Posledni raz zaktualizowany:
2 njedźeli ago
Wokno Pytać w nastajenjach Firefox wam zmóžnja, waše pytanske nastajenja přiměrić. Móžeće pytawy přidać abo wotstronić, swoju standardnu pytawu změnić, nastajenja adresoweho pola změnić, skrótšenki klučowych słowow připokazać abo změnić, pytanske polo pokazać abo schować a wubrać, hač so maja pytanske namjety pokazać abo nic.
Zapis wobsaha
Wokno „Pytać“ wočinić
- Klikńće w menijowej lajsće horjeka na wobrazowce na a wubjerće potom , po wersiji macOS.Klikńće na menijowe tłóčatko
a wubjerće .
- Wubjerće w lěwym wobłuku.
Pytanske polo
- Adresowe polo za pytanje a nawigaciju wužiwać: To je standardne nastajenje. Skići zjednoćene pytanske a adresowe polo.
- Symbolowej lajsće pytanske polo přidać: Wubjerće tute nastajenje, jeli separatne pytanske polo preferujeće.
Standardna pytawa
- Pytanske wurazy město URL na stronje wuslědkow standardneje pytawy pokazać: Wubjerće tute nastajenje, zo byšće pytanski wuraz pokazał, kotryž sće zapodał, w adresowym polu na stronje wuslědkow za swoju standardnu pytawu. Wotwolće tute nastajenje, zo byšće město toho URL pokazał. Tute nastajenje je schowane, jeli sće symbolowej lajsće separatne pytanske polo přidał.
Wužiwajće wuběranski meni pod Standardna pytawa, zo byšće pytawu wubrał, kotruž chceće po standardźe wužiwać.
Kedźbu: Někotre rozšěrjenja, kotrež su so Firefox přidali, móža nowu standardnu pytawu nastajić.
Móžeće rozšěrjenje znjemóžnić abo wotstronić, kotrež je změnu přewjedło abo móžeće druhu pytawu z wuběranskeho menija wubrać, jeli chceće radšo druhu jako standardnu měć.
Pytanske namjety
Hdyž do pytanskeho pola abo adresoweho pola zapisujeće, waša standardna pytawa na zakładźe woblubowanych abo prjedawšich pytanjow namjety pokazuje. Hlejće Pytanske namjety w Firefox za dalše informacije.
- Pytanske namjety podać: Wubjerće abo wotwolće tute nastajenje, zo byšće pytanske namjety pokazał abo nic.
- Pytanske namjety we wuslědkach adresoweho pola pokazać: Jeli pytanske namjety su zmóžnjene, wubjerće tute nastajenje, zo byšće pytanske namjety tež we wuslědkach pokazował, kotrež so nalistuja, hdyž z adresoweho pola Firefox pytaće. Do dweju namjetow z wašeje pytanskeje historije móžetej so tež pokazać. Tej so z časnikowym symbolom město lupoweho symbola woznamjenjetej.
- Pytanske namjety před přehladowanskej historiju we wuslědkach adresoweho pola pokazać: Wubjerće tute nastajenje, zo byšće pytanske namjety před swojej přehladowanskej historiju pokazał.
- Pytanske namjety w priwatnych woknach pokazać: Wubjerće tute nastajenje, zo byšće pytanske namjety w priwatnych woknach pokazał.
- Pytanske namjety pokazać: Wubjerće tute nastajenje, zo byšće pytanske namjety zmóžnił abo znjemóžnił.
- Pytanske namjety před přehladowanskej historiju we wuslědkach adresoweho pola pokazać: Wubjerće tute nastajenje, zo byšće pytanske namjety před swojej přehladowanskej historiju pokazał.
- Pytanske namjety w priwatnych woknach pokazać: Wubjerće tute nastajenje, zo byšće pytanske namjety w priwatnych woknach pokazał.
- Trendowe pytanske namjety pokazać: Wubjerće tute nastajenje, zo byšće trendowe pytanja we wuslědkach adresoweho pola pokazać. Tuta funkcija da so tež z Bing wužiwać.Kedźbu: Regiony, zo kotrež trendowe pytanja su k dispoziciji (tuchwilu USA) so wot Google a Microsoft postajeja, nic wot Mozilla a podleža změnam.
Adresowe polo
Hdyž do adresoweho pola pisaće, móže Firefox wam namjety poskićić, na přikład websydła z wašeje přehladowanskeje historije, zapołožki a wočinjene rajtarki. Zo byšće wjace wo tutej funkciji zhonił, hlejće Namjety awtowudospołnjenja adresoweho pola w Firefox. Móžeće z typow namjetow wubrać, kotrež so w nastajenjach wašeho adresoweho pola pokazuja:
- Přehladowanska historija: Namjetuje strony, kotrež sće do toho wopytał.
- Zapołožki: Namjetuje strony, kotrež sće jako zapołožki składowali.
- Wočinjene rajtarki: Namjetuje strony, kotrež sće druhim rajtarku wočinił.
- Zwjazanja: Namjetuje swoje najhusćišo wopytane sydła (jeli zwjazanja su w swojich nastajenjach strony noweho rajtarka) zmóžnjene, hdyž na adresowe polo klikaće.
- Pytawy: Namjetuje wuslědki, kotrež pytawy wobsahuja.
Pytanske alternatiwy
Hdyž započinaće do adresoweho pola abo pytanskeho pola pisać, widźiće symbole pod pytanskimi namjetami, zo byšće město toho z druhimi pytawami, zapołožki, rajtarki abo historiju přepytał.
Hdyž započinaće do adresoweho pola pisać, widźiće jednotne pytanske tłóčatko ze symbolom za swoju standardnu pytawu.
Hdyž na njo klikaće, so wuběranski meni wočini, z kotrymž móžeće město toho pytać: druhe pytawy, zapołožki, rajtarki a historija.
Móžeće alternatiwny pytanski typ wubrać a jón za swoje pytanje wužiwać, jeůo nochceće aktualne standardne wužiwać.
Zo byšće alternatiwne pytawy wotstronił, kotrež so nimaja w pytanskim polu abo adresowym polu pokazać, wotstrońće hóčku pódla pytawy, kotrež je we woknje Pytać pod Pytanske zwjazanja nalistowana. To pytawy same njewotstroni.
Pytawy wotstronić abo přidać
Zo byšće pytawu z Firefox wotstronił, wobnowće standardne pytawy, kotrež Firefox sobu přinjese abo přidajće nowu pytawu, dźiće k wotrězkej Pytanske zwjazanja wokna Pytać.
Pytawu wotstronić
- Klikńće na pytawu, kotruž chceé wotstronić, zo byšće ju wuzběhnył.
- Klikńće na tłóčatko deleka, zo byšće ju z lisćiny wotstronił.
Standardne pytawy wobnowić
Jeli pytawy wotstronjeće, kotrež Firefox po standardźe sobu přinjese, klikńće na deleka we woknje Pytać, zo byšće je wróćo přinjesł.
Nowu pytawu přidać
- Klikńće na wotkaz Dalše pytawy pytać deleka we woknje Pytać..
Strona Firefox Add-ons so wočini, kotrež k dispoziciji stejace pytanske nastroje nalistuje. - Klikńće na pytawu, kotruž chceće přidać a potom na .
Za dalše informacije wo přidawanju abo wotstronjenju pytawow hlejće Pytawu w Firefox přidać abo wotstronić.
Klučowe słowa pytawow
Móžeće klučowe słowa za swoje najlubše pytawy připokazać abo změnić, zo byšće pytanje wosnadnił. Za dalše informacije hlejće Assign shortcuts to search engines.
