Wužiwarske daty wobnowić, kotrež po aktualizaciji Firefox faluja

Jeli so Firefox bjez wašich zapołožkow, hesłow, składowanych rajtarkow a druhich nastajenjow startuje, přepruwujće, hač waše daty su w druhim profilu k dispoziciji. To so móže stać, dokelž Firefox přisłušny profil za kóždu instalaciju Firefox wutworja.

Zo byšće swoje daty a nastajenja Firefox z druheho profila wobnowił:

Zapodajće about:profiles do adresoweho pola Firefox a tłóčće tastu Enter⏎. To stronu Wo profilach wočini.

Tuta strona měła znajmjeńša jedyn profil nalistować, móže wšak tež wjacore pokazać. Profil, kotryž Firefox tuchwilu wužiwa, slědowacy tekst pokazuje:
Tutón profil so runje wužiwa a njeda so zhašeć.

Jeli je druhi profil na tutej stronje nalistowany, móža waše falowace profilowe daty wobsahować. Móžeće na tłóčatko Profil w nowym wobhladowaku startować kliknyć, zo byšće druhe wokno Firefox wočinił, kotrež tón profil wužiwa. Jeli druhi profil waše falowace daty njewobsahuje, začińće prosće nowe wokno. Jeli falowace daty wobsahuje, móžeće jón jako ja standardny profil Firefox nastajić. Klikńće na tłóčatko Jako standardny profil nastajić za tón profil a Firefox budźe jón awtomatisce wužiwać, hdyž Firefox přichodny raz wočinjeće.

Jeli njemóžeće falowace daty na tute wašnje wobnowić, móžeće snano daty manuelnje z druheho profila wobnowić. Hlejće nastawk Wažne daty ze stareho profila wobnowić za podrobnosće.

Za dalše informacije wo rjadowanju profilow Firefox hlejće nastawk Profilowy zrjadowak.