Zapołožki zawěsćić, wobnowić a na druhi ličak přenošować

Firefox awtomatisce zawěsćenske kopije wašich zapołožkow wutworja a składuje poslednje 15 zawěsćenskich kopijow. Tutón nastawk wopisuje, kak móžeće swoje zapołožki ze zawěsćenskich kopijow wobnowić, kotrež Firefox wutworja, kak móžeće swójske zawěsćenskich datajow zapołožkow składować a wobnowić a kak móžeće swoje zapołožki na druhi ličak přenošować.

Zawěsćic a wobnowić

Manuelnje zawěsćić

  1. Klikńće na tłóčatko biblioteki 57 library icon na swojej symbolowej lajsće. (Jeli jo tam njewidźiće, klikńće na menijowe tłóčatko fx57menu a potom na Biblioteka). Klikńće na Zapołožki a potom na lajstu Wšě zapołožki pokazać deleka.
  2. Klikńće we woknje biblioteki na tłóčatko I-B icon pre68 import-export-arrows Importować a zawěsćić a wubjerće potom Zawěsćić....
    Bookmarks Backup 68
  3. Wokno „Datajowe mjeno za zawěsćenje zapołožkow“ so wočinja, wubjerće tam składowanske městno za dataju, kotraž po standardźe bookmarks-"date".json rěka. Desktop je dobre městno, ale móžeće tutu dataju tež na druhim městnje składować, kotrehož adresa hodźi so sej lochko spomjatkować.
  4. Składujće dataju bookmarks-*.json. Wokno „Datajowe mjeno zawěsćenja zapołožkow“ so začini a móžeće wokno biblioteki začinić.

Zapołožki ze zawěsćenskeje dataje wobnowić

Kedźbu: Wobnowjenje zapołožkow ze zawěsćenskeje dataje přepisa aktualnu sadźbu zapołožkow přez zapołožki ze zawěsćenskeje dataje.
  1. Klikńće na tłóčatko biblioteki 57 library icon na swojej symbolowej lajsće. (Jeli jo tam njewidźiće, klikńće na menijowe tłóčatko fx57menu a potom na Biblioteka). Klikńće na Zapołožki a potom na lajstu Wšě zapołožki pokazać deleka.
    Wšě zapołožki pokazać
  2. Klikńće we woknje biblioteki na tłóčatko I-B icon pre68 import-export-arrows Importować a zawěsćić a wubjerće potom Wobnowić.
    Bookmarks Restore 68
  3. Wubjerće zawěsćenje, z kotrehož chceće zapołožki wobnowić:
    • Zapiski z datumom su awtomatiske zawěsćenja.
    • Dataju wubrać... wam zmóžnja, z manuelnje wutworjeneho zawěsćenja wobnowić (hlejće horjeka).
  4. Po tym zo sće zawěsćenje wubrał, budu so waše zapołožki z teje dataje wobnowjeć. Začińće wokno biblioteki.

Zapołožki na druhi ličak přenošować

Firefox Sync wužiwać

Móžeće Firefox Sync wužiwać, zo byšće swoje zapołožki wot jednoho ličaka na druhi ličak přenošować.

Wažny: Firefox Sync so stajnje sam aktualizuje, hdyž zapołožki měnjeće, tak wón woprawdźite zawěsćenje njeje, a njeje ani za to mysleny.

Firefox Sync je najlěpša móžnosć, zo byšće waše zapołožki (a druhe profilowe daty) mjez wšěmi ličakami, kotrež wužiwaće, synchrone dźeržał. Hlejće Kak zarjaduju Sync na swojim ličaku? za dalše informacije a instrukcije wo tym, kak móžeće jón připrawił.

Zawěsćensku dataju zapołožkow wužiwać

Móžeće tež zawěsćensku dataju zapołožkow z jednoho ličaka wužiwać, zo byšće zapołožki na druhim ličaku wobnowił. To je wužitne, hdyž z někajkeje přičiny njemóžeće zapołožki mjez dwěmaj ličakomaj z pomocu Sync synchronizować.

Zawěsćenska dataja zapołožkow móže pak manuelne zawěsćenje (hlejće horjeka) pak jedne z awtomatiskich zawěsćenjow być, kotraž je w profilowym rjadowaku Firefox w podrjadowaku bookmarkbackups. Składujće zawěsćensku dataju zapołožkow na přenošowanskim mediju (na př. na USB-sticku) a kopěrujće ju na desktop (abo na druhe městno) druheho ličaka. Móžeće potom zawěsćenje we woknje biblioteki Firefox wobnowić, wužiwajo menijowy zapisk Dataju wubrać..., kaž horjeka we wotrězku Zapołožki ze zawěsćenskeje dataje wobnowić wopisane.

Je tutón nastawk wužitny był?

Prošu čakajće…

Slědowacy wulkotni ludźo su pomhali, tutón nastawk pisać:

Illustration of hands

Dobrowólnik

Rosće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije