Rajtarkowe skupiny za organizowanje wjele rajtarkow wužiwać

Tutón nastawk so hižo njewothladuje, jeho wobsah móhł tuž zestarjeny być.

Wažny: Funkcija „Rajtarkowe skupiny“ (Panorama) so we wersiju 45 z Firefox wotstroni. Za dalše informacije hlejće nastawk Wotstronjenje funkcije rajtarkowych skupinow.
Wažny: Funkcija „Rajtarkowe skupiny“ (Panorama) je so z Firefox wotstroniła. Za dalše informacije hlejće nastawk Wotstronjenje funkcije rajtarkowych skupinow.

Rajtarkowe skupiny (tež jako panorama znate) su lochka móžnosć, wjele rajtarkow organizować. Z rajtarkowymi skupinami móžeće přiwuzne rajtarki zeskupjeć, mjez skupinami přešaltować a waše rajtarki spěšnje přepytować. Tutón nastawk da wam z dwanatkami rajtarkow nablaku žonglěrować.

Čehodla měł ja rajtarkowe skupiny wužiwać?

Jeli sće chcyćiwy za rajtarkami, prawidłownje wjace rajtarkow wočinjeće hač do rajtarkoweje lajsty nutř du, su rajtarkowe skupiny prawe za was. Hodźa so tež jara derje za zeskupjenje rajtarkow po nadawku a přešaltowanje mjez nimi. Wupruwujće kroki w zbytnym nastawku – budźeće bórze widźeć, kak wužitne wone su.

Kak móžu rajtarkowu skupinu załožić?

Jeli hišće njejsće z wjele wočinjenymi rajtarkami dźěłał, čińće to nětko.

  1. Zastupće do napohlada rajtarkowych skupinow z pomocu tastoweje kombinacije cmd ⌘ + + EStrg + + E.
  2. Hdyž do napohlada rajtarkowych skupinow prěni raz zastupiće, budźeće přehladne wobrazki wšěch wašich rajtarkow w jednej skupinje widźeć. Zo byšće nowu skupinu załožił, ćehńće prosće jedyn rajtark ze skupiny a potom druhi rajtark nad njón. Kašćik budźe so wokoło njeju rysować.
    • Móžeće dalše rajtarki do teje noweje skupiny ćahnyć a dalše skupiny załožić.
    Creating a tab group create tab group fx29
  3. Hdyž sće hotowy, klikńće prosće na rajtark, zo byšće napohlad skónčił. Wróćiće so do Firefox, rajtark, na kotryž sće kliknył, budźe aktiwny a jenož rajtarki w tej skupinje budu widźomne.
Pokiw: Móžeće swojej symbolowej lajsće tłóčatko rajtarkowych skupinow přidać, zo byšće lóši přistup měł. Hlejće Wodźenske elementy, tłóčatka a symbolowe lajsty w Firefox přiměrić za instrukcije.
Panorama button
panorama fx29

Kak móžu mjez rajtarkowymi skupinami tam a sem přeńć?

Přeńdźenje mjez rajtarkowymi skupinami je lochke. Tłóčće prosće cmd ⌘ + + EStrg + + E , zo byšće do napohlada rajtarkowych skupinow zastupił, klikńće potom na rajtarkowu skupinu, kotruž chceće sej wobhladać. Rajtark, na kotryž sće kliknył, budźe aktiwny a jenož rajtarki w tej skupinje budu widźomne.

  • Móžeće tež tastowu kombinaciju Strg + `Strg + ` wužiwać, zo byšće k přichodnej rajtarkowej skupinje skočił a Strg + + `Strg + + `, zo byšće k předchadnej rajtarkowej skupinje skočił.

Wupruwujće: Rajtarkowe skupiny su super za zeskupjenje rajtarkow po nadawku. Wy móhli na přikład rajtarkowu skupinu wužiwać, zo byšće za darami pytał a druhu, zo byšće swoje zličbowanki online płaćił. Załožće skupiny za wěcy, kotrež zwjetša online činiće a wužiwajće rajtarkowe skupiny, zo byšće mjez nimi přešoł. To je lochka móžnosć, zo byšće so organizował.

Kak móžu swoje rajtarki přepytować?

Namakajće tón rajtark nablaku – je lóšo, hač jehłu w kopjenje namakać.

  1. Zastupće do napohlada rajtarkowych skupinow z pomocu tastoweje kombinacije cmd ⌘ + + EStrg + + E.
  2. Klikńće na pytanske tłóčatko naprawo we woknje, zo byšće pytanske polo zwobraznił a započńće mjeno rajtarka pisać, kotryž pospytujeće namakać.
    • Abo započńće pisać a pytanje so awtomatisce přewjedźe.
  3. Mjeztym zo pisaće, budu so rajtarki, kotrež wašemu pytanju wotpowěduja, wuzběhować. Klikńće prosće na rajtark, zo byšće jón wuzběhnył a so do Firefox wróćił.
    Panorama search panorama search fx29
    • Jeli maće přez jedne wokno Firefox wočinjene, widźiće snano rajtarki z druhich woknow, kotrež wašemu pytanju wotpowěduja a kotrež su deleka we woknje nalistowane. Klikńće na jedyn z nich a přeńdźće k tomu woknu Firefox, rajtarkej a skupinje.

Kak móžu swoje rajtarkowe skupiny organizować?

Rajtarkowe skupiny dadźa so lochko po wulkosći změnić, přerjadować a pomjenować. Hdyž sće hotowy ze skupinu, móžeće ju začinić a wšě jeje rajtarki naraz wotbyć.

Zastupće do napohlada rajtarkowych skupinow z pomocu tastoweje kombinacije cmd ⌘ + + EStrg + + E.

  • Wulkosć rajtarkowych skupinow změnić – Klikńće a ćehńće přimak w prawym delnim róžku skupiny, zo byšće ju powjetšił abo pomjeńšił. Hdyž wulkosć skupiny měnjeće, budu so rajtarki wotpowědnje powjetšeć resp. pomjeńšeć.
    • Jeli skupinu dosć pomjeńšiće, budu so rajtarki jedyn nad druhim staplować. Pod tutym staplom so přehladowe tłóčatko zjewi. Klikńće na přehladowe tłóčatko, zo byšće widźał, kotre rjatarki su w staplu, bjez toho, zo byšće dyrbjał wulkosć skupiny změnić.
  • Rajtarkowe skupiny přerjadować – Klikńće a ćehńće na prózdnym městnje podłu bokow abo deleka na skupinje, zo byšće ju po wobrazowce pohibował.
  • Rajtarkowe skupiny pomjenować – Klikńće pódla wołojnikoweho symbola horjeka na skupinje a zapodajće mjeno za nju. Tłóčće potom abo klikńće na druhe městno wokna.
  • Rajtarkowe skupiny začinić – Kóžda rajtarkowa skupina ma tłóčatko „Začinić“ w hornim prawym róžku. Klikńće na nje a skupina so ze wšěch swojimi rajtarkami začini.
    • Jeli sće rajtarkowu skupinu mylnje začinił, móžeće na tłóčatko Začinjenje skupiny cofnyć kliknyć, zo byšće ju wobnowił, prjedy hač napohlad Panorama wopušćiće.

Připjate rajtarki w rajtarkowych skupinach

Hdyž připjate rajtarki z rajtarkowymi skupinami wužiwaće, reprezentuju so přez swoje sydłowy symbol na prawym boku kóždeje rajtarkoweje skupiny.

App Tabs in Panorama pinned tab groups

Mam problemy

// Tući lubi ludźo su pomhali, tutón nastawk pisać: milupo. Móžeće tež pomhać - zhońće, kak.
Dobrowólnik za pomoc Mozilla