Firefox napórajo awtomatiski zawěsćeńske kopije wašych cytańskich znamjenjow a składujo slědne 15 zawěsćeńskich kopijow. Toś ten nastawk wopisujo, kak móžośo swóje cytańske znamjenja ze zawěsćeńskich kopijow wótnowiś, kótarež Firefox napórajo, kak móžośo swójske zawěsćeńske dataje cytańskich znamjenjow składowaś a wótnowiś a kak móžośo swóje cytańske znamjenja na druge licadło pśenosowaś.

• Jolic naraz waše cytańske znamjenja wěcej njejsu k dispoziciji, glejśo Recover lost or missing Bookmarks za informacije wó rozwězowanju problemow.
• Za informacije wó wužiwanju cytańskich znamjenjow, glejśo Z cytańskimi znamjenjami swóje nejlubše webboki składowaś.

Zawěsćiś a wótnowiś

Manuelnje zawěsćiś

1. Klikniśo na menijowy tłocašk Wobraz "fx57menu" njeeksistěrujo., aby menijowe wokno wócynił. Klikniśo na tłócašk biblioteki w swójej symbolowej rědce. (Jolic ju tam njewiźiśo, klikniśo na menijowy tłocašk Wobraz "fx57menu" njeeksistěrujo. a pótom na Bibliotekaklikniśoc na menijowy tłocašk Wobraz "fx89menuButton" njeeksistěrujo..) Klikniśo na Cytańske znamjenja a pótom na rědku Wšykne cytańske znamjenja pokazaśCytańske znamjenja zastojaś dołojce.

   

2. Klikniśo we woknje biblioteki na tłocašk Importěrowaś a zawěsćiś a wubjeŕśo pótom Zawěsćiś….
   
3. Wokno „Datajowe mě za zawěsćenje cytańskich znamjenjow“ se wócynja, wubjeŕśo tam składowańske městno za dataju, kótaraž groni pó standarźe bookmarks-"date".json. Desktop jo dobre městno, ale móžośo toś tu dataju teke na drugem městnje składowaś, kótaregož adresa dajo se lažko se spomnjeś.
4. Składujśo dataju bookmarks-*.json. Wokno „Datajowe mě za zawěsćenje cytańskich znamjenjow“ se zacynijo a móžośo wokno biblioteki zacyniś.

Cytańske znamjenja ze zawěsćeńskeje dataje wótnowiś

1. Klikniśo na menijowy tłocašk Wobraz "fx57menu" njeeksistěrujo., aby menijowe wokno wócynił. Klikniśo na tłócašk biblioteki w swójej symbolowej rědce. (Jolic ju tam njewiźiśo, klikniśo na menijowy tłocašk Wobraz "fx57menu" njeeksistěrujo. a pótom na Bibliotekaklikniśoc na menijowy tłocašk Wobraz "fx89menuButton" njeeksistěrujo..) Klikniśo na Cytańske znamjenja a pótom na rědku Wšykne cytańske znamjenja pokazaśCytańske znamjenja zastojaś dołojce.

   

2. Klikniśo we woknje biblioteki na tłocašk Importěrowaś a zawěsćiś a wubjeŕśo pótom Wótnowiś.
   
3. Wubjeŕśo zawěsćenje, z kótaregož cośo cytańske znamjenja wótnowiś:
   • Zapiski z datumom su awtomatiske zawěsćenja cytańskich znamjenjow.
   • Dataju wubraś… wam zmóžnja, z manuelnje napóranego zawěsćenja wótnowiś (glejśo górjejce).
4. Za tym až sćo wubrał zawěsćenje a wobkšuśił swóju wólbu, budu se waše cytańske znamjenja z togo zawěsćenja wótnowjaś.
5. Zacyńśo wokno biblioteki.

Cytańske znamjenja na druge licadło pśenosowaś

Firefox Sync wužywaś

Móžośo Firefox Sync wužywaś, aby swóje cytańske znamjenja wót jadnogo licadła na druge licadło pśenosowaś.

Firefox Sync jo nejlěpša móžnosć, aby waše cytańske znamjenja (a druge profilowe daty) mjazy wšymi licadłami, kótarež wužywaśo, synchrone źaržał. Glejśo Kak zarědujom Sync na swójom licadle? za dalšne informacije a instrukcije wó tom, kak móžośo jen konfigurěrowaś.

Zawěsćeńsku dataju cytańskich znamjenjow wužywaś

Móžośo teke zawěsćeńsku dataju cytańskich znamjenjow z jadnogo licadła wužywaś, aby cytańske znamjenja na drugem licadle wótnowił. To jo wužytne, gaž z někakeje pśicyny njamóžośo cytańske znamjenja mjazy dwěma licadłoma z pomocu Sync synchronizěrowaś.

Zawěsćeńska dataja cytańskich znamjenjow móžo pak manuelne zawěsćenje (glejśo górjejce) pak jadno z awtomatiskich zawěsćenjow byś, kótaraž jo w profilowem zarědniku Firefox w pódzarědniku bookmarkbackups. Składujśo zawěsćeńsku dataju cytańskich znamjenjow na pśenosowańskem mediju (na pś. na USB-sticku) a kopěrujśo ju na desktop (abo na druge městno) drugego licadła. Móžośo pótom zawěsćenje we woknje biblioteki Firefox wótnowiś, z tym až wužywaśo menijowy zapisk Dataju wubraś…, ako górjejce we wótrězku Cytańske znamjenja ze zawěsćeńskeje dataje wótnowiś wopisane.

Cytańske znamjenja pó aktualizěrowanju abo slědkstopnjowanju Windows 10

Gaž sćo zaktualizěrował abo slědk zestopnjował swój źěłowy system Windows 10, se zarědnik z mjenim Windows.old napórajo, a nejwěcej datow, kótarež su se z aktualizacije abo slědkzestopnjowanja wulašowali, se tam składujo. Jaden wósebnje wužytny element su cytańske znamjenja z Firefox. Slědujśo instrukcijam we wótrězku Cytańske znamjenja ze zawěsćeńskeje dataje wótnowiś górjejce, a gaž Dataju wubraś… wuběraśo, slědujśo sćažce C:\Windows.old\Users\<UserName>\AppData\Roaming\Mozilla\Firefox\Profiles\<filename.default>\bookmarkbackups, k swójim pjerwjejšnym cytańskim znamjenjam. Pśeglědajśo datajowy datum za informacije, gaž se zawěsćenje napórajo. Źiwajśo na to, až zarědnik zawěsćenja cytańskich znamjenjow wšykne cytańske znamjenja w Firefox z cytańskimi znamjenjami w zawěsćeńskej dataji wuměnijo.