Wodźenske elementy, tłóčatka a symbolowe lajsty w Firefox přiměrić

Wersijowe informacije
  • Wersijowy ID: 300758
  • Wutworjeny:
  • Awtor: milupo
  • Komentar: update
  • Přepruwowany: Haj
  • Přepruwowany:
  • Přepruwowany wot: milupo
  • Je schwaleny? Haj
  • Je to aktualna wersija?
  • Hotowy za přełožowanje:
Žórłowy kod wersije
Wobsah wersije

Su druhe wašnja, na kotrež móžeće Firefox přiměrić, na přikład přidawanje funkcijow Firefox z přidatkami a přiměrjenje strony noweho rajtarka. Móžeće tež wodźenske elementy, tłóčatka a symbolowe lajsty přiměrić. Faluje wam něšto, štož husto wužiwaće? Symbolowa lajsta Firefox da so lochko přiměrić. Je něšto, štož přeco njewužiwaće? Přidajće to přeběžkowemu menijej. Pokazamy wam, kak móžeće to činić.

Přeběžkowy meni abo symbolowu lajstu přiměrić

Móžeće zapiski změnić, kotrež so w přeběžkowym meniju abo swojej symbolowej lajsće jewja.

  1. Klikńće na menijowe tłóčatko Fx89menuButton, potom na Dalše nastroje a wubjerće Symbolowu lajstu přiměrić….
    FxMenu-MoreTools-CustomizeToolbar
    • Wosebity rajtark so wočini, kotryž wam zmóžnja, zapiski do abo z přeběžkoweho menija abo symboloweje lajsty ćahnyć a pušćić. Dźiwajće na to, zo někotre zapiski, kaž na přikład menijowe tłóčatko Fx89menuButton, njedadźa so do přeběžkoweho menija přesunyć. Eksperimentujće prosće. Móžeće přeco započeće, hdyž na tłóčatko Standard wobnowić deleka na wobrazowce klikaće.
    Fx112CustomizeFirefox-winFx112CustomizeFirefox-linuxFx111CustomizeFirefox-mac
  2. Hdyž sće hotowy, klikńće na tłóčatko Dokónčeny.
Pokiw: Druha móžnosć, rajtark „Symbolowu lajstu přiměrić“ w Firefox wočinić: Klikńće z prawej tastu myškiDźeržće tastu ctrl stłóčenu, mjeztym zo klikaće na prózdne městno w rajtarkowej lajsće abo symbolowej lajsće a wubjerće Symbolowu lajstu přiměrić… z kontekstoweho menija.

Titulowu lajstu, menijowu lajstu abo lajstu zapołožkow zmóžnić

  1. Klikńće na menijowe tłóčatko Fx89menuButton, potom na Dalše nastroje a wubjerće Symbolowu lajstu přiměrić….
    • Titulowu lajstu zmóžnić: Stajće hóčku pódla zapiska Titulowa lajsta deleka nalěwo.
    • Menijowu lajstu abo lajstu zapołožkow zmóžnić: Klikńće na wuběranski meni Symbolowe lajsty deleka na wobrazowce a wubjerće symbolowe lajsty, kotrež chcece zwobraznić.
    Fx134-CustomizeToolbars-win
    Pokiw: Lajsta zapołožkow da so na Přeco pokazać, Ženje njepokazać abo Jenož w nowym rajtarku pokazać nastajić.
  2. Klikńće na tłóčatko Dokónčeny.

Titulowu lajstu abo lajstu zapołožkow zmóžnić

  1. Klikńće na menijowe tłóčatko Fx89menuButton, potom na Dalše nastroje a wubjerće Symbolowu lajstu přiměrić….
    • Titulowu lajstu zmóžnić: Stajće hóčku pódla zapiska Titulowa lajsta deleka nalěwo.
    • Lajstu zapołožkow zmóžnić: Klikńće na wuběranski meni Symbolowe lajsty deleka na wobrazowce a wubjerće Lajsta zapołožkow.
    Fx134-CustomizeToolbars-mac
    Pokiw: Lajsta zapołožkow da so na Přeco pokazać, Ženje njepokazać abo Jenož w nowym rajtarku pokazać nastajić.
  2. Klikńće na tłóčatko Dokónčeny.
Pokiw: Móžeće lajstu zapołožkow w menijowej lajsće horjeka na wobrazowce zmóžnić abo znjemóžnić: Klikńće na Napohlad, dźiće k Symbolowe lajsty a wubjerće Lajsta zapołožkow.

Titulowu lajstu, menijowu lajstu abo lajstu zapołožkow zmóžnić

  1. Klikńće na menijowe tłóčatko Fx89menuButton, potom na Dalše nastroje a wubjerće Symbolowu lajstu přiměrić….
    • Titulowu lajstu zmóžnić: Stajće hóčku pódla Titulowa lajsta deleka nalěwo.
  2. Klikńće na wuběranski meni Symbolowe lajsty deleka na wobrazowce a wubjerće symbolowe lajsty, kotrež chceće zwobraznić.
    Fx134-CustomizeToolbars-linuxPokiw: Lajsta zapołožkow da so na Přeco pokazać, Ženje njepokazać abo Jenož w nowym rajtarku pokazać nastajić.
  3. Klikńće na tłóčatko Dokónčeny.

Maće problemy?

Spytajće, standardnu sadźbu tłóčatkow a symbolowych lajstow wobnowić, kliknjo na tłóčatko Standard wobnowić, hdyž sće w přiměrjenskim modusu. Jeli to tutón problem njerozrisuje, spytajće rozrisanja w slědowacymaj nastawkomaj: