Adresowe polo Firefox URL (webadresa) za stronu pokazuje, kotruž wopytujeće. Hdyž do tutoho pola pisaće, zo byšće URL abo pytanski wuraz zapodał, sej Firefox strony spomjatkuje, kotrež sće wopytał a pokazuje namjety we wuběranskim meniju adresoweho pola, na přikład sydła, kotrež sće do toho jako zapołožki składował, markěrował abo wopytał abo w rajtarkach wočinjene maće. Tutón nastawk wujasnja, kak funkcija awtowudospołnjenja adresoweho pola funguje.

Kak móžu lisćinu awtowudospołnjenjow wužiwać?

Hdyž něsto do adresoweho pola zapodawaće, budźe wuběranski meni wudospołnjenja tole wobsahować:

• Titule stronow a webadresy z wašeje historije
• Titule stronow, webadresy a znački z wašich zapołožkow.
• Strony, kotrež su tuchwilu w druhich rajtarkach wočinjene (hlejće deleka pod K rajtarkej přeńć).
• Synchronizowane rajtarki z druhich gratow.
• Pytanske wurazy z wašeje pytanskeje historije (jeli pytanske namjety su zmóžnjene).

Symbole budu podawać, hač wotpowědny wuslědk je wočinjeny rajtark abo zapołožka. Hdyž požadanu stronu widźiće, klikńće prosće na nju abo wužiwajće šipk horje ↑ a šipk dele ↓ na swojej tastaturje, zo byšće ju wuzběhnył a tłóčće potom Enter⏎.

Firefox wam tež woblubowane pytanske namjety standardneje pytawy skići. Hlejće Pytanske namjety w Firefox za dalše informacije.

Namjety adresoweho pola so na zakładźe wašeho přehladowanskeho zadźerženja přiměrjeja, na přikład kak husto webstronu wopytujeće a hdy posledni raz, a kotry wuslědk sće wubrał we wotwisnosći wot toho, štož je so zapodało. Na tute wašnje so strony, kotrež wopytujeće, cyły čas horjeka w lisćinje pokazuja, husto hižo po zapodawanju jednoho znamješka.

Awtowudospołnjenje adresow

Přidatnje k wuběranskej lisćinje awtowudospołnjenja za stronu, kotruž sće do toho wopytał, wudospołnjuje Firefox URL w adresowym polu. Jeli na přikład "suppo" zapisujeće, Firefox jón snano "rt.mozilla.de" přidawa, zo by adresu k "support.mozilla..org wudospołnił, jeli sće tu stronu do toho wopytał. Tłóčće w tutym padźe Enter⏎ a dóstanjeće so direktnje k tutej adresy.

K rajtarkej přeńć

Adresowe polo tež waše wočinjene rajtarki přepytuje a pokazuje wuslědki z rajtarkowym symbolom a tekstom „K rajtarkej přeńć“. Hdyž tute wuslědki wuběraće, wjedźeće so k hižo wočinjenemu rajtarkej, město toho zo by so duplikat wutworił.

Što móžu činić, zo bych najlěpše wuslědki dóstał?

• Hdyž chceće k webstronje hić, kotruž sće prjedy wopytał, zapisajće někotre pismiki z jeje webadresy abo titula strony. Kulće přez zapiski awtowudospołnjenja a pytajće stronu w lisćinje (zapodajće druhi pismik, jeli stronu w lisćinje njewidźiće). Tłóčće Enter⏎, zo byšće k wubranej webadresy šoł. Firefox tutej zapiskowej/wuslědkowej kombinaciji w přichodźe wyšu wažnosć da.
• Njewuprózdnjejće přehladowansku historiju - zwjetša najbohatše žórło zapiskow awtowudospołnjenja z kombinacije titul/webadresa přińdźe. Wuprózdnjenje přehladowanskeje historije tute zapiski z wuslědkow wotstroni.
• Składujće husto wužite strony jako zapołožki abo woznamjeńće je ze značkami. Adresowe polo z mjenom přiruna, kotrež zapołožce a tež značkam daće, kotrež su ze zapołožku zwjazane. Hlejće nastawk Ze zapołožkami swoje najlubše webstrony składować za dalše informacije wo tym, kaž móžeće zapołožki we Firefox wužiwać. Woznamjeńće strony z lochko pisajomnymi značkowymi mjenami, zo byšće swoje awtowudospołnjenske wuslědki polěpšił.

Kak móžu kontrolować, kotre wuslědki adresowe polo mi pokazuje?

Waše nastajenja za adresowe polo změnić

Móžeće funkciju awtowudospołnjenja adresoweho pola znjemóžnić abo wuslědki wobmjezować, zo byšće swoje wočinjene rajtarki, woblubowane sydłanajhusćišo wopytane sydła, zapołožki abo přehladowansku historju wuzamknył:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Wubjerće wokno Priwatnosć a wěstota.
3. Wubjerće pod Adresowe polo jedne ze slědowacych nastajenjow:

   

Nastajenja za namjety pytawy změnić: Zo byšće namjety pytawy zmóžnił abo znjemóžnił, inkluziwnje namjety z wašeje pytanskeje historije, klikńće na tutón wotkaz, zo byšće so do wokna Pytać w nastajenjach Firefox dóstał. Hlejće Standardne pytanske nastajenja w Firefox změnić, zo byšće wjace wo měnjenju tutych nastajenjow zhonił.

Wuslědki awtowudospołnjenja wotstronić

Jeli chceće zapisk z lisćiny awtowudospołnjenja wotstronić:

1. Wužiwajće, mjeztym zo sće w adresowym polu, šipkowej tasće „horje“ a „dele“ na swojej tastaturje, zo byšće zapisk wuzběhnył.
2. Tłóčće ⇧+Entf, zo byšće zapisk z lisćiny wotstronił.

Jeli chceće wšě wuslědki z historije z lisćiny awtowudospołnjenja wotstronić, wuprózdńće přehladowansku historiju Firefox.

Wuslědki nimoducy změnić

Hdyž pytanske wurazy do adresoweho pola zapodawaće, lisćina pod nim po standardźe pytanske namjety ze standardneje pytawy a strony (zapołožki, historija, wočinjene rajtarki) pokazuje, hdźež kóždy pytanski wuraz je dźěl titla, znački abo webadresy (URL).

Jeli za wěstym typom wuslědka pytaće, na přikład zapołožku abo wočinjeny rajtark, móžeće pytanje za nimi pospěšić, hdyž wosebite znamješka do adresoweho pola zapodawaće, wotdźělene přez mjezoty:

• Přidajće ^, zo byšće wotpowědniki w swojej přehladowanskej historiji pokazał.
• Přidajće *, zo byšće wotpowědniki w swojich zapołožkach pokazał.
• Přidajće +, zo byšće wotpowědniki w stronach pokazał, kotrež sće ze značkami woznamjenił.
• Přidajće %, zo byšće wotpowědniki w tuchwilu wočinjenych rajtarkach pokazał.
• Přidajće #, zo byšće wotpowědniki pokazał, hdźež kóždy pytanski wuraz je dźěl titula abo znački.
• Přidajće $, zo byšće wotpowědniki pokazał, hdźež kóždy pytanski wuraz je dźěl webadresy (URL).
• Přidajće ?, zo byšće pytanske namjety pokazał.

Jeli na přikład stronu pytaće, za kotruž sće zapołožku Pomoc Mozilla Firefox składował, móžeće mozilla zapodać. Wuslědki awtowudospołnjenja so jewja, ale móže być, zo so požadana strona njepokazuje.

Móžeće swoje wuslědki jenož na zapołožki wobmjezować, zapodawajo pytanski wuraz mozilla * abo * mozilla.