Kak Firefox w modusu za rozrisowanje problemow startujeće

Klikńće na menijowe tłóčatko a potom na Pomoc, wubjerće Modus za rozrisowanje problemow… a klikńće na Znowa startować w dialogu Firefox w modusu za rozrisowanje problemow znowa startować?.

Wokno modusa za rozrisowanje problemow

Wubjerće jednu z tuteju móžnosćow:

• Klikńće na tłóčatko Wočinić, zo byšće Firefox ze standardnej drastu startował, waše rozšěrjenja budu znjemóžnjene a někotre druhe funkcije a přiměrjenja runje tak. Tute změny su nachwilne. Hdyž modus za rozrisowanje problemow wopušćeće a Firefox normalnje startujeće, so waše přidatki a druhe nastajenja k stawej wróćeja, w kotrymž běchu, prjedy hač sće k modusej za rozrisowanje problemow přešoł.
• Klikńće na tłóčatko Firefox wobnowić, zo byšće Firefox na swój wuchadny staw wobnowił a swoje najwažniše daty składował. Tute změny su trajne. Prjedy hač tute nastajenje wubjerjeće, hlejće Firefox wobnowić - přidatki a nastajenja wróćo stajić za dalše informacije.

Diagnosticěrowanje problemow w modusu za rozrisowanje problemow

Po tym zo sće Firefox w modusu za rozrisowanje problemow startował, testujće jeho zadźerženje testować a hladać, hač problem je rozrisany.

Problem w modusu za rozrisowanje problemow wustupuje

Jeli problem w modusu za rozrisowanje problemow tež wustupuje, njezawinuje so přez přidatk abo přez jednu z druhich funkcijow a přiměrjenjow, kotrež so w modusu za rozrsiowanje problemow znjemóžnjeja. Druhe móžne zawiny móhli změny być, kotrež su so w nastajenjach Firefox přewjedli a kotrež so w modusu za rozrisowanje problemow njeznjemóžnjeja. Hlejće slědowace nastawki za rozrisanja:

• Problemy Firefox diagnosticěrować a rozrisać
• Nastajenja Firefox za rozrisowanje problemow wróćo stajić

Problem w modusu za rozrisowanje problemow njewustupuje

Jeli problem w modusu za rozrisowanje problemow njewustupuje, zawinuje so zwjetša přez rozšěrjenje, drastu abo hardwarowe pospěšenje. Hlejće tutón nastawk za rozrisanja:

• Problemy z rozšěrjenjemi, drastami a hardwarowym pospěšenjom rozrisać

Modus za rozrisowanje problemow wopušćić

1. Klikńće na meni Firefox a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox a wubjerće Skónčić.
2. Startujće Firefox, kaž to zwjetša činiće.

Što modus za rozrisowanje problemow znjemóžnja?

• Přidatki (rozšěrjenja a drasty)
• Hardwarowe pospěšenje a WebGL
• Nastajenja za wulkosć a poziciju woknow a bóčnicy
• Přiměrjenja z userChrome a userContent
• Kompilowak JavaScript Just-in-time (JIT)

Bazuje na informacijach z nastawka Safe mode (mozillaZine KB)