Toś ten nastawk wopisujo, cogodla zmólkowa powěźeńka Toś ten zwisk jo dowěry njegódny móžo se pokazaś, gaž wopytujośo, se k wěstym websedłam (https) w Firefox woglědowaś.

• Za rozwězowanje problemow z wěstymi zwiskami ze zmólkoweju powěźeńku Wěsty zwisk njemóžno, glejśo nastawk Zmólkowu powěźeńku „Wěsty zwisk njemóžny“ wótwónoźeś.

• Za rozwězowanje problemow drugich zmólkowych powěźeńkow, glejśo Websites don't load - troubleshoot and fix error messages.

Certifikaty a identifikacija

Gaž se k websedłoju woglědujośo, kótaregož webadresa se z https zachopina, se waša komunikacija z tym sedłom koděrujo, aby se waša priwatnosć zawěsćiła. Nježli až ze skoděrowaneju komunikaciju zachopijośo, buźo websedło Firefox „certifikat“ prezentěrowaś, aby se identificěrowało.

Certifikat pomaga Firefox póstajiś, lěc sedło, ku kótaremuž se woglědujośo, jo napšawdu sedło, ako kótarež se wudawa. Jolic jo problem z certifikatom, buźośo zmólkowy bok Toś ten zwisk jo dowěry njegódny wiźeś.

Jolic toś ten zmólkowy bok wiźiśo, to absolutnje njegroni, až websedło, ku kótaremuž se woglědujośo, wopytujo was nabarwiś, až jo druge websedło - groni, až Firefox njamóžo identitu websedła wobkšuśiś, a až wy by měł z glědanim pókšacowaś.

Su někotare problemy, kótarež zawinuju, až Firefox certifikat wótpokazujo. Někotare z nich se dołojce we wótrězku Techniske informacije nadrobnje wopisuju.

Cu how wen!

Nejwěsćejše, což móžośo cyniś, jo, na Cu how wen! kliknuś abo k drugemu websedłoju pśejś. Wy njeby měł z websedłom pókšacowaś, snaźkuli znajośo a rozmějośo technisku pśicynu, cogoždla websedło jo wopacnu identifikaciju prezentěrowało a cośo komunikaciju pśez zwisk riskěrowaś, kótaryž jo wótsłuchowanjeju wustajony.

Jolic móžno, wy by měł se z wobsejźarjami websedła do zwiska stajiś a jich wó zmólce informěrowaś.

Techniske informacije

Klikniśo na Techniske drobnostki za dalšne informacije wó tom, cogoždla informacije wó identiśe websedła su njepłaśiwe. Někotare ceste zmólki se dołojce wopisuju.

Certifikat njebuźo płaśiwy až do (datum)

Zmólkowy tekst buźo teke aktualny datum a cas wašogo systema pokazowaś. Jolic to jo wopaki, stajśo swój systemowy zeger na źinsajšny datum a cas (klikniśo dwójcy na zegerowy symbol w nadawkowej rědce Windows), aby problem rozwězał.

Certifikat jo (datum) pśepadnuł

Toś ta zmólka nastawa, gaž jo certifikacija identity websedła jo pśepadnuła.

Zmólkowy tekst buźo teke aktualny datum a cas wašogo systema pokazowaś. Jolic to jo wopaki, stajśo swój systemowy zeger na źinsajšny datum a cas (klikniśo dwójcy na zegerowy symbol na nadawkowej rědce Windows), aby problem rozwězał.

Certifikat njejo dowěry gódny, dokulaž wudawarski certfikat jo njeznaty

Musyśo snaź SSL-skannowanje w swójej wěstotnej softwarje ako Avast, Bitdefender, ESET abo Kaspersky zmóžniś. Wopytajśo toś to nastajenje znjemóžniś. Dalšne drobnostki wó tom su w nastawku pomocy Kak móžośo zmólku „SEC_ERRTOR_UNKNOWN_ISSUER“ na wěstych sedłach rozwězaś k dispozicji.

Certifikat njejo dowěry gódny, dokulž jo se sam signěrował

Samosigněrowane certifikaty šćitaju waše daty pśed wótsłuchowarjami, ale njegronje nic wó tom, chto jo dostawaŕ datow. To jo za intranetne websedła nałog, kótarež njejsu zjawnje k dispoziciji.

Certifikat jo jano płaśiwy za (mě sedła)

Toś ta zmólka dajo wam k wěsći, až identifikacija, kótaraž jo se wam wót sedła pśipósłała, jo pópšawem za druge sedło. Lěcrownož něco, kótarež sćelośo, pśeśiwo wótsłuchowarjam wěste było, dostawaŕ snaź njejo ten, za kótaregož jogo maśo.

Cesta situacija jo, gaž certifikat jo pópšawem za drugi dźěl togo samskego sedła. Sćo se na pśikład k https://pśikład.de woglědał, ale certifikat jo za https://www.přikład.de. Jolic maśo w tom paźe direktny pśistup na https://www.pśikład.de, wy njeby dejał warnowanje dóstaś.

Wobškóźona certifikatowa dataja

Móžośo teke certifikatowe zmólkowe powěźeńki wiźeś, gaž dataja we wašom profilowem zarědniku, kótaraž składujo waše certifikaty ( cert8.db) jo wobškóźona. Wopytajśo toś tu dataja lašowaś, mjaztym až Firefox jo zacynjony, aby ju znowego napórał:

1. Wócyńśo swój profilowy zarědnik:

   • Klikniśo na menijowy tłocašk Wobraz "Fx57menu" njeeksistěrujo., pón na Pomoc a wubjeŕśo Dalšne informacije za rozwězowanje problemowInformacije za rozwězowanje problemow.Wubjeŕśo z menija Pomoc Dalšne informacije za rozwězowanje problemowInformacije za rozwězowanje problemow. Rejtarik Informacije za rozwězowanje problemow se wócynijo.
   • Klikniśo pód wobceŕkom Zakłady nałoženja pódla profilowego zarědnikazarědnika na Zarědnik wócyniśW Finder pokazaśZarědnik wócyniś. Wokno se wócynijo, kótarež waš profilowy zarědnik wopśimujo. Waš profilowy zarědnik se wócynijo.
   Glědajśo: Jolic njamóžośo Firefox wócyniś abo wužywaś, slědujśo instrukcijam w nastawku Waš profil namakaś, mimo až se Firefox wócynja.

2. Klikniśo na meni Firefox a wubjeŕśo Skóńcyś. Klikniśo na meni Firefox górjejce na wobrazowce a wubjeŕśo Firefox skóńcyś.Klikniśo na meni Firefox a wubjeŕśo Skóńcyś.

3. Klikniśo na dataju z mjenim cert8.db.
4. Tłocćo tastu ⌘+Entf.
5. Startujśo Firefox znowego.

Pokaz:cert8.db se napórajo, gaž startujośo Firefox znowego. To jo normalne.

Warnowanja se wobinuś

Wy by měł se warnowanja jano wobinuś, jolic identiśe websedła ako teke integriśe zwiska dowěriśo - samo gaby sedłoju dowěrił, něchten by mógał waš zwisk manipulěrowaś. Pšawne zjawne sedła njebudu was pšosyś, wuwześa zwiskowych pšawidłow pśidaś - njepłaśiwy certifikat móžo znamje za webbok byś, kótaraž wopytujo, was wobšuźiś abo wašu identitu kšadnuś.

1. Klikniśo na warnowańskem boku na Rozměju rizika.
2. Klikniśo na Wuwześe pśidaś…. Dialog „Wěstotne wuwześe pśidaś“ se zjawijo.
3. Cytajśo tekst, kótaryž problemy ze sedłom wopisujo.
4. Klikniśo na Wěstotne wuwześe wobkšuśiś, jolic cośo sedłoju dowěriś.