Zapołožki (w Microsoft Edge a Internet Explorer fawority mjenowane) su wotkazy k webstronam, kotrež wam wosnadnjeja, so k najlubšim stronam wróćić. Tutón nastawk zakłady wujasnja, kak móžeće zapołožki składować a rjadować.

Kak móžu zstronu jako apołožku składować?

Zo byšće stronu jako zapołožku składował, klikńće prosće na hwěžku w adresowym polu.

Hwěžka so módri, hdyž so strona jako zapołožka składuje a wokno so wuskakuje, w kotrymž móžeće swoju zapołožku pomjenować, přesunyć abo woznamjenić.

Pokiw: Jeli hwěžka w adresowym polu faluje, klikńće na tłóčatko menija akcije strony (třidypk).


Klikńće z prawej tastu myškiDźeržće tastu control stłóčenu a klikńće na menijowy zapisk Tutu stronu jako zapołožku składowaćAktualny rajtark jako zapołožku składować a klikńće potom na Adresowemu polu přidać.

Zo byšće wšě wočinjene rajtarki naraz wočinił: Wubjerće Wšě rajtarki jako zapołožki sładować… z menija zapołožkow.

Klikńće z prawej tastu na rajtarki, wubjerće Wšě rajtarki wubrać z kontekstoweho menija a klikńće potom na rajtark a wubjerće Rajtarki jako zapołožki składować…. Dajće nowemu rjadowakej zapołožkow mjeno a wubjerće, do kotreho rjadowaka ma so składować. Klikńće na Zapołožki přidać, zo byšće zakónčił.

Kak móžu mjeno abo městno zapołožki změnić?

1. Zo byšće kajkosće swojeje zapołožki wobdźěłał, klikńće druhi raz na hwěžku, zo byšće dialogowe polo Tutu zapołožku wobdźěłaćZapołožku wobdźěłać wočinił.

   

   • W dialogowym polu Tutu zapołožku wobdźěłaćZapołožku wobdźěłać móžeće slědowace kajkosće změnić:
     • Mjeno: To je mjeno, kotrež Firefox za zapołožku w meniju pokazuje.
     • RjadowakMěstno: Wubjerće, do kotreho rjadowaka ma so waša zapołožka składować. Wubjerće jedyn z wuběranskeho menija (na přikład meni zapołožkow abo lajstu zapołožkow). W tutym wuběranskim meniju móžeće tež na Wubrać... kliknyć, zo byšće lisćinu wšěch zapołožkowych rjadowakow pokazał.
     • Znački: Móžeće znački wužiwać, kotrež wam pomhaja, swoje zapołožki přepytować a organizować. Za dalše informacije hlejće Bookmark Tags - Categorize bookmarks to make them easy to find.
2. Klikńce na DokónčenySkładować, zo byšće wobdźěłowanje skónčił a wokno začinił.

Jeli nochceće tutón editor widźeć, hdyž zapołožku składujeće, wotstrońće hóčku před Editor při składowanju pokazać.

Kak móžu swoje zapołožki namakać?

Z adresowym polom pytać
Zapisajće mjeno webstrony do adresoweho pola, zo byšće strony pytał, kotrež sće jako zapołožki składował. Hdyž pisaće, so lisćina webstronow jewi, kotrež sće jako zapołožki składował, woznamjenił a wopytał. Jako zapołožki składowane strony maja hwěžku pódla sebje. Klikńće prosće na jednu ze stronow a hnydom so tam dóstanjeće. Zo byšće wjace zhonił, hlejće Namjety awtowudospołnjenja adresoweho pola w Firefox.

Lajsta zapołožkow
Lajsta zapołožkow wam spěšny přistup k husto wužiwanym zapołožkam skići. Za nowych wužiwarjow so zapołožki po standardźe tu podawaja.

Bóčnica a meni Firefox
Móžeće wšě swoje zapołožki z bóčnicy Firefox a z menija Zapołožki w menijowej lajsće, jeli menijowa lajsta je zmóžnjena.

Kak móžu swoje zapołožki organizować?

Wokno biblioteki wam zmóžnja, wšě waše zapołožki sej wobhladać a organizować. Zo byšće wokno biblioteki zapołožkow wočinił: Klikńće na menijowe tłóčatko , zo byšće menijowe wokno wočinił. Klikńće na tłóčatko biblioteki na swojej symbolowej lajsće. (Jeli jo njewidźiće, klikńće na menijowe tłóčatko a potom na Bibliotekaklikńće na menijowe tłóčatko .) Klikńće na Zapołožki a potom na lajstu Wšě zapołožki pokazaćZapołožki rjadować deleka.

Po standardźe so zapołožki w rjadowaku Druhe zapołožki składuja. Wubjerće jón w bóčnicy biblioteki, zo byšće zapołožki widźał, kotrež sće wutworił. Klikńće dwójce na zapołožku, zo byšće ju wočinił.

Hlejće tute nastawki za podrobnosće wo tym, kak móžeće hobersku lisćinu zapołožkow rjadować:

• Waše zapołožki sortěrować, zo byšće te spěšnje namakał, kotrež pytaće
• Rjadowaki zapołožkow za organizowanje wašich zapołožkow wužiwać
• Kak so zapołožka zhaša?

Mjeztym zo sće we woknje biblioteki, móžeće tež zapołožki do druhich rjadowakow ćahnyć, na př. meni zapołožkow. Tute zapołožki so potom w meniju zapołožkow w bóčnicy Firefox a menijowej lajsće abo symbolowej lajsće jewja. Zapołožki w rjadowaku Lajsta zapołožkow so w lajsće zapołožkow jewja, jeli je zmóžnjena.

Kak móžu lajstu zapołožkow zmóžnić?

Lajsta zapołožkow je praktiske městno, zo byšće swoje najlubše zapołožki přidał.

Zo byšće lajstu zapołožkow zmóžnił:

• Móžeće tež tastowu skrótšenku Strg + ⇧ + Bcmd ⌘ + ⇧ + B wužiwać, zo byšće lajstu zapołožkow pokazał abo schował.

Hlejće Lajstu zapołožkow pokazać abo schować, zo byšće wjace zhonił.

Kak móžeće klučowe słowa ze zapołožkami wužiwać

Druha móžnosć, zo byšće přistup k swojim zapołožkam dóstał, su klučowe słowa. Hdyž zapołožce klučowe słowo připokazujeće, móžeće prosće klučowe słowo do adresoweho pola zapodać a tłóčće Enter⏎, zo byšće zapołožku wočinił.

Zo byšće zapołožce klučowe słowo připokazał:

1. Wočińće wokno biblioteki a wubjerće zapołožku.
2. Klikńće na polo klučoweho słowa deleka we woknje.
3. Zapodajće swoje požadane klučowe słowo.

Klučowe słowo móže pismiki, cyfry a wosebite znamješka wobsahować (na přikład - _ ' " , . : ; = / \ ( ) [ ] { } ! & @ ~). Njesmě mjezoty wobsahować a njesmě so ze slědowacymi znamješkami započinać abo kónčić: ? * ^ $ % # +

Klučowe słowo njesmě samsne kaž klučowe słowo pytawy być. Jeli na přikład pytawa klučowe słowo @g ma, njesmě klučowe słowo zapołožki @g być, ale móže g być.

Jeli je so wubrane klučowe słowo hižo druhej zapołožce připokazało, so stara zapołožka z nowej wuměni.

Kak móžu zapołožki z druheho wobhladowaka abo profila importować?

Firefox wam zmóžnja, zapołožki z druhich wobhladowakow importować, kotrež su na wašim ličaku instalowane. Zmóžnja wam tež, druhe daty importować, na přikład přehladowansku historiju a składowane hesła z někotrych z tych wobhladowakow. Zo byšće wjace zhonił, hlejće Daty z druheho wobhladowaka importować.

Přidatne resursy

Zhońće wjace wo tym, kak móžeće najlěpše ze swojich zapołožkow wućahnyć, hlejće slědowace nastawki:

• Wotrězk Zapołožki z tastowych skrótšenkow, zo byšće widźał, kak móžeće spěšny přistup k rozdźělnym funkcijam zapołožkow měł.
• Bookmark Tags - Categorize bookmarks to make them easy to find
• Sync konfigurować, zo bychu so zapołožki, wočinjene rajtarki a wjace z druhim profilom, ličakom abo mobilnym gratom dźělili
• Zapołožki zawěsćić, wobnowić a na druhi ličak přenošować