Nastajenja Firefox wam zmóžnjeja, fungowanje wašeho wobhladowaka přiměrić – wot wobnowjenja posedźenjow a blokowanje wabjenja do synchronizowanja datow a rjadowanja priwatnosće. Tutón nastawk kožde wokno nastajenjow Firefox wujasnja a wobsahuje wotkazy na huste nadawki.

Zo byšće nastajenja} Firefox wočinił:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja. Wokno nastajenjow Powšitkowny so wočini.
2. Wubjerće druhe wokno za druhe nastajenja z lěweje špalty.

   

Přehlad wo woknach nastajenjow Firefox

Powšitkowny

Tute wokno start, zadźerženje rajtarkow, sćehnjenja, rěčne nastajenja a wjace wobsahuje:

• Startować: Nastajće Firefox jako swój standardny wobhladowak a wobnowće předchadne posedźenja.
  • Čińće Firefox k swojemu standardnemu wobhladowakej.
  • Nastajće Firefox, zo byšće při startowanju swoje předchadne posedźenje wobnowił.
  • Importujće daty z druheho wobhladowaka.
• Rajtarki: Rjadujće swoje rajtarki.
  • Wubjerće, kak so rajtarki wočinjeja.
• Rěč a zwonkowne: Změńće pisma, barby, měritko a rěč wužiwarskeho powjercha.
  • Změńće nastajenja zwonkowneho websydła w Firefox.
  • Změńće pisma a barby, kotrež websydła wužiwaja.
  • Změńće wulkosć wobsaha webstrony.
  • Wubjerće pokazowansku rěč za menije, zdźělenki, powěsće a druhe dźěle wužiwarskeho powjercha Firefox.
  • Wubjerće preferowanu pokazowansku rěč za webstrony.
  • Wužiwajće prawopisnu kontrolu Firefox.
• Sćehnjenja: Wubjerće, hdźež so maja sćehnjene dataje składować.
  • Změńće sćehnjenski rjadowak, kotryž Firefox wužiwa, zo by dataje składował.
• Aktualizacije Firefox:
  • Přepruwujće swoju aktualizacisku historiju abo změńće aktualizaciske nastajenja za Firefox.
• Nałoženja: Nastajće, kak Firefox ma so z rozdźělnymi datajowymi typami wobchadźa.
  • Změńće nałoženje abo akciju za rozdźělne datajowe typy.
  • Wubjerće, hač chceće sej wobsah DRM w Firefox wobhladać.
• Wukon: Přiměrće hardwarowe pospěšenje a wobsahowe procesy.
  • Přiměrće wukonowe nastajenja w Firefox.
• Přehladowanje: Zmóžńće kursorowe tasty za přehladowanje a tekstowe pytanje.
• Syćowe nastajenja: Nastajće proksy abo rjadujće zwiskowe nastajenja.
  • Změńće zwiskowe nastajenja Firefox a nastajće proksy, kotryž ma z internetom zwjazać.

Startowa strona

Přiměrće, štož so jewi, hdyž Firefox wočinjeće:

• Startowa strona a nowe wokna: Nastajće swójski URL abo wužiwajće standardnu startowu stronu Firefox.
  • Wubjerće, štož widźiće, hdyž swoju startowu stronu, nowe wokno Firefox abo nowy rajtark wočinjeće.
  • Stajće swoju startowu stronu abo nowe wokna na standardnu stronu Firefox, pródznu stronu abo swójski URL.
• Nowe rajtarki: Wubjerće, štož so ma na nowych rajtarkach jewić.
  • Móžeće nowe rajtarki nastajić, zo bychu standardnu startowu stronu Firefox abo prózdnu stronu wočinili.
• Startowa strony Firefox wobsah: Přepinajće webpytanje, husto wopytane strony, doporučenja a wjace.
  • Přiměrće wobsah na stronje noweho rajtarka, mjez nimi webpytanje, zwjazanja z najhusćišo wopytane sydła, doporučene stawiznički a najnowša aktiwita.

Pytać

Kontrolujće swoju standardnu pytawu a kak pytanje w adresowym polu funguje:

• Standardne pytanske nastajenja w Firefox změnić.
• Rjadujće jednoklikowe pytanske zwjazanja.
• Kontrolujće nastajenja adresoweho pola.

Priwatnosć a wěstota

Rjadujće priwatnosć, wěstotu a sydłowe prawa:

• Polěpšeny slědowanski škit: Blokujće přesćěhowaki a placki.
  • Přepruwujće nastajenja za Polěpšeny slědowanski škit Firefox.
• Placki a sydlowe daty: Rjadujće abo zhašejće daty, kotrež websydła składowachu.
  • Přepruwujće, hač websydła móža waše daty předawać abo dźělić.
  • Rjadujće placki websydłow.
  • Rjadujće datowy składowak websydłow.
  • Rjadujće pufrowany webwobsah.
• Přizjewjenja a hesła: Přepruwujće składowanje hesłow a awtomatiske wupjelnjenje.
  • Rjadujće hesła.
  • Wupjelńće formulary.
• Historija: Rjadujće přehladowansku, sćehnjensku a pytansku historiju.
  • Rjadujće swoju přehladowansku, sćehnjensku, pytansku a formularowu historiju
• Prawa: Přepruwujće přistup websydłow k wašemu stejnišću, wašej kamerje, wašim zdźělenkam a wjace.
  • Rjadujće zdźělenki Web Push.
  • Rjadujće wuskakowace wokna.
  • Rjadujće warnowanja, hdyž websydła pospytuju přidatki instalować.
• Hromadźenje a wužiwanje datow Firefox: Rozsudźće, hač chceće wužiwanske daty dźělić.
  • Zmóžńće Firefox, techniske a interaktiwne daty na Mozilla pósłać.
  • Instalujće a wuwjedźće studije.
  • Sćelće spadowe rozprawy na Mozilla.
  • Přewjedźće wabjenske měrjenje, kotrež priwatnosć wobchowuje.
• Modus Jenož-HTTPS: Zmóžńće jenož zaklučowane zwiski.
  • Wobhladajće sej a rjadujće certifikaty websydłow a wěstotne graty.
  • Blokujće strašny wobsah abo strašne sćehnjenja.
  • Zmóžńće abo znjemóžńcé Modus Jenož-HTTPS.

Synchronizować

Přizjewće so ze swojim kontom Mozilla, zo byšće zapołožki, hesła, historiju a wjace přez graty synchronizował:

1. Klikńće na Synchronizować w bóčnicy nastajenjow.
2. Přizjewće so abo załožće konto.
3. Wubjerće, kotre datowe typy maja so synchronizować.

Wjace wot Mozilla

Wotkryjće druhe nastroje a słužby Mozilla:

• Mozilla Monitor: Dóstańće warnowanja, jeli waša e-mejlowa adresa je w datowej dźěrje.
• Firefox Relay: Maskěrujće swoju e-mejlowu adresu z priwatnymi aliasowymi mjenami.
• Mozilla VPN: Přehladujće wěsće z VPN.
• Firefox Mobile: Synchronizujće přehladowanje přez graty.

Huste prašenja wo nastajenjach Firefox

Kak móžeće předchadne posedźenje wobnowić abo začinjene rajtarki znowa wočinić?

Firefox móže waše rajtarki z wašeho poslednjeho přehladowanskeho posedźenja wobnowić:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Wočińće wokno Powšitkowny.
3. Markěrujće pod Startować kontrolny kašćik za Rajtarki z předchadneho posedźenja wočinić.

Kak móžu wabjenje blokować abo redukować?

Firefox Polěpšeny slědowanski škit a opcionalne přidatki wobsahuje, zo by nawalne wabjenje blokował:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Wočińće wokno Priwatnosć a wěstota.
3. wubjerće pod Polěpšeny slědowanski škit Striktny za wjace blokowanja wabjenja a přesćěhowakow.
4. Zo byšće wabjenje blokował, instalujće wobsahowy blokowak kaž uBlock Origin wot sydła přidatkow Firefox.

Kak móžu swoje zapołožki rjadować?

Móžeće zapołožki z biblioteki rjadować:

1. Klikńće na menijowe tłóčatko a wubjerće Zapołožki.
2. Wubjerće Zapołožki rjadować deleka.
3. Wužiwajće rjadowaki, zo byšće swoje składowane strony organizował.

Podobne nastawki

• Předchadne posedźenje zaso wobnowić - waše najnowše rajtarki a wokna zaso pokazać
• Rjadowaki zapołožkow za organizowanje wašich zapołožkow wužiwać
• Enhanced Tracking Protection in Firefox for desktop
• Kak zarjaduju Sync na swojim ličaku?
• Zhubjene abo falowace zapołožki wobnowić