Wšykne změny, kótarež pśewjedujośo w Firefox, ako na pśikład za startowy bok, wužywane symbolowe rědki, składowane gronidła a waše cytańske znamjenja, składuju se we wósebnem zarědniku z mjenim profil. Waš profilowy zarědnik składujo se na wósebnem městnje, źělony wót programa Firefox, tak až, jolic jo problem z Firefox, waše informacije hyšći tam budu. To teke wóznamjenijo, až móžośo Firefox wótinstalěrowaś mimo až waše nastajenja se zgubiju a njetrjebaśo Firefox znowego instalěrowaś, aby swóje daty wulašował abo problem rozwězał.

Kak mógu swój profil namakaś?

1. • Klikniśo na menijowy tłocašk , pón na Pomoc a wubjeŕśo Dalšne informacije za rozwězowanje problemowInformacije za rozwězowanje problemow.Wubjeŕśo z menija Pomoc Dalšne informacije za rozwězowanje problemowInformacije za rozwězowanje problemow. Rejtarik Informacije za rozwězowanje problemow se wócynijo.
   • Klikniśo pód wobceŕkom Zakłady nałoženja pódla profilowego zarědnikazarědnika na Zarědnik wócyniśW Finder pokazaśZarědnik wócyniś. Wokno se wócynijo, kótarež waš profilowy zarědnik wopśimujo. Waš profilowy zarědnik se wócynijo.
   Glědajśo: Jolic njamóžośo Firefox wócyniś abo wužywaś, slědujśo instrukcijam w nastawku Waš profil namakaś, mimo až se Firefox wócynja.

Waš profil namakaś, mimo až Firefox se wócynja

1. Tłocćo +R na tastaturje. Dialog „Ausführen“ se wócynijo.
2. Zapišćo %APPDATA%\Mozilla\Firefox\Profiles\ do tekstowego póla.
3. Klikniśo na OK. Wokno se wócynijo, kótarež wopśimujo profilowe zarědniki.
4. Klikniśo dwójcy na profilowy zarědnik, kótaryž cośo wócyniś. Jolic maśo jano jaden profil, ma jogo zarědnik „default“ w mjenju.

1. Klikniśo na startowej wobrazowce na kachlicku Desktop. Naglěd desktopa se wócynijo.
2. Stajśo kursor do pšawego dolnego rožka, aby se do Charms dostał.
3. Wubjeŕśo charm Suchen. Pytańska bocnica se wócynijo.
4. Zapišćo %APPDATA%\Mozilla\Firefox\Profiles\ do tekstowego póla mimo až tłocyśo zapodawańsku tastu. Lisćina profilowych zarědnikow se zjewijo.
5. Klikniśo na profilowy zarědnik, kótaryž cośo wócyniś (buźo se we woknje wócynjaś). Jolic maśo jano jaden profil, ma jogo zarědnik „default“ w mjenju.

1. Klikńće na Windowsowy tłoćašk Start. Startowy meni se wócynijo.
2. Zapišćo do pytańskego póla dołojce w startowem meniju:
   %APPDATA%\Mozilla\Firefox\Profiles\ mimo až tłocyśo zapodawańsku tastu. Lisćina profilow zjewijo se górjejce w startowem meniju.
3. Klikniśo na profilowy zarědnik, kótaryž cośo wócyniś (buźo se we woknje wócynjaś). Jolic maśo jano jaden profil, ma jogo zarědnik „default“ w mjenju.
   

Alternatiwnje móžośo swój profil namakaś, gaž tłocyśo tastu   a zapódawaśo pótom %APPDATA%\Mozilla\Firefox\Profiles\.

1. Klikniśo na Windowsowy tłocašk Start a wubjeŕśo Ausführen….
   
   
   
2. Zapódajśo %APPDATA%\Mozilla\Firefox\Profiles\
   a klikniśo pótom na OK.
   Wokno se wócynijo, kótarež wopśimujo profilowe zarědniki.
   
3. Klikniśo dwójcy na profilowy zarědnik, kótaryž cośo wócyniś. Jolic maśo jano jaden profil, ma jogo zarědnik „default“ w mjenju.

Kótare daty składuju se w mójom profilu?

• Cytańske znamjenja, ześěgnjenja a pśeglědowańska historija: Dataja places.sqlite wopśimujo wše waše cytańske znamjenja a nalicyjo wše dataje, kótarež sćo ześěgnuł a websedła, ku kótarymž sćo se woglědał. Zarědnik bookmarkbackups składujo dataje za zawěsćowanje cytańskich znamjenjow, kótarež daju se wužywaś, aby waše cytańske znamjenja wótnowili. Za dalšne informacije glejśo Z cytańskimi znamjenjami swóje nejlubše webboki składowaś a Cytańske znamjenja zawěsćiś, wótnowiś a na druge licadło pśenosowaś.
• Gronidła: Waše gronidła składuju se w datajoma key3.db a logins.json. Za dalšne informacije glejśo Password manager - Remember, delete, change and import saved passwords in Firefox.
• Nastajenja wěstych websedłow: Dataji permissions.sqlite a content-prefs.sqlite składujotej wjele wašych pšawow Firefox (na pśikład kótare sedła směju wuskokujuce wokna pokazaś) abo skalěrowańske schójźeńki, kótarež nastajaju se na zakłaźe wěstego sedła (glejśo Font size and zoom - increase the size of web pages).

• Wósobinski słownik: Dataja persdict.dat składujo swójske słowa, kótarež sćo słownikoju Firefox pśidał. Za dalšne informacije glejśo Pšawopisnu kontrolu w Firefox wužywaś.
• Formularna historija: Dataja formhistory.sqlite se markujo, za cymž sćo w pytańskim pólu Firefox pytał a kótare informacije sćo do formularow na websedłach zapódał. Za dalšne informacije glejśo Awtomatiske wudopołnjowanje formularow.
• Cookieje: Cookie jo informacija, kótaruž websedło, ku kótaremuž sćo se woglědał, składujo na wašom licadle. Zwětšego to su sedłowe nastajenja abo pśizjawjeński status. Wšykne cookieje składuju se w dataji cookies.sqlite.
• DOM-składowak: DOM-składowak (engelski: DOM Storage) jo móžnosć, aby wjeliku kopicu datow wěsćej składował a lažcej wužywał ako to by z cookiejami móžno było. Daty za websedła składuju se w dataji webappsstore.sqlite a a daty za boki about:* w dataji chromeappsstore.sqlite.
• Wěstotne nastajenja za certifikaty: Dataja cert8.db składujo wše waše wěstotne nastajenja za certifikaty a SSL-certifikaty, kótarež sćo do Firefox importěrował.
• Wěstotne nastajenja za rědy: Dataja secmod.db jo datowa banka za wěstotny modul.
• Ześěgnjeńske akcije: Dataja mimeTypes.rdf składujo waše nastajenja, kótarež daju Firefox k wěsći, což ma cyniś, gaž starcyjo na wósebny datajowy typ. Na pśikład su how nastajenja skłaźone, kótarež daju Firefox k wěsći, až ma PDF-dataju z Acrobat Reader wócyniś, gaž kliknjośo na nju. Za dalšne informacije glejśo Wopśimjeśowe typy a ześěgnjeńske akcije w Firefox.
• MIME-typ tykacow: Dataja pluginreg.dat składujo internetne medijowe typy za waše zainstalěrowane tykace. Za dalšne informacije glejśo Tykace za awdio, wideo, graśa a wěcej wužywaś.
• Skłaźone póseźenje: Dataja sessionstore.js składujo tuchylu wócynjone rejtarki a wokna. Za dalšne informacije glejśo Pjerwjejšne pósejźenje zasej wótnowiś - waše nejnowše rejtariki a wokna zasej pokazaś.
• Pśiměrjenja symbolowych rědkow: Dataja xulstore.json składujo nastajenja wo wjelikosći a poziciji symbolowych rědkow a woknow. Za dalšne informacije glejśo Wóźeńske elementy, tłocaški a symbolowe rědki w Firefox pśiměriś.
• Wužywarske nastajenja: Dataja prefs.js składujo pśiměrjone wužywarske nastajenja, ako na pśikład změny, kótarež pśewjedujośo w nastajenjach Firefox. Opcionalna dataja user.js, jolic eksistěrujo, pśepisujo změnjone nastajenja.
• Wužywarske stile: Jolic eksistěruju, składujotej dataji \chrome\userChrome.css a \chrome\userContent.css změny wužywarja, kótarež nastupaju pak naglěd Firefox pak naglěd abo zaźaržanje wěstych websedłow abo HTML-elementow.

Z profilami źěłaś

• Funkcija Firefox wótnowiś móžo wjele problemow pśez wótnowjanje standardnego stawa Firefox rozwězaś a składujo pśi tom waše nejwažnjejše daty. Rozwažćo toś tu móžnosć, nježli až zachopijośo dlijuce se pytanje za zawinu a rozwězanim problema.
• Profile Firefox z pomocu profilowego zastojnika załožyś a wulašowaś wujasnjujo, kak móžośo nowy profil załožyś a stary profil lašowaś.
• Back up and restore information in Firefox profiles wujasnjujo, kak móžośo profil zawěsćiś a wótnowiś. Wujasnjujo teke, kak móžośo swóje profilowe daty do drugego městna na swójej twardej plaśe abo do drugego licadła pśesunuś.
• Wažne daty ze starego profila wótnowiś wopisujo, kótare daty su w datajach we wašom profilu skłaźone a wujasnjujo, kak móžośó je do nowego profila kopěrowaś.