Witajće k Firefox! Pokazamy wam wšě zakłady, zo byšće hnydom započał. Tutón nastawk wujasni zakłady k wužiwanju Firefox. Hdyž je derje znajeće, wupruwujće druhe wotkazy za funkcije, kotrež móžeće pozdźišo přepytować.

Strona noweho rajtarka: wulkotny wobsah k ruce

Po standardźe Firefox wam kóždy raz přistup na wulkotny wobsah skići, hdyž nowy rajtark wočinjeće. Stajće kursor myški nad wotrězki a miniaturki abo klikńće na zubaty symbol za dalše informacije, zo byšće tutu stronu přiměrił.

Wšitko zjednoćenym pytanskim/adresowym polom pytać

Wšojedne hač eksaktnu webadresu znajeće abo prosće pytaće, adresowe polo móže ze wšěm wobchadźeć. Zjednoćenej pytanske a adresowe polo Firefox wam na zakładźe wašich eksistowacych zapołožkow a značkow, historije, wočinjenych rajtarkow a woblubowanych pytanjow poskićuje. Kak to funguje? Zapodajće prosće pytanski wuraz abo webadresu a hladajće, štož so na magiske wašnje stawa.

Meni akcijow strony: Jako zapołožku składować, fotografować, składować abo dźělić

Sće wulkotnu webstronu namakał? Składujće abo dźělće ju! Meni akcijow strony w adresowym polu wam zmóžnja webstrony jako zapołožki składować, rajtarki připjeć, wotkazy kopěrować abo přez e-mejl pósłać, fota wobrazowki činić a strony na waš telefon abo na wašu lisćinu Pocket pósłać, zo byšće je čitał, hdyžkuli a hdźežkuli chceće.

Priwatny modus z blokowanjom wobsahapolěpšenym slědowanskim škitom: spěšnje a darmotnje přehladować

Přehladujće internet bjez toho, zo byšće informacije na swojim ličaku składował, kotre sydła strony sće wopytał. Firefox budźe tež strašne přesćěhowaki blokować, kotrež waše zadźerženje přez web wobkedźbuja.

• Klikńće na menijowe tłóčatko a potom na Nowe priwatne wokno. (Pokiw: Móžeće tež z prawej tastuStrg + kliknjenje na wotkaz na webstronje kliknyć. Wubjerće potom Wotkaz w nowym priwatnym woknje wočinić.)

Firefox synchrony dźeržeć

Zarjadujće konta Firefox, zo byšće móhł swoje přehladowanske daty sobu wzać, hdźežkuli chceće. Klikńće na menijowe tłóčatko , wubjerće Pola Sync přizjewićPola Firefox přizjewić a slědujće instrukcijam, zo byšće swoje konto załožił. Přizjewće so potom pola nowo załožene konto na swojich gratach a kónc!

Startowa strona je jenož jedne kliknjenje zdalena

Wubjerće stronu, kotraž so wočinja, hdyž Firefox startujeće abo klikńće na tłóčatko startoweje strony.

1. Wočińće rajtark z webstronu, kotruž chceće jako startowu stronu wužiwać.
2. Ćehńće tón rajtark a dajće jemu na tłóčatko startoweje strony padnyć .

Meni abo symbolowu lajstu přiměrić

Smy symbolowu lajstu z najbóle woblubowanymi funkcijemi optimowali, ale Firefox ma samo dalše schowane funkcije. Pohladajće za nimi!

1. Klikńće na menijowe tłóčatko a wubjerće Přiměrić….
2. Ćehńće požadane funkcije a dajće jim na swojej symbolowej lajsće abo wobłuk naprawo padnyć.

   

3. Hdyž sće hotowy, klikńće na tłóčatko Dokónčeny.

Funkcije Firefox z přidatkami přidać

Přidatki su kaž nałoženja, kotrež móžeće instalować, zo by Firefox tak fungował, kaž wy chceće.

1. Klikńće na menijowe tłóčatko , potom na Přidatki a drastyRozšěrjenja drasty a wubjerće Doporučenja.
2. Zo byšće doporučeny přidatk instalował, klikńće na módre tłóčatko + Drastu instalować abo + K Firefox přidać, wotwisujo wot typa přidatka.

Deleka na lisćinje předstajenych přidatkow je tež tłóčatko Dalše přidatki namakać, na kotrež móžeće kliknyć. Wjedźe was k addons.mozilla.org, hdźež móžeće za wěstymi přidatkami pytać.

Zo byšće wjace wo přidatkach zhonił, hlejće Přidatki namakać a instalować, zo bychu Firefox přiměrili.

Pomoc sej wobstarać

Jeli maće dalše prašenja abo pomoc wo Firefox trjebaće, sće na prawym websydle.

• Tute sydło ma sta nastawkow Firefox, kotrež wjele prašenjow wobjednawaja, kotrež wy móhł měć.
• Móžeće tež wot zhromadźenstwa Mozilla pomoc dóstać, hdyž prašenje we forumje pomocy stajeće. Hlejće Get community support.