Hdyž Firefox prěni raz startujeće, na tłóčatko startoweje strony kliknjeće abo nowe wokno wočinjeće, witaja was ze standardnej startowej stronje. Tut strona wobsahuje móžnosć za webpytanje ze standardnej pytawu a wotkazy za spěšny přistup na sćehnjenja, zapołožki, historiju, přidatki, synchronizaciju a nastajenja. Nimo toho móžeće rajtarki z jeničkim kliknjenjom wobnowić, jeli běchu posledni raz wočinjene, hdyž sće Firefox wužiwał.

Kak dóstanu startowu stronu?

Standardne nastajenje Firefox wuskutkuje, zo by so startowa strona Firefox pokazała, hdyž Firefox startujeće, na tłóčatko startoweje strony kliknjeće abo nowe wokno wočinjeće.

Jeli tutu stronu njewidźiće, hdyž Firefox startujeće, klikńće na tłóčatko startoweje strony abo wočińće nowe wokno, zo byšće standardne nastajenje na slědowace wašnje wobnowił:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Wubjerće wotrězk Powšitkowny.
3. Klikńće we wobłuku Startować na tłóčatko Standard wobnowić.

   

4. Začińće stronu Nastajenja. Wšě změny, kotrež sće přewjedł, budu so awtomatisce składować.

Přistup na sćehnjenja, zapołožki, historiju, přidatki, synchronizaciju a nastajenja ze startoweje strony

Hdyž Firefox startujeće abo nowe wokno wočinjeće, dyrbjał wy standardnu startowu stronu ze slědowacymi tłóčatkami deleka na stronje widźeć:

• Sćehnjenja: Klikńće tu, zo byšće lisćinu swojich sćehnjenych datajow we woknje biblioteki wočinił.
• Zapołožki: To wočinja waše zapołožki we woknje biblioteki. Hlejće Ze zapołožkami swoje najlubše webstrony składować za dalše informacije.
• Historija: To wočinja wašu přehladowansku historiju we woknje biblioteki. Hlejće Přehladowansku, pytansku a sćehnjensku historiju zhašeć a Kak móžu jednotliwe websydło ze swojeje historije wotstronić? za dalše informacije.

• Přidatki: Mějće spěšny přistup na zrjadowak přidatkow. Za dalše informacije hlejće Přidatki namakać a instalować, zo bychu Firefox přiměrili.
• Sync: Klikńće tu, zo byšće Sync připrawił a swoje rajtarki a zapołožki synchronizował, zo byšće je ze sobu wjedł. Hlejće Kak zarjaduju Sync na swojim ličaku? za podrobnosće.
• Nastajenja: Mějće spěšny přistup na nastajenja Firefox.Mějće spěšny přistup na nastajenja Firefox.

Waše rajtarki a wokna z předchadneho posedźenja Firefox wobnowić

Jeli rajtarki a wokna běchu wočinjene, hdyž sće Firefox začinił, móžeće je po znowastartowanju Firefox wobnowić. Klikńće prosće na tłóčatko Předchadne posedźenje wobnowić.