Startowu stronu postajić abo změnić

Wubjerće stronu, kotraž so wočinja, hdyž Firefox startujeće abo klikńće na tłóčatko startoweje strony.

1. Wočińće rajtark z webstronu, kotruž chceće jako startowu stronu wužiwać.
2. Ćehńće tón rajtark na tłóčatko startoweje strony .

   

3. Klikńće na Haj, zo byšće ju jako swoju startowu stronu postajił.

Dalše nastajenja móžeće w nastawku startoweje strony namakać.

Web přepytować

Wubjerće swoju najlubšu pytawu ze zatwarjeneho pytanskeho pola Firefox.

Dalše informacije, triki a pokiwy dóstanjeće w nastawku Search bar - add, change and manage search engines on Firefox.

Websydło jako zapołožku składować

Składujće swoje najlubše sydła.

• Zo byšće zapołožku składował, klikńće na hwěžku w symbolowej lajsće. Hwěžka budźe so módrić a zapołožka za stronu, na kotrejž sće, so w rjadowaku Njesortěrowane zapołožki wutwori. To je wšitko!

  

Za dalše informacije hlejće nastawk Ze zapołožkami swoje najlubše webstrony składować.

Wšitko z inteligentnym adresowym polom pytać

Adresowe polo Firefox so rady tež „inteligentne adresowe polo“ mjenuje, dokelž hnydom adresy websydłow zaso namaka, kotrež sće do toho wopytał.

• Zapisajće do adresoweho pola a budźeće lisćinu stronow widźeć, kotrež sće hižo wopytał abo kotrež su jako zapołožki składowane. Hdyž stronu widźeće, kotrež chceće sej wobhladać, klikńće na nju.

  

Zo byšće wjace wo inteligentnym adresowym polu zhonił, hlejće Namjety awtowudospołnjenja adresoweho pola w Firefox.

Priwatny modus

Funkcija Priwatny modus Firefox wam zmóžnja, internet přehladować bjez toho, zo byšće na swojim ličaku daty wo tym składował, kotre sydła a strony sće wopytał.

• Klikńće na menijowe tłóčatko a klikńće potom na Nowe priwatne wokno.

  

Dalše informacije wo tym, kak priwatny modus funguje, namakaće w nastawku Priwatny modus - Firefox wužiwać, bjeztoho zo by so historija składowała.

Meni abo symbolowu lajstu přiměrić

Móžeće zapiski změnić, kotrež so w meniju abo swojej symbolowej lajsće pokazuja.

1. Klikńće na menijowe tłóčatko Wobraz "new fx menu" njeeksistuje. a wubjerće Přiměrić.
   • Wosebity rajtark so wočini, kotryž wam zmóžnja, zapiski do abo z menija a symboloweje lajsty ćahnyć.

   

2. Hdyž sće hotowy, klikńće na zelene tłóčatko Přiměrjenje skónčić.

Dalše informacije wo přiměrjenju Firefox namakaće w nastawku Wodźenske elementy, tłóčatka a symbolowe lajsty w Firefox přiměrić.

Z přidatkami Firefox funkcije přidać

Přidatki su małe nałoženja, kotrež móžeće instalować, zo bychu wam funkcije k dispoziciji stajili, kotrež trjebaće abo chceće.

1. Klikńće na menijowe tłóčatko , potom na Přidatki a drastyRozšěrjenja drasty a wubjerće Přidatki wobstarać.
2. Zo byšće wjace informacijow wo předstajenym rozšěrjenju abo předstajenej drasće widźał, klikńće na nje. Móžeće potom na zelene tłóčatko Zu Firefox hinzufügen kliknyć, zo byšće rozšěrjenje abo drastu instalował.
   • Z pomocu pytanskeho pola horjeka móžeće tež wěste přidatki pytać. Móžeće potom někajke namakane přidatki z tłóčatkom Instalować instalować.

     

3. Firefox sćehnje požadany přidatk a prosy was snano wobkrućić, zo chceće jón instalować.
4. Klikńće na Nětko znowa startować, jeli to so zjewi. Waše rajtarki budu so składować a po znowastartowanju wobnowjeć.

Zo byšće wjace wo přidatkach zhonił, hlejće Přidatki namakać a instalować, zo bychu Firefox přiměrili.

Firefox synchrony dźeržeć

Mějće přistup na swoje zapołožki, historiju, hesła a wjace ze wšěch gratow.

1. Załožće najprjedy konto Firefox:
   • Klikńće na menijowe tłóčatko a wubjerće Pola sync přizjewić a slědujće instrukcijam, zo byšće swoje konto załožił.

   

2. Přizjewće so potom prosće, zo byšće so z druhim gratom zwjazał.

Za podrobne instrukcije hlejće Kak zarjaduju Sync na swojim ličaku?

Pomoc sej wobstarać

Jeli maće dalše prašenja abo pomoc za Firefox trjebaće, sće na prawym městnje.

• Tute sydło ma sta nastawkow, kotrež na nimale kóžde prašenje wotmołwjeja, kotrež maće.

Web přehladować

Startowu stronu nastajić

Je lochko, startowu stronu w Fiefox nastajić. Ćehńće prosće symbol sydła na tłóčatko startoweje strony. Za dalše informacije wo wašej startowej stronje a wo tym, kotre rajtarki maja so pokazać, hdyž Firefox startujeće, hlejće Startowu stronu postajić.

Zapołožki z jednym kliknjenjom składować

Zo byšće zapołožku wutworił, klikńće na hwěžku w adresowym polu. To je wšitko! Wjace wo tym, kak móžeće zapołožki wužiwać, inkluziwnje woznamjenjowanje a organizowanje, hlejće Ze zapołožkami swoje najlubše webstrony składować.

Wšitko z inteligentnym adresowym polom namakać

Mjenujemy adresowe polo Firefox rady „inteligentne adresowe polo“, dokelž hnydom zapisk namakaće, hdyž započnjeće mjeno abo adresu websydło zapisować. A čim husćišo jo wužiwaće, ćim lěpje wono funguje. Zo byšće wjace wo wužiwanju inteligentneho pola zhonił, inkluziwnje pytanje přez wočinjene rajtarki a přepytowanje weba, hlejće Namjety awtowudospołnjenja adresoweho pola w Firefox.

Web přepytować

Přepytujće web ze swojim najlubšim pytanskim sydłom w pytanskim polu zatwarjenym w Firefox. Klikńće prosće na symbol nalěwo, zo byšće mjez pytawami přepinał. Dalše informacije a triki wo pytanju namakaće w nastawku Search bar - add, change and manage search engines on Firefox.

Rajtarki, rajtarki a wospjet rajtarki!

Rajtarki wam zmóžnjeja, wjacore websydła w jednym woknje wočinjene dźeržeć, dźerža wobrazowku bjez šmjatańcy, a wosnadnjeja přepinanje mjez sydłami. Zo byšće nowy rajtark přidał, klikńće na tłóčatko noweho rajtarka (+) naprawo wot poslednjeho rajtarka. Zo byšće wjace wo dźěłanju z rajtarkami zhonił, hlejće Rajtarki wužiwać, zo by so wjele websydłow w jednym woknje organizowało.

Připjate rajtarki

Připjate rajtarki wam zmóžnjeja, swoje najlubše webnałoženja kaž Facebook, Gmail a Twitter wočinjene a jenož jedne kliknjenje preč dźeržeć. Zo byšće připjaty rajtark wutworił, klikńće z prawej tastuze stłóčenej tastu ctrl na rajtark a wubjerće Rajtark připinyć z menija. Zo byšće wjace wo tym zhonił, kak připjate rajtarki funguja, hlejće Pinned Tabs - keep favorite websites open and just a click away.

Priwatny modus

Funkcija Priwatny Modus Firefox wam zmóžnja, internet přehladować bjez toho, zo bychu so informacije wo tym, kotre sydła a strony sće do toho wopytał, składowali.

Firefox z přidatkami přiměrić

Přidatki su małe nałoženja, kotrež wam kóždy kič w Firefox instaluja.Su přidatki, kotrež płaćizny přirunuja, wjedro kontroluja, zwonkowny napohlad Firefox měnjeja, hudźbu wothrawaja abo samo waš profil na Facebooku aktualizuja. Zo byšće wjace wo přidatkach zhonił, a wo tym, kak móžeće je instalować, hlejće Přidatki namakać a instalować, zo bychu Firefox přiměrili.

Drasty

Z drastami móžeće zwonkowny napohlad Firefox lochko wuhotować a swojim přećam přiměrić. Wupruwujće někotre drasty na websydle přidatkow Mozilla.

Synchrony wostać

Firefox Sync wam zmóžnja wěsty přistup na wašu historiju, waše zapołožki, rajtarki a hesła po wšěch wašich gratach. Hlejće Kak zarjaduju Sync na swojim ličaku?, zo byšće wjace zhonił abo započńće hnydom ze synchronizowanjom desktopa swojeho ličaka abo mobilnych gratow.