Firefox wótnowiś - dodanki a nastajenja slědk stajiś
Toś ta funkcija jo na Firefox za desktop abo laptopach k dispoziciji.
Toś ta funkcija jo se pólěpšyła w nejnowšej wersiji Firefox. Aktualizěrujśo Firefox na nejnowšu wersiju, aby pólěpšonu wersiju wužywał.
Glědajśo: Rozšyrjenja a daty rozšyrjenjow se wulašuju.
Firefox wótnowiś
- Klikniśo direktnje na tłocašk Firefox wótnowiś, jolic woglědujośo se toś ten bok w Firefox.
To njebuźo funkcioněrowaś, jolic wužywaśo drugi wobglědowak, abo na mobilnem rěźe.- Móžośoe teke tłocašk Wótnowiś górjejce na boku about:support, Informacije wó rozwězowanju problemow, namakaś.
- Aby pókšacował, klikniśo na we wobkšuśeńskem woknje, kótarež se wócynja.
- Firefox se zacynijo a wótnowijo. Gaž to jo dokóńcone, pokažo wam wokno informacije, kótarež su se importěrowali. Klikniśo na a Firefox se wócynijo.
Pokaz: Dalšny tłocašk Firefox wótnowiś jo we woknje wěstego modusa Firefox, jolic njamóžośo Firefox normalnje startowaś.
Co cyni funkcija Wótnowiś?
Wšykne waše nastajenja Firefox a wósobinske daty składuju se w profilowem zarědniku. Funkcija Wótnowiś tak funkcioněrujo, až nowy profilowy zarědnik se napórajo, źož waše wažne daty se składuju.
Dodanki, kótarež składuju se normalnje w profilowem zarědniku Firefox, ako na pś. rozšyrjenja a drastwy, se wótpóraju. Dodanki, kótarež su na drugich městnach składowane, ako na pś. tykace, se njewótpóraju, ale wěste změnjone nastajenja (na pś. znjemóžnjone tykace) stajiju se slědk.
Firefox buźo slědujuce elementy składowaś:
- Cytańske znamjenja
- Pśeglědowańska a ześěgowańska historija
- Gronidła
- Wócynjone wokna, rejtarkowe kupki a rejtarki
- Cookieje
- Daty awtomatiskego wudopołnjenja formularow
- Wósobinski słownik
Slědujuce elementy a nastajenja se wótpóraju:
- Rozšyrjenja a drastwy, pšawa websedłow, změnjone nastajenja, pśidane pytnice, DOM-składowak, nastajenja wěstotnych certifikatow a rědow, ześěgnjeńske akcije, tykacowe nastajenja, pśiměrjenja symbolowych rědkow, wužywarske stile a socialne funkcije.
Pokaz: Waš stary profil Firefox wótpołožyjo se na wašom desktopje w rejtarku z mjenim „Stare daty Firefox“. Jolic slědkstajanjewótnowjanje njejo waš problem rozwězało, móžośo daty wótnowiś, kótarež njejsu se pśez kopěrowanje datajow do nowego załožonego profila składowali. Jolic wěcej njetrjebaśo toś ten zarědnik, wy by měł jen wulašowaś, dokulaž wopśimujo sensibelne daty.
Toś ten nastawk staja se wam - ako wšykne nastawki pomocy Firefox - zwětšego wót dobrowólnikow k dispoziciji, kótarež pódpěraju njewótwisnosć a princip wócynjonego žrědła Mozilla. Pśeglědujśo njewótwisnje!