Firefox móže swoje wočinjene rajtarki a wokna ze swojeho poslednjeho posedźenja wobnowić – samo po spadźe abo nowym starće. Móžeće wubrać, hač Firefox waše posedźenje awtomatisce wobnowja, hdyž so startuje abo jenož, hdyž to žadaće.

Jeli so waše posedźenje kaž wočakowane njewobnowja, tutón nastawk pokiwy rozrisowanja problemow za připjate rajtarki, priwatne wokna a změny nastupajo aktualizacije wobsahuje.

Hdyž Firefox waše posedźenje wobnowja

Hdyž manuelnje „Předchadne posedźenje wobnowić“ wuběraće

Móžeće swoje předchadne posedźenje z menija Firefox wobnowić, jeli so awtomatisce njewobnowja.

1. Klikńće na menijowe tłóčatko naprawo w swojej symbolowej lajsće.
2. Klikńće na Historija.
3. Wubjerće Předchadne posedźenje wobnowić.

Po aktualizaciji Firefox

Hdyž so Firefox aktualizuje, dyrbi so husto znowa startować. Rajtarki a wokna měli so awtomatisce po aktualizaciji wobnowić.

Jeli so to njestawa:

• Klikńće na menijowe tłóčatko , potom na Historija a přeńdźće k Runje začinjene wokna/rajtarki, zo byšće je wobnowił.
• Kontrolujće, hač posedźenske wobnowjenje je zmóžnjene (hlejće Posedźenske wobnowjenje konfigurować).

Po nowym startowanju Fiefox w modusu za rozrisowanje problemow

Hdyž znowa w modusu za rozrisowanje problemow startujeće, zo byšće problemy Firefox diagnosticěrował, so waše rajtarki a wokno znowa wočinjeja.

Jeli so to njestawa:

• Klikńće na menijowe tłóčatko , potom na Historija a přeńdźće k Runje začinjene wokna/rajtarki, zo byšće je manuelnje wobnowił.

Po spadźe abo njewočakowanym wupinanju

Jeli Firefox je spadnył abo jeli waš grat je so njewočakowany wupinył, budźe zwjetša pospytować, waše poslednje posedźenje wobnowił, hdyž jo přichodny raz wočinjeće. Widźiće potom snano stronu Posedźenje wobnowić:

• Wubjerće wokna abo rajtarki, kotrež chceće wobnowić.
• Klikńće na Posedźenje wobnowić.

Jeli Firefox za wobnowjenje znowa spaduje:

• Klikńće město toho na Nowe posedźenje startować.
• Klikńće na menijowe tłóčatko , potom na Historija a přeńdźće k Runje začinjene wokna/rajtarki, zo byšće swoje posedźenje manuelnje wobnowił.

Hdyž sće Firefox nastajił, zo předchadne posedźenje při startowanju wobnowja

Móžeće Firefox nastajić, zo waše wokna a rajtarki z předchadneho posedźenja pokazuje, hdyž Firefox startujeće. Zo byšće swoje nastajenja za start Firefox změnił, hlejće Posedźenske wobnowjenje konfigurować deleka.

Posedźenske wobnowjenje konfigurować

Hdyž Firefox startuje, so po standardźe jednotliwe wokno wočinja, kotrež wašu nastajenu startowu stronu zwobraznja. Jeli chceće, móžeće Firefox tak konfigurować, zo wokna a rajtarki z wašeho předchadneho posedźenja wočinja:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Wubjerće wotrězk Powšitkowny.
3. Wubjerće pod Startować Předchadne wokna a rajtarki wočinić
   .
4. Začińće stronu Nastajenja. Wšě změny, kotrež sće přewjedł, budu so awtomatisce składować.

Wobmjezowanja posedźenskeho wobnowjenja a priwatnosć

Posedźenske wobnowjenje za normalne rajtarki a wokna funguje. Ale, někotre wuwzaća su:

Posedźenske wobnowjenje po spadach znjemóžnić (rozšěrjene)

Jeli nochceće, zo Firefox waše posedźenja po spadach wobnowja:

1. Zapodajće about:config do adresoweho pola a tłóčće Enter↩.
   Warnowanska strona móže so jewić. Klikńće na Riziko akceptować a pokročować, zo byšće so na stronu about:config dóstał.
2. Zapodajće browser.sessionstore.resume_from_crash do tekstoweho pola Mjeno nastajenja pytać horjeka.
3. Klikńće na tłóčatko Přepinać pódla browser.sessionstore.resume_from_crash, zo byšće jo na false stajił.

Rozrisowanje problemow

Posedźenje njeje so korektnje začiniło

Zaručić, zo Firefox so porjadnje začinja

Zo byšće Firefox porjadnje začinił: Klikńće na meni Firefox a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox a wubjerće Skónčić.

• Jeli jednotliwe wokna manuelnje začinjeće, so jenož rajtarki toho wokna wobnowjeja, kotrež je so jako poslednje začiniło.

Nastajenja historije přepruwować

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Wubjerće wokno Priwatnosć a wěstota.
3. Zawěsćće we wotrězku Historija, zo wuběranski meni Firefox budźe je pak na Sej historiju spomjatkować abo Swójske nastajenja za historiju wužiwać nastajeny.
   • Jeli Firefox budźe je na Swójske nastajenja za historiju nastajeny, zawěsćće, zo Přeco priwatny modus wužiwać wubrany njeje.
   • Jeli Firefox budźe: je na Swójske nastajenja za historiju wužiwać nastajeny a Historiju wuprózdnić, hdyž so Firefox začinja je wubrany, klikńće na tłóčatko Nastajenja a zawěsćće, zo Přehladowanska a sćehnjenska historija wubrany njeje.
4. Začińće stronu Nastajenja. Wšě změny, kotrež sće přewjedł, budu so awtomatisce składować.

Runje začinjene rajtarki/wokna faluja

Jeli Firefox wobnowjenje wašeho posedźenja njeposkićuje:

• Přeńdźće k Historija > Runje začinjene wokna/rajtarki.

Wužiwajće Strg + ⇧ + T (abo cmd ⌘ + ⇧ + T na macOS), zo byšće rajtark wočinił, kotryž je so jako posledni začinił.

Rajtarki so z prózdnej abo startowej stronu wočinjeja

Přičina móže być:

• Rozšěrjenja w konflikće
• Změna w běhu aktualizacije
• Wobškodźene posedźenske daty

Spytajće:

• Přidatki w modusu za rozrisowanje problemow znjemóžnić
• Nastajenja Firefox wróćo stajić (hlejće tutón nawod)

Podobne nastawki

• Zhubjene abo falowace zapołožki wobnowić
• Problemy ze spadami Firefox rozrisać
• Firefox wobnowić - přidatki a nastajenja wróćo stajić