Rozšěrjenja, drasty a tykače su wšě typy přidatkow za Firefox. Tutón nastawk wopisuje, kak móžeće přidatki w Firefox znjemóžnić a wotstronić.

Kak móžu rozšěrjenja a drasty znjemóžnić?

Při znjemóžnjenju so přidatk njewotstronja:

1. Klikńće na menijowe tłóčatko , potom na Přidatki a drastyRozšěrjenja drasty a wubjerće Rozšěrjenja abo Zwonkowny napohlad.
2. 
3. Wubjerće přidatk, kotryž chceće znjemóžnić.
4. Klikńće na jeho tłóčatko Znjemóžnić.

   

5. Klikńće na Nětko znowa startować, jeli so jewi. Waše rajtarki budu so składować a po znowastartowanju zaso wobnowjeć.

Zo byšće přidatk zaso zmóžnił, pytajće jón w lisćinje přidatkow a klikńće na Zmóžnić a startujće potom Firefox znowa, jeli to je trěbne.

Kak móžu tykače znjemóžnić?

1. Klikńće na menijowe tłóčatko , potom na Přidatki a drastyRozšěrjenja drasty a wubjerće Tykače.
2. 
3. Wubjerće tykač, kotryž chceće znjemóžnić.
4. Wubjerće Ženje njeaktiwizować z jeho wuběranskeho menija.

   

Zo byšće přidatk zaso zmóžnił, pytajće jón w lisćinje přidatkow a wubjerće Přeco aktiwizować z jeho wuběranskeho menija.

Kak móžu rozšěrjenja a drasty wotstronić?

1. Klikńće na menijowe tłóčatko , potom na Přidatki a drastyRozšěrjenja drasty a wubjerće Rozšěrjenja abo Zwonkowny napohlad.
2. 
3. Wubjerće přidatk, kotryž chceće wotstronić.
4. Klikńće na tłóčatko Wotstronić.

   

5. Klikńće na Nětko znowa startować, jeli so to jewi. Waše rajtarki budu so składować a po znowastartowanju zaso wobnowjeć.

Kak móžu tykače wotinstalować?

Najwjace tykačow přinjese swoje wotinstalowanske programy sobu. Za pomoc při wotinstalowanju někotrych hustych tykačow, wobhladajće sej tutu lisćinu nastawkow a wubjerće nastawk za tykač, kotryž chceće wotinstalować.

Rozrisowanje problemow

• Za pomoc při diagnosticěrowanju problemow zawinowanych přez rozšěrjenja a drasty, hlejće Problemy z rozšěrjenjemi, drastami a hardwarowym pospěšenjom rozrisać.
• Za pomoc při diagnosticěrowanju problemow zawinowanych přez tykače, hlejće Zmylki z tykačemi kaž Flash abo Java pytać, zo bychu so časte problemy z Firefox rozrisali.
• Jeli njemóžeće rozšěrjenje abo drastu wotstronić, čitajće Cannot remove an add-on (extension or theme).
• Jeli njemóžeće tykač wotinstalować, čitajće Tykač manuelnje wotinstalować.