Profil Firefox składuje wšě waše wažne daty, kaž na přikład zapołožki, historiju, placki a hesła. Jeli sće swoje nastajenja Firefox, zapołožki abo składowane hesła po aktualizaciji abo instalaciji zhubił, móžeće je hišće ze stareho profila wobnowić. Tutón nastawk wujasnja, kak móžeće swój stary profil Firefox namakać a wažne daty do aktualneho profila kopěrować.

• Zo byšće daty mjez wjacorymi profilemi a gratami synchronizował a dźělił, hlejće Kak zarjaduju Sync na swojim ličaku? a Kotre typy informacijow móžu z Firefox synchronizować?
• Zo byšće k druhemu profilej přešoł, wobnowće falowace daty a nastajenja, hlejće Wužiwarske daty wobnowić, kotrež po aktualizaciji Firefox faluja.

Aktualny profil zawěsćić

Prjedy hač započnjeće, poruča so, zo dospołne zawěsćenje swojeho eksistowaceho profila Firefox přewjedźeće, za pad, zo so něšto nimokula. Prošu čitajće nastawk Daty w profilach Firefox zawěsćić a wobnowić za instrukcije.

Nowy profil Firefox załožić

Zo byšće wjace wo tym zhonił, kak móžeće čisće nowy profil Firefox załožić, čitajće prošu nastawk Profile Firefox z pomocu profiloweho zrjadowaka załožić a wotstronić.

Dataje mjez profilowymi rjadowakami kopěrować

1. Wočińće stary profilowy rjadowak Firefox, kotryž dataje wobsahuje, kotrež chceće do noweho profila kopěrować.
   Jeli daty z rjadowka Stare daty Firefox kopěrujeće, kotryž je so wutworił, mjeztym zo sće Firefox wobnowił, wočińće prosće profilowy rjadowak, kotryž wobsahuje; hewak, jeli móžeće Firefox z pomocu stareho profila wočinić:
   • Klikńće na menijowe tłóčatko , potom na Pomoc a wubjerće Informacije za rozrisowanje problemowWubjerće z menija Pomoc Informacije za rozrisowanje problemow Rajtark Informacije za rozrisowanje problemow so wočini.
   • Klikńće pod wobłukom Zakłady nałoženja pódla profiloweho rjadowakaprofiloweho zapisa na Rjadowak wočinićW Finder pokazaćZapis wočinić. Wokno so wočini, kotrež waš profilowy rjadowak wobsahuje. Waš profilowy rjadowak so wočini.Waš profilowy zapis so wočini.
   Pokiw: Jeli Firefox zmylk pokazuje, po tym zo sće na Rjadowak wočinić kliknył abo jeli njemóžeće Firefox wočinjeć abo wužiwać, slědujće instrukcijam w nastawku Waš profil namakać, bjez toho, zo by so Firefox wočinił.
2. Začińće Firefox. Jeli je wočinjeny: Klikńće na meni Firefox a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox a wubjerće Skónčić.
3. Klikńće z prawej tastu myškiDźeržće tastu ctrl stłóčenu, mjeztym zo klikaće na dataju, kotruž chceće kopěrować a wubjerće Kopěrować.
4. Wočińće nowy profilowy rjadowak Firefox, kak je so horjeka w kroku 1 rozjasniło.
5. Klikńće z prawej tastu myškiDźeržće tastu ctrl stłóčenu, mjeztym zo klikaće znutřka profila a wubjerće Element einfügenEinfügen.

Wospjetujće kroki 3-5 za kóždu dataju, kotruž chceće do swojeho noweho profiloweho rjadowaka kopěrować.

Při kopěrowanju wašich wosobinskich datow ze stareho profila do noweho profila, móže so stać, zo tež dataju kopěrujeće, kotraž tón problem zawinuje, kotryž chceće wotbyć! Čim wjace datajow kopěrujeće, ćim wjetša je prawdźepodobnosć, zo to so stanje. Poručamy tohodla, zo:

• jenož minimalnu ličbu datajow kopěrujeće, kotrež waše najwažniše daty wobsahuja, bjez kotrychž prosće njemóžeće wuńć.
• jenož mało datajow naraz kopěrujeće, a potom přepruwujeće, hač problem, kotryž chceće wotbyć, zaso wustupuje.

Waše wažne daty a jich dataje

Zo byšće wjace wo datach a jich datajach w swojim profilu zhonił, hlejće About your important data and their files.