Móžeće Firefox na macOS 10.12 a nowši sćahnyć a instalować. Prjedy hač Firefox sćehnjeće, móžeće systemowe žadanja přepruwować.

Firefox na Mac sćahnyć a instalować

Zo byšće Firefox na Mac sćahnył a instalował:

1. Wopytajće sćehnjensku stronu Firefox w někajkim wobhladowaku (na přikład Safari). Namaka awtomatisce platformu a rěč na wašim graće a doporuči najlěpšu wersiju Firefox za was.
2. Klikńće na tłóčatko Firefox sćahnyć.

   Pokiw: Jeli chceće druhu rěč za swoju instalaciju Firefox wubrać, klikńće město toho na wotkaz Sćehnjenske móžnosće a druhe rěče.

3. Hdyž sćehnjenje je dokónčene, móže dataja (Firefox.dmg) wokno Finder wočinić, kotrež nałoženje Firefox wobsahuje. Sćehńće symbol Firefox do rjadowaka „Anwendungen“.

   Pokiw: Jeli wokno njewidźiće, wočińće dataju Firefox.dmg, kotruž sće sćahnył.

   

4. Dźeržće tastu ctrl stłóčenu, mjeztym zo do wokna klikaće a wubjerće „Firefox“ auswerfen z menija.

   

5. Zo byšće swojemu dokej Firefox přidał, wočińće swój rjadowak „Anwendungen“ a ćehńće Firefox na dok.

   

Firefox je nětko nałožujomny. Klikńće na symbol Firefox w doku abo w rjadowaku „Anwendungen“, zo byšće wobhladowak wočinił.

Firefox prěni raz wočinić

Hdyž Firefox prěni raz wočinjeće:

1. Klikńće na Öffnen w namołwje "Firefox ist ein Programm, das aus dem Internet geladen wurde. Möchten Sie es wirklich öffnen?".

   

2. Jeli chceće Firefox jako swój standardny wobhladowak nastajić, klikńće na Firefox jako standardny wobhladowak wužiwać. Jeli nochceće Firefox jako swój standardny wobhladowak nastajić, klikńće na Nic nětko. Waš wubrany standardny wobhladowak so awtomatisce wužiwa, hdyž webstronu abo wotkaz z druheho nałoženja wočinjeće.

   

Přiwuzne wotkazy

• Firefox jako standardny wobhladowak postajić
• Firefox na najnowšu wersiju aktualizować
• Firefox Mac OS X 10.9, 10.10 and 10.11 users move to Extended Support Release