotměwa, zo by zawěsćił, zo zdźělene sydło njeje so wot poslednjeje aktualizacije z lisćiny wotstroniło. Tute přepruwowanje njezapřijima adresu wopytaneho sydła, wobsahuje jenož dźělne informacije, kotrež so z adresy wotwodźeja.

Přidatnje k regularnej lisćinje aktualizacijow, kotraž je so horjeka naspomniła a so wužiwa, zo by sćehnjene dataje před škódnymi programami škitała, komunikuje Firefox z partnerami Mozilla, zo byšće wěstotu wěstych wuwjedźomnych datajow přepruwował. W tajkich padach budźe Firefox informacije wo dataji słać, inkluziwnje mjeno, pochad, wulkosć a krytpografisku pruwowansku hódnotu (jendźelsce hash) wobsaha na słužbu wěsteho přehladowanja Google słać, kotraž Firefox pomha zwěsćić, hač dataja ma so blokować abo nic.

Prawidła priwatnosće Mozilla wopisuja, kotre daty Firefox a Mozilla dóstawatej a kak so z nimi wobchadźa. Prawidła priwatnosće Google wujasnjeja, kak Google ze zběranymi datami wobchadźa.

Móžu wobkrućić, zo moje sydło je wěste, kak móžu jo z lisćinow wotstronić dać?

Jeli waše sydło bu znjewužite, a wy sće jo nětko porjedźił, abo jeli měniće, zo waše sydło je so mylnje jako škódne zdźěliło, móžeće wo to prosyć, jo z lisćinow wotstronić. Pozbudźujemy sydłowych wobsedźerjow najebać toho, rozprawu dokładnje přečitać; sydło da so husto bjez widźomneje změny do škódneho sydła přeměnić.

Tutón nastawk so wam - kaž wšě nastawki pomocy Firefox - zwjetša wot dobrowólnikow k dispoziciji staja, kotřiž njewotwisnosć a zasadu wočinjeneho žórła Mozilla podpěruja. Přehladujće njewotwisnje!

// Tući lubi ludźo su pomhali, tutón nastawk pisać: milupo. Móžeće tež pomhać - zhońće, kak.

Je tutón nastawk wužitny był? Prošu čakajće…

Dobrowólnik za pomoc Mozilla