Placki so na wašim ličaku přez websydła składuja, kotrež sće wopytał, a wobsahuja informacije kaž na přikład sydłowe nastajenja abo přizjewjenski status. Tutón nastawk wopisuje, kak móžeće placki Firefox, druhe sydłowe daty a pufrowany webwobsah zhašeć.

• Jeli chceće pufrowak Firefox zhašeć, hlejće Kak móžeće pufrowak wuprózdnić.
• Zo byšće swoje přehladowansku historiju, placki a nachwilu pufrowane dataje naraz zhašał, hlejće Přehladowansku, pytansku a sćehnjensku historiju zhašeć.
• Zo byšće websydła při składowanju plackow na wašim ličaku haćił, hlejće Block websites from storing cookies and site data in Firefox.

Placki za aktualne sydło zhašeć

Zo byšće placki a sydłowe daty za websydło zhašeć, kotrež runje wopytujeće:

1. Klikńće na zamk nalěwo w adresowym polu.

   

2. Klikńće na Placki a sydłowe daty zhašeć….

Placki wěsteho websydła zhašeć

Zo byšće placki za někajke jednotliwe websydło zhašał:

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Wubjerće wokno Priwatnosć a wěstota a dźiće k wotrězkej Placki a sydłowe daty.

   

3. Klikńće na tłóčatko Daty zrjadować…. Dialog Placki a sydłowe daty rjadować so zjewi.
4. Zapisajće do pola Websydła pytać mjeno websydła, kotrehož placki chceće wotstronić. Zapiski, kotrež wašemu pytanju wotpowěduja, so pokazaja.

   

   • Zo byšće wšě placki a składowanske daty za websydło wotstronił, klikńće na Wšě wotstronić.
   • Zo byšće wubrane zapiski wotstronił, wubjerće zapisk a klikńće na Wubrane wotstronić.
5. Klikńće na Změny składować.
6. Klikńće we wobkrućenskim dialogu Placki a daty sydła wotstronić, kotryž so wočini, na W porjadku.
7. Začińće stronu about:preferences.

Zo byšće wjace wo rjadowanju sydłowych datow w Firefox zhonił, hlejće Manage local site storage settings a polěpšene zhašenje plackow.

Pokiw: Móžeće składowy inspektor wužiwać, zo byšće jednotliwe placki za wěste websydło z pomocu kontekstoweho menija wotstronił. Zo byšće składowy inspektor wočinił, dźiće k menijowemu tłóčatku podmeni Webwuwiwar abo tłóčće ⇧ + F9 na tastaturje.

Wšě placki, sydłowe daty a pufrowak zhašeć

1. Klikńće w menijowej lajsće horjeka na wobrazowce na Firefox a wubjerće Nastajenja, (na staršich wersijach macOS Nastajenja).Klikńće na menijowe tłóčatko a wubjerće Nastajenja.
2. Wubjerće wokno Priwatnosć a wěstota a dźiće k wotrězkej Placki a sydłowe daty.
3. Klikńce na tłóčatko Daty zhašeć…. Dialog „Daty zhašeć“ so zjewi.

   

   • Placki a sydłowe daty (zo bychu so přizjewjenski status a sydłowe nastajenja wotstronili) a pufrowany webwobsah (zo bychu so składowane wobrazy, pisma a druhi pufrowany wobsah wotstronili) měli hóčku dóstać.
4. Klikńće na Zhašeć.

Wšě placki zhašeć a druhe daty wobchować

Zo byšće jenož placki zhašal a druhe daty wobchował, čińće tole:

1. Klikńće na menijowe tłóčatko a klikńće na Biblioteka (abo klikńće na tłóčatko biblioteki w symbolowej lajsće).
2. Klikńće na Historija a potom na Aktualnu historiju wuprózdnić….
3. Stajće Časowa doba za wuprózdnjenje: na Wšo.

   

4. Wubjerće Placki a zawěsćće, zo druhe zapiski, kotrež chceće wobchować, wubrane njejsu.
5. Klikńće na Nětko wuprózdnićW porjadku, zo byšće wšě placki zhašał a začińće wokno „Wšu historiju wuprózdnić“.