Posledni raz zaktualizowany:
1 tydźeń, 5 dnjow ago
Spad je, hdyž so Firefox nadobo začinja abo kónči a so rozprawjak spadow Mozilla jewi. Jeli Firefox zaso a zaso spaduje, hdyž jón startujeće, móže wam tutón nastawk pokazać, kak jón zaso do běha přinjeseće.
- Jeli so Firefox startuje, bjez toho zo by spadował, ale potom pozdźišo spaduje, hlejće nastawk Problemy ze spadami Firefox rozrisać.
- Jeli so Firefox docyła njestartuje, hlejće Firefox won't start - find solutions za rozrisanja.
Zapis wobsaha
Hladać, hač so Firefox w modusu za rozrisowanje problemow startuje
Jako prěni krok wy měł hladać, hač so Firefox w modusu za rozrisowanje problemow startuje. Tutón wosebity startowy modus wupina nachwilu hardwarowe pospěšenje, nimo druhich nastajenjow, a znjemóžnja instalowane rozšěrjenja, kotrež ewentuelnje Firefox při startowanju haća. Jeli so Firefox w modusu za rozrisowanje problemow startuje, hlejće nastawk Problemy z rozšěrjenjemi, drastami a hardwarowym pospěšenjom rozrisać za rozrisanja.
- Jeli Firefox w modusu za rozrisowanje problemow njestartuje, móžeće Firefox wobnowić abo móžeće zrjadowak profilow wužiwać, zo byšće nowy profil Firefox załožił, zo byšće widźał, haž to problem rozrisuje. Nimo toho móžeće najprjedy čistu instalaciju spytać (hlejće deleka).
Spytajće čistu instalaciju
Jeli spady was při startowanju Firefox haća, samo w modusu za rozrisowanje problemow Firefox, čista instalacija najnowšeje wersije Firefox husto tutón problem rozrisa.
Takle přewjedźeće čistu instalaciju Firefox:
- Wotinstalujće Firefox. Hlejće Firefox wotinstalować za podrobnosće.
- Zo byšće zwostawace programowe dataje wotstronił, kotrež njejsu so přez wotinstalowanski proces wotstronili, zhašejće instalaciski rjadowak Firefox manuelnje.
- C:\Program Files\Mozilla Firefox
- C:\Program Files (x86)\Mozilla Firefox
-
Download a fresh copy of Firefox.
- Klikńće dwójce na sćehnjenu dataju a sćěhujće instrukcije, zo byšće z instalowanskim procesom pokročował.
Za dalše informacije, kak móžeće Firefox instalować, hlejće Firefox na Windows sćahnyć a instalować.
- Zhašejće Firefox z rjadowaka Applications.
-
Download a fresh copy of Firefox.
- Wočińće sćehnjenu dataju a ćehńće symbol Firefox do rjadowaka Applications.
Za dalše informacije wo instalowanju Firefox hlejće Firefox na Mac sćahnyć a instalować.
- Wužiwajće paketowy rjadowanski system swojeje distribucije, zo byšće Firefox wotinstalował (prošu čitajće dokumentaciju). Jeli to njefunguje, zhašejće rjadowak firefox ze swojeho rjadowaka Home.
- Husto rjadowak Firefox je znutřka schowaneho rjadowaka .mozilla. Hlejće tež http://kb.mozillazine.org/Show_hidden_files_and_folders#Linux
- Instalujće Firefox přez swój paketowy rjadowanski system abo přewjedźće slědowace kroki, zo byšće Firefox manuelnje instalował:
-
Download a fresh copy of Firefox.
- Ekstrahujće dataju do swojeho rjadowaka Home.
- Za dalše podrobne instrukcije hlejće tež Firefox na Linux instalować.
-
Softwaru wotinstalować, kotraž, kaž je znate, spady zawinuje
Někotre programy zawinuja, kaž je znate, spady w Firefox a druhich wobhladowakach. Přepruwujće swój ličak a wotstrońće škódne programy abo programy, kotrež móhli problemy zawinować:
- Hladajće do wersijowych informacijow, zo byšće hladał, hač su znate problemy za wašu wersiju Firefox. Přečitajće instrukcije swojeho ličaka, kak móžeće softwaru wotinstalować, kotraž problemy zawinuje.
- Skenujće swój ličak za škódnymi programami. Přepytajće sydło pomocy swojeho antiwirusoweho programa za pomocu wo skenowanju a wotstronjenju škódnych programow. Za dalše informacije hlejće Problemy Firefox rozrisać, kotrež so přez škódne programy zawinuja.
Wobstarajće sej pomoc, zo byšće problem rozrisał
Jeli wjace pomocy trjebaće, móžeće we forumje pomocy prašenje stajić. Jeli móžno, podajće ID spadoweje rozprawy, hdyž swoje prašenje stajeće. Hlejće Wobstarajće sej pomoc, zo byšće spadowy problem rozrisał za podrobnosće.
