Staršu wersiju Firefox instalować

Wersijowe informacije
  • Wersijowy ID: 236293
  • Wutworjeny:
  • Awtor: milupo
  • Komentar: update
  • Přepruwowany: Haj
  • Přepruwowany:
  • Přepruwowany wot: milupo
  • Je schwaleny? Haj
  • Je to aktualna wersija? Ně
  • Hotowy za přełožowanje: Ně
Žórłowy kod wersije
Wobsah wersije
Warnowanje: Firefox nětko škit přećiwo zestopnjowanju wersijow wobsahuje, zo by so wobškodźenje wužiwarskich profilowych datow wobešło. Jeli staršu wersiju instalujeće, dóstanjeće namołwu, nowy profil Firefox załožić.

Jeli je problem z nowej wersiju Firefox, chcedźa snano někotři ludźo na staršu wersiju Firefox wróćo stopnjować, ale my to njedoporučujemy. Najnowša wersija Firefox wěstotne aktualizacije wobsahuje, tohodla wróćostopnjowanje na staršu wersiju napadliwosć na nadběhi powyšuje a zwjetša problem njerozrisuje. Tutón nastawk wam někotre alternatiwy k wróćostopnjowanju a wotkazy na starše wersije Firefox skići, jeli so za to rozsudźeće wróćo stopnjować.

Instalowanje předchadneje wersije najwjace problemow njerozrisuje

Problemy z aktualizaciju so zwjetša přez nowu wersiju Firefox njezawinuje, ale skerje přez aktualizowanski proces. Instalowanje předchadneje wersije njebudźe w najwjace padach pomhać. Hlejće město toho:

Pokiw: Druhe problemy dadźa so z funkciju Fiefox wobnowić rozrisać. Wobnowja standardny staw Firefox a składuje waše najwažniš informacije.

Zawěsćće, zo wěstotna softwara a softwara z poćahom na wěstotu stej dospołnje zaktualizowanej. Někotra wěstotna softwara dyrbi so na nowu wersiju aktualizować, zo by z kóždej aktualizaciju Firefox kompatibelna była.

Opcionalna softwara, kotraž so hromadźe z wěstotnej softwaru dodawa, dyrbi so snano tež aktualizować. Tajka softwara njetrjeba wažna za wěstotu być, móže wšak, jeli je zestarjena, wužiwanju Firefox wadźić abo zawinować, zo Firefox spadnje.

Chcu hišće nišu wersiju — hdźe móžu předchadnu wersiju namakać?

Jeli chceće najebać toho wróćo stopnjować, móžeće zapis staršich wersijow Mozilla z pomocu slědowacych wotkazow wopytać. Prošu dźiwajće na to, zo wužiwanje staršich wersijow móže Firefox njewěsty činić a jeho napadliwosć na nadběhi a wobšudstwa powyšić. Poručamy, zo přeco najnowšu wersiju Firefox wužiwaće.
Warnowanje: Starše wersije Firefox wulke wěstotne riziko woznamjenjeja.
Wažny: Po standardźe Firefox awtomatiske aktualizacije wužiwa. Zo byšće Firefox wot awtomatiskeho aktualizowanja wotdźeržał, po tym zo sće staršu wersiju instalował, dyrbiće swoje aktualizowanske nastajenja Firefox změnić: Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko Fx89menuButton a wubjerće Nastajenja. Dźiće we woknje Powšitkowny k wotrězkej Aktualizacije Firefox.

Alternatiwy za wróćostopnjowanje

Město zo by na staršu, njewěstu wersiju Firefox zestopnjował a swoje aktualizowanske nastajenja změnił, rozwažće tele alternatiwy:

Instalujće wersiju Firefox Extended Support Release. Firefox Extended Support Release (ESR) je oficialna wersija Firefox, kotraž so za wulke organizacije kaž uniwersity a předewzaća wuwiwa, ale da so tež za personalne kompjutery wužiwać. Firefox ESR najnowše funkcije njeskići, wobsahuje wšak najnowše porjedźenja wěstoty a stabilnosće. Za dalše informacije hlejće nastawk Switch to Firefox Extended Support Release (ESR) for personal use.

Wužiwajće najnowšu wersiju druheho wobhladowaka. Jeli z aktualnej wersiju Firefox spokojom njejsće abo prosće tuchwilu njefunguje, su alternatiwne wobhladowaki, kotrež móžeće wužiwać, zo byšće web přehladował.