Zapołožki su wotkazy k webstronam, kotrež wam wosnadnjeja, so k najlubšim stronam wróćić. Tutón nastawk zakłady wujasnja, kak móžeće zapołožki składować a rjadować.

Kak móžu zapołožku za stronu składować?

To je lochko — klikńće prosće na hwěžku!

Zo byšće zapołožku wutworił, klikńće na hwěžkowy symbol w symbolowej lajsće. Hwěžka so módri a zapołožka so za stronu, na kotrejž sće, w rjadowaku Njesortěrowane zapołožkiDruhe zapołožki wutwori. To je wšitko!

Kak móžu mjeno a městno zapołožki změnić?

1. Zo byšće kajkosće swojeje zapołožki wobdźěłał, klikńće druhi raz na hwěžku, zo byšće wokno Tutu zapołožku wobdźěłać wočinił.

   Wobraz "Tutu zapołožku wobdźěłać fx48" njeeksistuje.

   • We woknje Tutu zapołožku wobdźěłać móžeće slědowace kajkosće změnić:
     • Mjeno: To je mjeno, kotrež Firefox za zapołožku w meniju pokazuje.
     • Rjadowak: Wubjerće, do kotreho rjadowaka ma so waša zapołožka składować. Wubjerće jedyn z wuběranskeho menija (na přikład meni zapołožkow abo lajsta zapołožkow). W tutym wuběranskim meniju móžeće tež na Wubrać... kliknyć, zo byšće lisćinu wšěch zapołožkowych rjadowakow pokazał.
     • Znački: Móžeće znački wužiwać, kotrež wam pomhaja, sowje zapołožki přepytować a organizować. Za dalše informacije hlejće Bookmark Tags - Categorize bookmarks to make them easy to find.
2. Klikńce na Dokónčeny, zo byšće wobdźěłowanje skónčił a wokno začinił.

Hdźe móžu swoje zapołožki namakać?

Najwažniše wašnje, stronu namakać, za kotrež sće zapołožku wutworił, je, jeje mjeno do adresoweho pola zapisować. Mjeztym zo zapisujeće, so lisćina websstronow jewi, kotrež sće jako zapołožki składował, ze značku wuhotował a wopytał. Strony ze zapołožkami maja hwěžku pódla sebje. Wšitko, štož dyrbiće činić, je, na jedne ze stronow kliknyć a wona se hnydom začituje. Zo byšće wjace zhonił, hlejće Namjety awtowudospołnjenja adresoweho pola w Firefox.

Kak móžu swoje zapołožki organizować?

Wokno biblioteki wam zmóžnja, wšě waše zapołožki sej wobhladać a organizować.

1. Klikńće na menijowe tłóčatko Wobraz "fx57menu" njeeksistuje., zo byšće menijowe wokno wočinił. Klikńće na Zapołožki a potom na lajstu Zapołožki rjadować deleka.

   

2. Po standardźe so zapołožki w rjadowaku Njesortěrowane zapołožkiDruhe zapołožki składuja. Wubjerće jón w bóčnicy biblioteki, zo byšće zapołožki widźał, kotrež sće wutworił. Klikńće dwójce na zapołožku, zo byšće ju wočinił.

Mjeztym zo maće biblioteku wočinjenu, móžeće tež zapołožki do druhich rjadowakow ćahnyć, na př. meni zapołožkow, kotryž waše zapołožki w meniju pod tłóčatkom zapołožkow pokazuje. Jeli zapołožki rjadowakej lajsta zapołožkow přidaće, budu so na symbolowej lajsće pokazować. Hlejće slědowace nastawki za dalše podrobnosće wo tym, kak móžeće swoju hobersku lisćinu rjadować:

• Waše zapołožki sortěrować, zo byšće te spěšnje namakał, kotrež pytaće
• Rjadowaki zapołožkow za organizowanje wašich zapołožkow wužiwać
• Kak so zapołožka zhaša?

Kak móžu lajstu zapołožkow zmóžnić?

Jeli chceće lajstu zapołožkow wužiwać, móžeće ju na slědowace wašnje zmóžnić:

Tipy a triki

Sće hotowy za wjele wjesela ze zapołožkami? Slědowace nastawki wam pomhaja, najwjace z nich wućahnyć.

• Dźělće zapołožki, rajtarki a wjace z druhim ličakom abo mobilnym gratom: Hlejće Kak zarjaduju Sync na swojim ličaku?
• Wužiwaće wjacore wobhladowaki? Tutón nastawk wam pomha, swoje zapołožki sobu wzać:
  • Daty z druheho wobhladowaka importować
  • Zapołožki zawěsćić, wobnowić a na druhi ličak přenošować