Staršu wersiju Firefox instalować

Tutón nastawk je snano zestarjeny.

Wažna změna je so na jendźelskim nastawku přewjedła, na kotrymž tutón přełoženy nastawk bazuje. Doniž so tuta strona njeaktualizuje, wam snano to pomha: Install an older version of Firefox

Hdyž je problem z aktualizaciju Firefox, wužiwarjo husto za móžnosću pytaja, so k předchadnej wersiji wróćić. To zwjetša problem njerozrisuje a čini waš ličak napadliwy. Tutón nastawk pokazuje wam někotre alternatiwy k wróćostopnjowanju a podawa wotkazy k starym wersijam Firefox, jeli chceće wróćo stopnjować.

Instalowanje staršeje wersije najwjace problemow njerozrisuje

Problemy z aktualizaciju so zwjetša přez nowu wersiju Firefox njezawinuja, ale skerje přez aktualizowanski proces. Instalowanje staršeje wersije njebudźe w najwjace padach pomhać. Spytajće město toho:

Pokiw: Druhe problemy dadźa so přez funkciju Firefox wobnowić rozrisać. Staja Firefox na jeho standardny staw wróćo a składuje waše najwažniše daty.

Zaručće, zo kóždy zawěsćenski program a programy, kotrež su ze zawěšćenjom zwjazane, so dospołnje aktualizuja. Někotre zawěsćenske programy dyrbja z kóždej nowej wersiju Firefox aktualizować.

Opcionalna softwara, kotraž so ze zawěsćenskej softwaru sobu dodawa, dyrbi so ewentuelnje tež aktualizować. Tajka softwara njeje snano wažna za wěstotu, móže wšak, je-li zestarjena, wužiwanju Firefox wadźić abo spad zawinować.

Chcu hišće wróćostopnjować — hdźe móžu předchadnu wersiju dóstać?

Hačrunjež Mozilla ma websydło ze starymi wersijemi Firefox za testowanske zaměry, njeje radźomne, zo druhu hač najnowšu wersiju wužiwaće.
Warnowanje: Hdyž stare wersije Firefox wužiwaće, bjerjeće njemałe riziko na so.

  • Za wužiwarjow Windows XP SP2: Posledni instalowanski program před Firefox 49,kotryž da so na systemach XP SP2 wuwjesć, je Firefox 43.0.1 (hornjoserbsce).
Wažny: Po standardźe so Firefox awtomatisce aktualizuje. Jeli instalujeće staršu wersiju Firefox, dyrbiće swoje aktualizowanske nastajenja změnić, zo byšće zasoinstalowanju najnowšeje wersije Firefox zadźěwał. Hlejće Rozšěrjene nastajenja - přistupnosć, přehladowanje, syć, aktualizacije a dalše za podrobnosće.

Jeli njemóžeće najnowšu wersiju Firefox wužiwać, poručamy wam, zo najnowšu wersiju druheho wobhladowaka wužiwaće, město zo byšće staršu wersiju instalował a swoje aktualizowanske nastajenja změnił:

Pomhajće nam Firefox polěpšić

Jeli najnowša wersija Firefox problemy zawinuje abo so wam prosće něšto na njej njespodoba, stajće so prošu z nami do zwiska:

// Tući lubi ludźo su pomhali, tutón nastawk pisać: milupo. Móžeće tež pomhać - zhońće, kak.

Je tutón nastawk wužitny był? Prošu čakajće…

Dobrowólnik za pomoc Mozilla