Prědne kšace z Firefox - pśeglěd wó głownych funkcijach

Wersijowe informacije
  • Wersijowy ID: 237432
  • Napórany:
  • Awtor: milupo
  • Komentar: update
  • Pśeglědany: Jo
  • Pśeglědany:
  • Pśeglědany wót: milupo
  • Jo pśizwólony? Jo
  • Jo to aktualna wersija? Ně
  • Gótowy za pśełožowanje: Ně
Žrědłowy kod wersije
Wopśimjeśe wersije

Witajśo k Firefox! Pokažomy wam wšykne zakłady, aby ned zachopił. Toś ten nastawk wujasnijo zakłady k wužywanjeju Firefox. Gaž je derje znajośo, wopytajśo druge wótkaze za funkcije, kótarež móžośo pózdźej wuslěźiś.

Bok nowego rejtarika: wjelicne wopśimjeśe k ruce

Pó standarźe Firefox wam kuždy raz pśistup k wjelicnemu wopśimjeśeju bitujo, gaž nowy rejtarik wócynjaśo. Stajśo kursor myški nad wótrězki a miniaturki abo klikniśo na zubkate kólasko Fx88NewTabCogwheeltłocašk Personalizěrowaśzubkaty symbol Fx89Personalize-GearIcon górjejce napšawo na boku nowego rejtarika za dalšne nastajenja.

new tab page 57New Tab Fx89Fx90NewTab

Cośo wěcej zgóniś? Glejśo Wó kachlickach na boku „Nowy rejtarik“.

Wšykno ze zjadnośonym pytańskim/adresowym pólom pytaś

Wšojadno lěc eksaktnu webadresu znajośo abo jadnorje pytaśo, adresowe pólo móžo ze wšym wobchadaś. Zjadnośonej pytańske a adresowe pólo Firefox wam na zakłaźe wašych eksistěrujucych cytańskich znamjenjow a wobznamjenjow, historije, wócynjonych rejtarikow a woblubowanych pytanjow póbitujo. Kak to funkcioněrujo? Zapódajśo jadnorje pytański wuraz abo webadresu a glědajśo, což se na magisku wašnju stawa.

awesome bar 57Fx89AutocompleteDropdownFx96 Address bar autocomplete

Aby dalšne pytańske triki zgónił, glejśo Adresowe pólo w Firefox awtomatiski wudopołniś.

Meni akcijow boka: Ako cytańske znamje składowaś, fotografěrowaś, składowaś abo źěliś

Sćo namakał wjelicny webbok? Składujśo abo źělśo jen! Meni akcijow boka w adresowem pólu wam zmóžnja, webboki ako cytańske znamjenja składowaś, rejtariki pśipěś, wótkaze kopěrowaś abo pśez e-mail pósłaś, fota wobrazowki cyniś a boki na waš telefon abo na wašu lisćinu Pocket pósłaś, aby je cytał, gažkuli a źožkuli cośo.

Fx80PageActions

Priwatny modus z pólěpšonym slědowańskim šćitom: malsnje a dermo pśeglědowaś

Pśeglědujśo internet bźez togo, aby informacije na swójom licadle składował, ku kótarym sedłam a bokam sćo se woglědał. Firefox buźo teke tšašne pśeslědowaki blokěrowaś, kótarež wašomu zaźaržanjeju pśez web slěduju.

  • Klikniśo na menijowy tłocašk Fx57Menu a pón na Nowe priwatne wokno. (Pokaz: Móžośo teke z pšaweju tastuStrg + kliknjenje na wótkaz na webboku kliknuś. Wubjeŕśo pón Wótkaz w nowem priwatnem woknje wócyniś.)
private mask 57 winprivate mask 57private mask 57 linuxFx96 Win11 private mask
Glejśo Priwatny modus - Firefox wužywaś, mimo až historija se składujo, Enhanced Tracking Protection in Firefox for desktop a SmartBlock for Enhanced Tracking Protection, aby wěcej zgónił.

Firefox synchrony źaržaś

Zarědujśo konta Firefox, aby mógał swóje pśeglědowańske daty sobu wześ, źožkuli cośo. Klikniśo na menijowy tłocašk Fx57Menu, wubjeŕśo Pla Firefox pśizjawiś a slědujśo instrukcijam, aby swójo konto załožył. Pśizjawśo se pón pla nowo załožone konto na swójich rědach a kóńc!

Za nadrobnjejše instrukcije glejśo Kak zarědujom Sync na swójom licadle?

Startowy bok jo jano jadno kliknjenje zdalony

Wubjeŕśo bok, kótaraž se wócynja, gaž Firefox startujośo abo klikniśo na tłocašk startowego boka.

  1. Wócyńśo rejtarik z webbokom, kótaryž cośo ako startowy bok wužywaś.
  2. Śěgniśo ten rejtarik a pušććo jen na tłocašk startowego boka Home Button 57Fx89HomeButton na swójej symbolowej rědce.
    Dragging Home Page 57set homepage 57Dragging Home Page 57 - LinuxFx89 Set homepage drag-and-drop
  3. Klikniśo na Jo w napominanju, aby toś ten bok ako swój startowy bok nastajił.
Glědajśo: Tłocašk startowego boka se pó standarźe njepokazujo. Móžośo tłocašk startowego boka pśidaś abo wótwónoźeś, gaž symbolowu rědku pśiměrjujośo (glejśo dołojce). Jolic tłocašk startowego boka njamaśo, móžośo swój startowy bok w nastajenjach Firefox nastajiś, ako se w nastawku Startowy bok póstajiś wopisujo. Tłocašk startowego boka se symbolowej rědce pśidawa, gaž swójski startowy bok jo nastajony.

Meni abo symbolowu rědku pśiměriś

Smy optiměrowali symbolowu rědku z nejwěcej woblubowanymi funkcijami, ale Firefox ma samo dalšne schowane funkcije. Póglědajśo za nimi!

  1. Klikniśo na menijowy tłocašk Fx57Menu a pón na Pśiměriś…a pón na Symbolowu rědku pśiměriś…Dalšne rědy a wubjeŕśo Symbolowu rědku pśiměriś….
  2. Śěgniśo póžedane funkcije a pušććo je na swójej symbolowej rědce abo wobceŕk napšawo.
    customize drag 57Fx89 Customize drag
  3. Gaž sćo gótowy, klikniśo na tłocašk Dokóńcony.
Aby wěcej zgónił, cytajśo nastawk Wóźeńske elementy, tłocaški a symbolowe rědki w Firefox pśiměriś.

Funkcije Firefox z dodankami pśidaś

Dodanki su ako nałoženja, kótarež móžośo instalěrowaś, aby Firefox tak funkcioněrował, ako wy cośo.

  1. Klikniśo na menijowy tłocašk Fx89menuButton pótom na Dodanki a drastwy a wubjeŕśo Dopórucenja.
  2. Aby dopórucony dodank instalěrował, klikniśo na módry tłocašk + Drastwu instalěrowaś abo + Firefox pśidaś, wótwisujucy wót typa dodanka.

Dołojce na lisćinje pśedstajonych dodankow jo teke tłocašk Dalšne dodanki namakaś, na kótarež móžośo kliknuś. Wjeźo was k addons.mozilla.org, źož móžośo za wěstymi dodankami pytaś.

Aby wěcej wó dodankach zgónił, glejśo Dodanki namakaś a instalěrowaś, aby Firefox pśiměrili.

Pokaz: Někotare dodanki pó instalaciji symbolowej rědce tłocašk pśidawaju. Móžośo jen wótwónoźeś abo do někakego menija pśesunuś – glejśo Wóźeńske elementy, tłocaški a symbolowe rědki w Firefox pśiměriś.

Pomoc se wobstaraś

Jolic maśo dalšne pšašanja abo pomoc wó Firefox trjebaśo, sćo na pšawem websedle.

  • Toś to sedło ma sta nastawkow Firefox, kótarež wjele pšašanjow wobjadnaju, kótarež wy mógał měś.
  • Móžośo teke wót zgromaźeństwa Mozilla pomoc dostaś, gaž pšašanje we forumje pomocy stajaśo. Glejśo Get community support.