Rajtarki wam zmóžnjeja wjacore websydła w jednym woknje wočinić a organizować. To zadźěwa přepjelnjenju wašeje wobrazowki a wosnadnja přepinanje mjez sydłami. Tutón nastawk wobjednawa zakłady wo wužiwanju rajtarkow.

Kak móžu nowy rajtark wutworić?

Zo byšće nowy rajtark wutworił, klikńće na tłóčatko „Nowy rajtark“ naprawo wot poslednjeho rajtarka. Zo byšće nowy rajtark wočinił, klikńće na plusowy symbol + naprawo pódla poslednjeho rajtarka. Kursor zjewi so w adresowym polu, zo byšće móhł swoje pytanje abo swój URL zapodać.

Wotkazy w nowym rajtarku wočinić

Hdyž na wotkaz kliknjeće, wočinja so w normalnym padźe w aktualnym rajtarku. Jeli chceće wotkaz město toho w nowym rajtarku wočinić, klikńće prosće z prawej tastuklikńće prosće ze stłóčenej tastu Strg na wotkaz a wubjerće Wotkaz w nowym rajtarku wočinić z kontekstoweho menija.

Kak móžu rajtarki začinić?

Zo byšće rajtark začinił, klikńće prosće na symbol x na rajtarku.

• Móžeće tež tastowu kombinaciju Strg + Wcmd ⌘ + W wužiwać, zo byšće aktualny rajtark začinił.

  

Začinjeny rajtark zaso wočinić

• Móžeće tež tastowu kombinaciju Strg + Umsch + Tcmd ⌘ + Umsch + T wužiwać, zo byšće runje začinjeny rajtark zaso wočinił.

Kak móžu swoje rajtarki organizować?

Porjad rajtarkow změnić

Zo byšće rajtark na druhu poziciju na rajtarkowej lajsće přesunył, ćehńće jón prosće tam z pomocu swojeje myški. Mjeztym zo rajtark ćehnjeće, pokazuje wam mały indikator, hdźež so rajtark dóstanje.

Rajtark do noweho wokna přesunyć

• Zo byšće rajtark do swójskeho wokna přesunył, klikńće na rajtark a ćehńće jón pod rajtarkowu lajstu. Nowe wokno so wočini.
• Jeli chceće rajtark z jednoho wokna do druheho přesunyć, klikńće na rajtark a ćehńće jón na rajtarkowu lajstu druheho wokna Firefox.

Wšě rajtarki pokazać

Jeli sće wjace rajtarkow wočinił hač je městno na rajtarkowej lajsće, so suwanske tłóčatka na kóncu lajsty zjewja. Klikńće na nje, zo byšće rajtarkowu lajstu dolěwa abo doprawa sunył.

Móžeće tež na tłóčatko "Wšě rajtarki nalistować" kliknyć a rajtark, kotryž chceće, z wuběranskeho menija wubrać.

Připjate rajtarki

Připjeće rajtarka wam zmóžnja, swoje najlubše sydła wočinjene a jenož jedne kliknjenje preč dźeržeć. Připjate rajtarki so awtomatisce wočinjeja, hdyž Firefox startujeće. Za dalše informacije wo připjatych rajtarkach hlejće Pinned Tabs - keep favorite websites open and just a click away.

• Zo byšće rajtark připjał, klikńće prosće z prawej tastuklikńće prosće ze stłóčenej tastu Strg na njón a wubjerće Rajtark připinyć.

Rajtarkowe skupiny tworić

Rajtarkowe skupiny (tež jako Panorama znate) su lochka móžnosć, wjele rajtarkow wizuelnje organizować. Móžeće swoje rajtarki do skupinow stajić, mjez tutymi skupinami přepinać a wšě swoje wočinjene rajtarki spěšnje přepytować. Za dalše informacije wo tworjenju a wužiwanju rajtarkowych skupinow hlejće Rajtarkowe skupiny za organizowanje wjele rajtarkow wužiwać.

Rajtarkowe pokiwy

• Zo byšće swoje rajtarkowe nastajenja přiměrił, hlejće wokno NastajenjaNastajenja wotrězk Rajtarki.
• Zo byšće nastajił, kotre rajtarki maja so pokazać, hdyž Firefox startujeće, hlejće Startowu stronu postajić.
• Zo byšće sadźbu rajtarkow naraz jako zapołožki składował, wužiwajće tastowu kombinaciju Strg + Umsch + Dcmd ⌘ + Umsch + D.
  • Za dalše informacije wo zapołožkach hlejće Ze zapołožkami swoje najlubše webstrony składować.
• Zo byšće kombinacije z tastami a myšku wuknył, kotrež přehladowanje pospěšeja, hlejće Tastowe skrótšenki - zwučene nadawki Firefox spěšnje wuwjesć a Use mouse shortcuts to perform common tasks in Firefox.

Problemy z rajtarkami rozrisać

Zo byšće problemy z rajtarkami rozrisał, hlejće:

• Home page with pipe character opens extra tabs when Firefox starts
• Rajtark "Firefox je so zaktualizował" so při kóždym starće pokazuje
• Basic troubleshooting