Witajće k Firefox! Pokazamy wam wšě zakłady, zo byšće hnydom započał. Tutón nastawk wujasni zakłady k wužiwanju Firefox. Hdyž je derje znajeće, wupruwujće druhe wotkazy za funkcije, kotrež móžeće pozdźišo přepytować.

Strona noweho rajtarka: wulkotny wobsah k ruce

Po standardźe Firefox wam kóždy raz přistup na wulkotny wobsah skići, hdyž nowy rajtark wočinjeće. Stajće kursor myški nad wotrězki a miniaturki abo klikńće na symbol zubateho koleska tłóčatko Personalizowaćzubaty symbol horjeka naprawo na stronje noweho rajtarka za dalše nastajenja.

Wšitko ze zjednoćenym pytanskim/adresowym polom pytać

Wšojedne hač eksaktnu webadresu znajeće abo prosće pytaće, adresowe polo móže ze wšěm wobchadźeć. Zjednoćenej pytanske a adresowe polo Firefox wam na zakładźe wašich eksistowacych zapołožkow a značkow, historije, wočinjenych rajtarkow a woblubowanych pytanjow poskićuje. Kak to funguje? Zapodajće prosće pytanski wuraz abo webadresu a hladajće, štož so na magiske wašnje stawa.

Stronu jako zapołožku składować

Sće wulkotnu webstronu namakał, kotruž chceće składować? Zo byšće zapołožku wutworił, klikńće na hwěžku w adresowym polu:

Dialogowe wokno wam zmóžnja, swojej zapołožce mjeno dać a wubrać, hdźež ma so składować. Móžeće ju jenož jedne kliknjenje zdalenu dźeržeć, hdyž ju do lajsty zapołožkow abo w meniju zapołožkow składujeće.

Priwatny modus z polěpšenym slědowanskim škitom: spěšnje a darmotnje přehladować

Přehladujće internet bjez toho, zo byšće informacije na swojim ličaku składował, kotre sydła a strony sće wopytał. Firefox budźe tež strašne přesćěhowaki blokować, kotrež waše zadźerženje přez web wobkedźbuja.

• Klikńće na menijowe tłóčatko a potom na Nowe priwatne wokno. (Pokiw: Móžeće tež z prawej tastuStrg + kliknjenje na wotkaz na webstronje kliknyć. Wubjerće potom Wotkaz w nowym priwatnym woknje wočinić.)

Firefox synchrony dźeržeć

Zarjadujće konto Firefox, zo byšće móhł swoje přehladowanske daty sobu wzać, hdźežkuli chceće. Klikńće na menijowe tłóčatko , wubjerće Pola Firefox přizjewić a slědujće instrukcijam, zo byšće swoje konto załožił. Přizjewće so potom pola nowo załožene konto na swojich gratach a kónc!

Meni abo symbolowu lajstu přiměrić

Smy symbolowu lajstu z najbóle woblubowanymi funkcijemi optimowali, ale Firefox ma samo dalše schowane funkcije. Pohladajće za nimi!

1. Klikńće na menijowe tłóčatko a potom na Dalše nastroje a wubjerće Symbolowu lajstu přiměrić…
2. Ćehńće požadane funkcije a pušćće je na swojej symbolowej lajsće abo wobłuk naprawo.

   

3. Hdyž sće hotowy, klikńće na tłóčatko Dokónčeny.

Funkcije Firefox z přidatkami přidać

Přidatki su kaž nałoženja, kotrež móžeće instalować, zo by Firefox tak fungował, kaž wy chceće.

1. Klikńće na menijowe tłóčatko , potom na Přidatki a drastyRozšěrjenja drasty a wubjerće Doporučenja.
2. Zo byšće doporučeny přidatk instalował, klikńće na módre tłóčatko + Drastu instalować abo + K Firefox přidać, wotwisujo wot typa přidatka.

Deleka na lisćinje předstajenych přidatkow je tež tłóčatko Dalše přidatki namakać, na kotrež móžeće kliknyć. Wjedźe was k addons.mozilla.org, hdźež móžeće za wěstymi přidatkami pytać.

Zo byšće wjace wo přidatkach zhonił, hlejće Přidatki namakać a instalować, zo bychu Firefox přiměrili.

Pomoc sej wobstarać

Jeli maće dalše prašenja abo pomoc wo Firefox trjebaće, sće na prawym websydle.

• Tute sydło ma sta nastawkow Firefox, kotrež wjele prašenjow wobjednawaja, kotrež wy móhł měć.
• Móžeće tež wot zhromadźenstwa Mozilla pomoc dóstać, hdyž prašenje we forumje pomocy stajeće. Hlejće Get community support.