Problemy ze spadami Firefox rozrisać

Firefox Firefox Posledni raz zaktualizowany: 2 njedźeli, 2 dnjej ago
Tutón nastawk němske zapřijeća dźěłoweho systema wobsahuje, dokelž serbski dźěłowy system njeeksistuje.

Rozumimy, kak frustrěrowace je, hdy Firefox spaduje (so njejapcy začinja abo kónči). Hdyž Firefox spaduje, Rozprawjak spadow Mozilla wam zmóžnja, nam spadowu rozprawu pósłać, zo bychmy móhli Firefox dale polěpšować. Tu su tuž někotre pokazy, z kotrymiž móžeće spytać, Firefox optimalnje do běha přinjeśc.

Před prěnim startom:

Hewak přewjedźće slědowace kroki w tym porjedźe.

Wašu softwaru aktualizować

Spad, kotryž při was wustupuje, je snano w nowej wersiji hižo wotstronjeny!

Firefox aktualizować

Kóžda wersija Firefox wobsahuje retomas rozrisanjow za spadowe zawiny, kotrež ludźo su zdźělili. Zawěsćće so, hač najnowšu wersiju wužiwaće, snano je tam waš spadowy problem hižo rozrisał. Hlejće Firefox na najnowšu wersiju aktualizować za podrobnosće.

Windows aktualizować

Zawěsćće so, hač maće najnowše wěstotne a stabilnostne rozrisanja.

  • Dźiće k menijej Start, wubjerće Alle Programme a potom Windows-Update.

macOS aktualizować

Zawěsćće so, hač waš Mac ma najnowše wěstotne a stabilnostne rozrisanja.

Linux aktualizować

Zawěsćće so, hač maće najnowše wěstotne a stabilnostne rozrisanja.

Waše ćěrjaki aktualizować

Zawěsćće so, hač waše grafikowe ćěrjaki su aktualne. Za dalše informacije, hlejće Kak móžu swoje grafikowe ćěrjaki aktualizować, zo bych hardwarowe pospěšenje a WebGL wužiwał?.

Jeli waš spad při ćišćenju wustupuje, zawěsćće so, hač ćěrjak wašeho ćišćaka je aktualny. Dźiće za to k podpěranskemu websydłu zhotowjerja swojeho ćišćaka. Nastawk Fix printing problems in Firefox móhł tež pomhać.

Waš internetnu wěstotnu softwaru aktualizować

Zawěsćće so, hač najnowšu wersiju swojich internetnych wěstotnych programow (wohnjowe murje, antiwirusowe programy, programy přećiwo spionažnej softwarje atd.) wužiwaće.

Za wirusami abo spionažnej softwaru pytać

Rozdźělne wirusy a spionažne programy móža Firefox do spadowanja přinjesć. Za dalše informacije hlejće Problemy Firefox rozrisać, kotrež so přez škódne programy zawinuja.

Module třećich poskićowarjow pytać

Nałoženja třećich poskićowarjow (kaž na přikład antiwirusowa softwara, archiwowanska softwara a druhe nastroje) móža module do Firefox začitać. Druhdy tute nałoženja škódne module začitaja, kotrež spady Firefox, redukowany wukon abo problemy kompatibelnosće zawinuja. Njepytnjeće snano, zo złóstny abo njewočakowany modul je so začitał a móže problemy zawinować, kotrež zdadźa so problemy Firefox być. Za dalše informacije hlejće Identify problems caused by third-party modules in Firefox for Windows.

Přepruwować, hač Firefox tež w modusu za rozrisowanje problemow spaduje

Jeli aktualizowanje programow njefunguje abo Firefox při startowanju spaduje, přewjedźće slědowace kroki, zo byšće testował, hač Firefox tež w modusu za rozrisowanje problemow Firefox spaduje abo nic a mějće so potom po instrukcijach w doporučenych nastawkach.

  1. Klikńće na menijowe tłóčatko Fx89menuButton a potom na Pomoc, wubjerće Modus za rozrisowanje problemow… a klikńće na Znowa startować w dialogu Firefox w modusu za rozrisowanje problemow znowa startować?.

    Pokiw: Móžeće Firefox tež w modusu za rozrisowanje problemow startować, hdyž tastu stłóčenu dźeržiće, mjeztym zo Firefox startujeće.tastu stłóčenu dźeržiće, mjeztym zo Firefox startujeće.Firefox kónčiće a potom do swojeho terminala dźeće a firefox -safe-mode zapodawaće.
    Dyrbiće snano instalacisku šćežku Firefox podać (na př. /usr/lib/firefox).
  2. Tłóčće tłóčatko Wočinić, hdyž so wokno Firefox w modusu za rozrisowanje problemow wočinić? jewi.
    Fx88TroubleshootMode

Testujće potom, hač Firefox tež w modusu za rozrisowanje problemow spaduje.

Pokiw: Funkcija Firefox wobnowić móže wjele problemow přez wobnowjenje standardneho stawa Firefox rozrisać a składuje při tym waše najwažniše daty. Rozwažće tutu móžnosć, prjedy hač dołho za zawinu a rozrisanjom problema pytaće.

Firefox tež w modusu za rozrisowanje problemow spaduje

Jeli spad tež w modusu za rozrisowanje problemow wustupuje, njezawinuje so přez rozšěrjenje, drastu abo hardwarowe pospěšenje. Spytajće ze swojim spadowy ID pomoc dóstać (hlejće deleka).

Firefox w modusu za rozrisowanje problemow njespaduje

Jeli spad w modusu za rozrisowanje problemow njewustupuje, zawinuje so najskerje přez rozšěrjenje, drastu abo hardwarowe pospěšenje.

Wašu hardwaru přepruwować

Waš RAM za zmylkami přepruwować

Jeli Firefox přeco zaso spaduje, přepruwujće swój RAM z na př. slědowacym nastrojom za zmylkami, Memtest86+Rember.

Sej pomoc wobstarać, zo by so spadowy problem rozrisał

Móže ćežko być, zawinu za spad namakać. Jeli sće kroki horjeka přewjedł a Firefox dale spaduje, instrukcije deleka pokazaja, kak móžeće ID spadowych rozprawow za swoje njedawno wotpósłane spadowe rozprawy dóstać, zo bychu dobrowólnicy móhli wam pomhać.

Jeli móžeće Firefox znajmjeńša w modusu za rozrisowanje problemow wočinić:

  1. Zapodajće about:crashes do adresoweho pola a tłóčće Enter. Strona z wotpósłanymi (a njewotpósłanymi) spadowymi rozprawami, jeli su tajke) so wočini.
    Fx115aboutcrashes
    • Jeli maće nowe, njewotpósłane spadowe rozprawy: Klikńće na tłóčatko Wotpósłać za kóždu njewotpósłanu rozprawu a začitajće potom stronu about:crashes znowa.
  2. Wy měł ID rozprawow za wotpósłane spadowe rozprawy (započinaja so z bp-) do swojeho prašenja pomocy we forumje pomocy zhromadźenstwa kopěrować.
Pokiw: Jeli njemóžeće Firefox wočinić, dokelž při startowanju w modusu za rozrisowanje problemow spaduje, wužiwajće slědowace instrukcije, zo byšće ID rozprawow namakał:
  1. Tłóčće Windows Key + R na tastaturje. Zapisajće "%APPDATA%\Mozilla\Firefox\Crash Reports\submitted" (z pazorkami) a klikńće na OK.Klikńće na symbol Finder w doku. Klikńće w menijowej lajsće na meni Gehe zu, dźeržće tastu abo alt tłóčenu a wubjerće Bibliothek. Wokno so wočini, kotrež waš rjadowak biblioteki wobsahuje. Wočińće rjadowak „Application Support“, potom rjadowak „Firefox“, rjadowak „Crash Reports“ a skónčńje rjadowak „submitted“.Dźiće k ~/.mozilla/firefox/Crash Reports/submitted.
  2. W tutym rjadowaku budźe tekstowa dataja za kóždu spadowu rozprawu, kotruž sće rozpósłał. Sortěrujće je z pomocu menija Napohlad po datumje, zo byšće najnowšu dataju namakał a klikńće potom dwójce na dataju, zo byšće ju wočinił.

We forumje pomocy zhromadźenstwa wo pomoc prosyć

  1. Klikńće na tutón wotkaz, zo byšće nastupajo swój spad we forumje pomocy zhromadźenstwa Firefox wo pomoc prosył (hlejće Get community support za druhe resursy pomocy).
    • Dyrbiće snano za proces „prašenje stajić“ konto załožić abo so pola swojeho eksistowaceho konta přizjewić.
  2. Zapodajće do formulara Prašenje stajić předmjet a temu, wupjelńće potom přichodny wotrězk z informacijemi, kotrež wo spadźe maće. Podajće někotre kroki, kotrež sće horjeka přewjedł, kaž na přikład aktualizowanje Firefox abo testowanje na spad w modusu za rozrisowanje problemow.
  3. Kopěrujće dołhi ID rozprawy, kotryž horjeka sće za najnowše spady dóstał (započina se z bp-…) do swojeho prašenja.
  4. Klikńće skónčnje na tłóčatko Submit (hornjoserbsce: Wotpósłać).
    Wěmy, zo je čas rubjace, tute informacije k dispoziciji stajić, ale wosnadnja našim dobrowólnikam wam pomhać.



Bazuje na informacijach z nastawka Firefox crashes (mozillaZine KB)

Slědowacy wulkotni ludźo su pomhali, tutón nastawk pisać:

Illustration of hands

Dobrowólnik

Rosćće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije