Problemy Firefox rozwězaś, kótarež zawinuju se pśez škódne programy
Wersijowe informacije
- Wersijowy ID: 122341
- Napórany:
- Awtor: milupo
- Komentar: translation updated
- Pśeglědany: Jo
- Pśeglědany:
- Pśeglědany wót: milupo
- Jo pśizwólony? Jo
- Jo to aktualna wersija? Ně
- Gótowy za pśełožowanje: Ně
Žrědłowy kod wersije
Wopśimjeśe wersije
Malware jo skrotcone słowo za endgelski wuraz "Malicious Software" (škódna softwara). Toś to zapśimjeśe wužywa se zwětšego za softwaru, kótaraž instalěrujo se na wašom licadle, aby kompjuterowy system bźez dowólnosći wobsejźarja infiltrěrowała abo škódowała. Wótergi problem Firefox zawinujo se psez škódnu softwaru, wó kótarejž njewěsćo, a kótaraž jo na wašom licadle zainstalěrowana. Toś ten nastawk wopisujo, kótare powšykne symptomy su a kak móžośo instalěrowanjeju škódnych programow zajźowaś a je wótbyś.
Zapis wopśimjeśa
Wótkul wěm, až mój problem Firefox zawinujo se pśez škódny program?
Symptomy su rozdźělne a wótwisuju wót škódnego programa, ale jolic zawupytnjośo jadno abo někotare ze slědujucych zaźaržanjow, jo škódny program na wašom licadle zainstalěrowany.
- Někotare wabjeńske wokna pokazuju se ceły cas, lěcrownož sćo wuskokujuce wokna zablokěrował. Za dalšne informacije wó blokěrowanju wuskokujucych woknach glejśo Nastajenja wuskokujucych woknow, wuwześa a rozwězowanje problemow.
- Waše pytanja pósrědnjaju se k drugemu sedłoju dalej, aby wopśimjeśe toś togo websedła zacytował a wy njamóžośo jen blokěrowaś. Za dalšne informacije glejśo What to do when searches take you to the wrong search website.
- Waš startowy bok jo se kaprował. Za dalšne informacije wó póstajenju wašogo startowego boka, glejśo Startowy bok póstajiś.
- Firefox njepśestawa nigda zacytowaś abo njamóžo wěste websedła zacytowaś. Za dalšne informacije glejśo Websites show a spinning wheel and never finish loading a Firefox njamóžo wěste websedła zacytowaś.
- Firefox wowalujo se abo wisy cesto. Za dalšne informacije glejśo Firefox se wowalujo - co cyniś? a Firefox wisy abo wěcej njereagěrujo.
- Firefox se njestartujo. Za dalšne informacije glejśo Firefox won't start - find solutions.
- Problemy pśi zwězowanju z Facebookom. Za dalšne informacije wó problemach z Facebookom glejśo Fix problems with Facebook games, chat and more.
- Firefox wócynja stawnje wjele rejtarkow abo woknow. Za dalšne informacije glejśo Firefox repeatedly opens empty tabs or windows after you click on a link.
- Njewitane symbolowe rědki su se zainstalěrowali. Za dalšne informacije wó pśiměrjowanju Firefox glejśo Symbolowe rědki wótpóraś, kótarež su wašo pytanje Firefox a waš startowy bok změnili a How to remove the Babylon toolbar, home page and search engine.
Kak mógu instalěrowanjeju škódnych programow zajźowaś?
Su jadnore pšawidła, kótarymž wy by měł jadnomu za drugim slědowaś, aby instalěrowanju škódnych programow na wašom licadle zajźował:
- Źaržćo swój źěłowy system a drugu softwaru aktualne: Instalacija škódneje softwary zwužytkujo zwětšego znate wěstotne źěry w drugich programach, kótarež daju se w póznjejšych wersijach zatkaś. Pśeznańśo se, lěc wužywaśo nejnowšu wersiju kuždego programa, kótaryž wužywaśo, inkluziwnje tykace, z pomocu websedła Mozilla Pśespytajśo swóje tykace a Windows z pomocu funkcije Windows Update.
- Njeinstalěrujśo dowěry njegódne programy: Někotare websedła póbituju wam programy, aby waš wobglědowak póspěšili, wam pśi pśepytowanju weba pomagali, symbolowe rědki pśidali, aby wěcy w Firefox cynili, kótarež Firefox južo cyni. Někotare njewitane programy su teke źěl softwarowych paketow. Zwětšego toś te programy gromaźe informacije wó wašom pśeglědowańskem zaźaržanju, kótarež słuže jano luźam, kótarež su je wuwili a kótarež wobwliwuju Firefox negatiwnje. Instalěrujśo dodanki pśecej wót websedła dodankow Mozilla a wótwólśo njewitane programy w softwarowych asistentach.
- Njeklikniśo w zawjedujucych wuskokujucych woknach: Wjele škódnych websedłow wopytujo škódne programy na wašom systemje instalěrowaś – dajo wobraze ako wuskokujuce wokna wuglědaś abo zwobraznja animaciju websedła, kótaraž skannujo licadło. Za dalšne informacije wó namakanju zawjedujucego wuskokujucego wokna glejśo Nastajenja wuskokujucych woknow, wuwześa a rozwězowanje problemow.
- Njewužywajśo sfalšowany Firefox: Ześěgniśo Firefox z mozilla.org/firefox.Glědajśo: Pšosym dajśo znjewužiwanje wikoweje marki Firefox na websedłach z pomocu boka Mozilla Violating Website Report (engelski) k wěsći a w mejlkach pśez to, až pósrědnjaju je k znjewužywańskej e-mailowej adresy Mozilla dalej.
- Wužywajće antiwirusowy program a program pśeśiwo spionažnej softwarje ze šcitom w napšawdnem casu a skannujśo swój system pšawidłownje. Pśeznańśo se, lěc šćit w napšawdnem casu swójogo antiwirusowego programa a programa pśeśiwo spionažnej softwarje jo zmóžnjony. Skannujśo swójo licadło nanejmjenjej jaden raz na mjasec.
Wěstota Mac a šćit pśed škódnymi programami
Maju systemy Mac za wěsćejše a wěrje, až maju wětšu kontrolu nad k dispoziciji stojeceju softwaru w pśirownanju k PC z Windows. Slědujuce wótkaze by mógli pomagaś:
- Pomoc Apple OS X El Capitan: Protect your Mac from malware
- Pomoc Apple About the "Are you sure you want to open it?" alert (File Quarantine / Known Malware Detection) in OS X
- Za dalšne informacije techniskeje natury: Nastawkowa diskusija pomocy Apple Update to Article: Harden your Mac against malware attacks wopśimujo wobšyrne zespominanje pokazow, pórucenja a zwězanych nastawkow za wužywarjow Mac.
Kak mógu škódne programy wótbyś?
Wikipedijowy nastawk Linux malware (engelski) bitujo informacije a dopóručenja za wužywarjow Linux.
Kak móžu škódne programy wotbyć?
Nejnowšy Windows pódpěrany wót Microsoft ma nejskerjej zatwarjony zakładny antiwirusowy program, abo Microsoft staja jen dermo k dispoziciji. Jolic waš antiwirusowy program a waš program pśeśiwo spionažnej softwarje njejstej škódnu softwaru namakałej, skannujśo swój system z dermotnymi skannowanskimi programami pśeśiwo škódnej softwarje, kótarež su dołojce nalicone. Wy by měł ze wšymi programami skannowaś, dokulaž kuždy program drugu škódnu softwaru namakajo a aktualizěrujśo kuždy program na nejnowšu wersiju jich datowych bankow, nježli až skannowanje pśewjeźośo.
- Malwarebytes' Anti-Malware Free
- SuperAntispyware Portable Scanner
- Microsoft Safety Scanner
- Anti-Rootkit Utility - TDSSKiller
- AdwCleaner (glejśo toś tu alternatiwny ześěgnjeński bok AdwCleaner za dalšne informacije)
Trjebaśo wěcej pomocy?
Móžośo we forumje wó pomoc pšosyś, kótaryž jo se na wótwopóranje škódnych programow specializěrował ako na pśikład ślědujuce: