Problemy Firefox diagnosticěrowaś a rozwězaś

Nejwěcej problemow z Firefox dajo se pśez slědujuce metody pytanja zmólkow rozwězaś. Pśewjeźćo toś te kšace w pódanem pórěźe. Jolic jadyn z nich njefunkcioněrujo, pśewjeźćo pśiducy kšac. Jolic trjebaśo pśidatnu pomoc, wobrośćo se na našo zgromaźeństwo dobrowólnych pomocnikow.

1. Startujśo swójo licadło znowego

Wótergi daju se problemy jadnorje pśez to rozwězaś, až startujośo swójo licadło znowego a pótom wócynjaśo Firefox.

2. Wulašujśo swóje cookieje a wuprozniśo pufrowak

Wjele problemow ze zacytowanim webbokow dajo se pśez to rozwězaś, až cookieje Firefox lašujośo a pufrowane webwopśimjeśe prozniśo. Za dalšne informacije glejśo Cookieje lašowaś, aby se daty wótpórali, kótarež websedła su na wašom licadle składowali a Kak móžośo pufrowak wuprozniś. Aby swóje cookieje abo pufrowak naraz wuproznił:

  1. Klikniśo na menijowy tłocašk Wobraz "fx57menu" njeeksistěrujo.Fx89menuButton, aby menijowe wokno wócynił. Klikniśo na tłócašk biblioteki 57 library icon w swójej symbolowej rědce. (Jolic ju tam njewiźiśo, klikniśo na menijowy tłocašk Wobraz "fx57menu" njeeksistěrujo. a pótom na Bibliotekaklikniśoc na menijowy tłocašk Wobraz "fx89menuButton" njeeksistěrujo..)
  2. Klikniśo na Historija a wubjeŕśo Aktualnu historiju wuprozniś….
  3. Wubjeŕśo we wuběrańskem pólu Cas za wuproznjenje: Wšykno.
  4. Wubjeŕśo pód wuběrańskim menijom ako Cookieje tak teke Pufrowak. Pśeznańśo se, až druge zapiski, kótarež cośo wobchowaś, njejsu wubrane.
  5. Klikniśo na W pórěźe.

Firefox ma teke startowy pufrowak, kótaryž wěste nachylne daty składujo, aby startowu spěšnosć pólěpšył. Gaž startowy pufrowak prozniśo a Firefox pón znowego startujośo, móžośo wšake problemy z wužywaŕskim pówjerchom (UI) Firefox rozwězaś. To waše profilowe daty abo dodanki njezměnijo.

  1. Klikniśo na menijowy tłocašk Fx57MenuFx89menuButton, pón na Pomoc a wubjeŕśo Informacije za rozwězowanje problemowInformacije za rozwězowanje problemow. Bok informacijow za rozwězowanje problemow se wócynijo.
  2. Klikniśo pód Wopytajśo startowy pufrowak wuprozniś na Startowy pufrowak wuprozniś… a pón na Znowego startowaś.

3. Startujśo Firefox we wěstem modusu znowego

Wěsty modus Firefox jo metoda rozwězowanje problemow, kótaraž znjemóžnja mjazy drugim wšykne rozšyrjenja, wužywa standardnu drastwu, znjemóžnja hardwarowe póspěšenje a wužywa standardne nastajenja symbolowych rědkow, mjazy drugimi změnami (glejśo toś ten nastawk za drobnostki). Aby Firefox we wěstem modusu startował:

  1. Klikniśo na menijowy tłocašk Fx89menuButton, pótom na Pomoc, wubjeŕśo Modus za rozwězowanje problemow… a klikniśo na Znowego startowaś w dialogu Firefox w modusu za rozwězowanje problemow znowego startowaś?.

    Pokaz: Móžośo teke tastu ⇧ tłocyś, mjaztym až Firefox startujośo, aby Firefox w modusu za rozwězowanje problemow startował.tastu ⌥ tłocyś, mjaztym až Firefox startujośo, aby Firefox w modusu za rozwězowanje problemow startował.Firefox skóńcys, pótom do swójogo terminala hyś a firefox -safe-mode pśewjasć.
    Musyśo snaź instalěrowańsku sćažku pódaś (na pś. /usr/lib/firefox).
  2. Klikniśo w pśiducem woknje wěstego modusa na We wěstem modusu startowaś.
  3. Pśeglědujśo, lěc waš problem hyšći nastawa we wěstem modusu.
  • Jolic problem hyšći nastawa we wěstem modusu, źiśo ku kšacoju 4.
  • Jolic problem we wěstem modusu wěcej njewustupujo, slědujśo ttoś tym instrukcijam, aby problemy z rozšyrjenjami, drastwami a hardwarowem póspěšenim rozwězał.

3. Startujśo Firefox w modusu za rozwězowanje problemow znowego

Modus za rozwězowanje problemow Firefox jo diagnostiska metoda, kótaraž mjazy drugim rozšyrjenja znjemóžnja, standardnu drastwu wužywa, hardwarowe póspěšenje znjemóžnja a standardne nastajenja symbolowych rědkow wužywa, mjazy drugimi změnami (glejśo toś ten nastawk za drobnostki). Aby Firefox w modusu za rozwězowanje problemow startował:

  1. Klikniśo na menijowy tłocašk Fx89menuButton, pótom na Pomoc, wubjeŕśo Modus za rozwězowanje problemow… a klikniśo na Znowego startowaś w dialogu Firefox w modusu za rozwězowanje problemow znowego startowaś?.

    Pokaz: Móžośo teke tastu ⇧ tłocyś, mjaztym až Firefox startujośo, aby Firefox w modusu za rozwězowanje problemow startował.tastu ⌥ tłocyś, mjaztym až Firefox startujośo, aby Firefox w modusu za rozwězowanje problemow startował.Firefox skóńcys, pótom do swójogo terminala hyś a firefox -safe-mode pśewjasć.
    Musyśo snaź instalěrowańsku sćažku pódaś (na pś. /usr/lib/firefox).
  2. Klikniśo w dialogu Firefox w modusu za rozwězowanje problemow wócyniś? na Wócyniś.
  3. Pśespytajśo, lěc waš problem w modusu za rozwězowanje problemow hyšći wustupujo.
  • Jolic problem w modusu za rozwězowanje problemow hyšći wustupujo, źiśo ku kšacoju 4.
  • Jolic problem w modusu za rozwězowanje problemow wěcej njewustupujo, slědujśo toś tym instrukcijam, aby problemy z rozšxrjenjami, drastwami a hardwarowym póspěšenim rozwězał.

4. Instalěrujśo Firefox znowego

Někotare problemy Firefox se wótergi pśez problem z jadnym z programowych datajow Firefox zawinuju. Pśewjeźćo slědujuce kšace, aby Firefox dopołnje wótwónoźeł a znowego instalěrował. Toś ten proces waše profilowe daty Firefox njewótwónoźijo (na pśikład cytańske znamjenja a gronidła), dokulaž toś te informacije se na drugem městnje składuju.

Pokaz: Móžośo toś te kšace wuśišćaś abo se w drugem wobglědowaku woglědaś.
  1. Ześěgniśo a składujśo instalěrowański program za nejnowšu oficielnu wersiju Firefox z mozilla.org.
  2. Skóńcćo Firefox (jolic jo wócynjony): Pśedłoga "closefirefox" njeeksistěrujo abo njama pśizwólonu wersiju.
  3. Cośo snaź městno programowego zarědnika Mozilla Firefox notěrowaś (klikniśo z pšaweju tastu na desktopowy symbol Firefox, wubjeŕśo Eigenschaften z kontekstowego menija a klikniśo na rejtarik Verknüpfung), dokulaž su tam snaź dataje a zarědniki, kótarež su pó wótinstalěrowanju Firefox zwóstali a kótarež měli se za cystu znowegoinstalaciju wótwónoźeś.
  4. Firefox wótinstalěrowaś.
  5. Wulašujśo programowy zarědnik Firefox, kótaryž jo zwětšego na jednom ze slědujuceju městnowu:
    • C:\Program Files\Mozilla Firefox
    • C:\Program Files (x86)\Mozilla Firefox
  6. Instalěrujśo Firefox z pomocu instalěrowańskego programa, kótaryž do togo ześěgujośo znowego - glejśo Firefox na Windows ześěgnuś a instalěrowaś za instrukcije.
  1. Ześěgniśo nejnowšu oficielnu wersiju Firefox z mozilla.org.
  2. Skóńcćo Firefox: Pśedłoga "closefirefox" njeeksistěrujo abo njama pśizwólonu wersiju.
  3. Aby Firefox wótinstalěrował, wócyńśo programowy zarědnik w Finder a śěgniśo nałoženje do papjernika.
  4. Instalěrujśo Firefox znowego - glejśo Kak Firefox na Mac ześěgnuś a instalěrowaś za instrukcije.
  1. Ześěgniśo nejnowšu oficielnu wersiju Firefox z mozilla.org.
  2. Skóńcćo Firefox: Pśedłoga "closefirefox" njeeksistěrujo abo njama pśizwólonu wersiju.
  3. Wótinstalěrujśo Firefox - Joli sćo zainstalěrował Firefox z paketowym zastojnikom distribucije, wy by měł jen na ten samski nałog wótinstalěrowaś - glejśo Firefox na Linux instalěrowaś za drobonostki. Jolic sćo binarny paket ze ześěgnjeńskego boka Firefox ześěgnuł a zainstalěrował, wótwónoźćo jadnorje zarědnik firefox w swójom wužywarskem zapisu, aby Firefox wótinstalěrował.
  4. Instalěrujśo Firefox znowego - glejśo Firefox na Linux instalěrowaś za instrukcije.

Startujśo Firefox a pśeglědujśo, lěc waš problem jo rozwězany. Jolic nic, pókšacujśo z pśiduceju metodu pytanja zmólkow.

5. Firefox wótnowiś

Funkcija Firefox wótnowiś móžo wjele problemow pśez to rozwězaś, až waš profil Firefox staja se slědk na swój wuchadny staw. Waše nejwažnjejše daty se zdźaržuju.
Jolic maśo wjele pśiměrjenjow Firefox, cośo snano toś ten kšac pśeskócyś a město togo nowy profil Firefox załožyś (glejśo kšac 6 dołojce), aby se dał waš stary profil z profilowego zarědnika lažko wótnowiś.

Pokaz: Gaž wužywaśo funkciju Wótnowiś, budu se waše cytańske znamjenja, waša pśeglědowańska historija, waše wócynjone rejtariki, waše wokna, waše gronidła, waše cookieje a waše daty awtomatiskego wudopołnjenja formularow składowaś. Waše rozšyrjenja a drastwy pak wótpóraju se a waše nastajenja stajiju se slědk. Dalšne informacije.
  1. Klikniśo na menijowy tłocašk Fx57Menu, pótom na Pomoc a wubjeŕśo Informacije wó rozwězowanju problemowInformacije wó rozwězowanju problemow.
  2. Klikniśo na Firefox wótnowiś, pótom na Firefox wótnowiś we wobkšuśeńskem woknje, kótarež se wócynja. Firefox se zacynijo, aby se wótnowił.
  3. Za tym až to jo dokóńcone, wokno waše importěrowane informacije pokažo. Klikniśo na tłocašk Dokóńcyś. Firefox se wócynijo.
  4. Wubjeŕśo, lěc cośo, až Firefox ma wšykne abo někotare wokna a rejtariki wótnowiś a klikniśo na tłocašk Zachopmy!.
  1. Klikniśo na menijowy tłocašk Fx57Menu, pótom na Pomoc a wubjeŕśo Informacije wó rozwězowanju problemowInformacije wó rozwězowanju problemow.
  2. Klikniśo na Firefox wótnowiś, pótom na Firefox wótnowiś we wobkšuśeńskem woknje, kótarež se wócynja. Firefox se zacynijo, aby se wótnowił.
  3. Za tym až to jo dokóńcone, wokno waše importěrowane informacije pokažo. Klikniśo na tłocašk Dokóńcyś. Firefox se wócynijo.
Pokaz: Dalšny tłocašk Firefox wótnowiś jo we woknje modus za rozwězowanje problemowwěstego modusa, jolic njamóžośo Firefox normalnje startowaś. Móžośo teke manuelne wótnowjenje pśewjasć, gaž nowy profil napórajośo a swóje wažne daty do nowego profila pśenosujośo.

6. Załožćo nowy profil Firefox

Wótergi zawinuju dataje we wašom profilowem zarědniku Firefox problemy, kótarež wopśimuju nejwažnjejše daty a njewótwónoźiju se psez wótnowjanje Firefox (na pśikład cytańske znamjenja a pśeglědowańska historija). Móžośo nowy, pśidatny profil załožyś, kótaryž njewopśimujo daty starego profila Firefox. Glejśo nastawk Profile Firefox z pomocu profilowego zastojnika załožyś a wulašowaś za instrukcije.

Druge rozwězanja

Jolic sćo wšykne toś te metody pytanja zmólkow wopytał a maśo hyšći problemy, how su někotare druge rozwězanja, kótarež móžośo wopytaś:

Nutśikownosć wobglědowaka pśeglědowaś

Zastojnik nadawkow Firefox (bok about:performance) wam zmóžnja glědaś, kótare rejtariki abo rozšyrjenja Firefox spómałšuju. Telemetrijowe daty źělone z Mozilla (bok about:telemetry) pódrobne daty wó wugbaśu, hardwarje, wužyśu a pśiměrjenju wopśimuju. Bok wó informacijach za rozwězowanje problemow (bok about:support) druge wótkaze bokow about: a resurse za rozwězowanje problemow wopśimujo. (Za lisćinu wšych bokow about: zapódajśo about:about do adresowego póla.)

Kontrolěrujśo, lěc waša internetna wěstotna softwara zawinujo konflikty

Wěsta internetna wěstotna softwara (na pśikład antiwirusowe, antispionažne a wognjomurjowe programy) móžo problemy z Firefox zawinowaś, na pśikład websedła wěcej njedaju se wócyniś, Firefox se wowalujo atd. Cesto móžośo nastajenja togo programa wócyniś, Firefox z jogo lisćiny dowólonych abo dowěry gódnych programow wótpóraś, Firefox namakajo se znowego a wšykno by měło zasej funkcioněrowaś. Glejśo Wognjowe murje tak konfigurěrowaś, aby Firefox mógał z internetom zwězaś.

Za škódneju softwaru pytaś

Malware (krotke za "malicious software", škódna software) móžo problemy z Firefox zawinowaś. Wy měł swój system pšawidłownje za wirusami, spionažneju softwar abo druhej škódneju software skannowaś. Za dalšne informacije glejśo Problemy Firefox rozwězaś, kótarež zawinuju se pśez škódne programy.



Bazěrujo na informacijach z nastawka Standard diagnostic - Firefox (mozillaZine KB)

Jo toś ten nastawk wužytny był?

Pšosym cakajśo…

Slědujuce wjelicne luźe su pomogli, toś ten nastawk pisaś:

milupo
Illustration of hands

Dobrowólnik

Rosćo a źělśo swóju kompetencu z drugimi. Wótegrońśo na pšašanja a pólěpšćo našu wědowu datowu banku.

Dalšne informacije