Placki so na wašim ličaku přez websydła składuja, kotrež sće wopytał, a wobsahuja informacije kaž na přikład sydłowe nastajenja abo přizjewjenski status. Tutón nastawk wopisuje, kak móžeće placki Firefox, druhe sydłowe daty a pufrowany webwobsah zhašeć.

• Jeli chceće pufrowak Firefox zhašeć, hlejće Kak móžeće pufrowak wuprózdnić.
• Zo byšće swoje přehladowansku historiju, placki a nachwilu pufrowane dataje naraz zhašał, hlejće Přehladowansku, pytansku a sćehnjensku historiju zhašeć.
• Zo byšće websydła při składowanju plackow na wašim ličaku haćił, hlejće Block websites from storing cookies and site data in Firefox.

Placki za aktualne sydło zhašeć

1. Klikńće na tłóčatko Info wo stronje zamk nalěwo w adresowym polu.

   

2. Klikńće na Placki a sydłowe daty zhašeć….

Placki wěsteho websydła zhašeć

Zo byšće placki za někajke jednotliwe websydło zhašał:

1. Klikńće na menijowe tłóčatko a wubjerće Nastajenja.Nastajenja.
2. Wubjerće wokno Priwatnosć a wěstota a dźiće k wotrězkej Placki a sydłowe daty.

   

3. Klikńće na tłóčatko Daty zrjadować…. Dialog „Placki a sydłowe daty rjadować“ so zjewi.
4. Zapisajće do pola Websydła pytać mjeno websydła, kotrehož placki chceće wotstronić. Zapiski, kotrež wašemu pytanju wotpowěduja, so pokazaja.

   

   • Zo byšće wšě placki a składowanske daty za websydło wotstronił, klikńće na Wšě wotstronić.
   • Zo byšće wubrane zapiski wotstronił, wubjerće zapisk a klikńće na Wubrane wotstronić.
5. Klikńće na Změny składować.
6. Klikńće we wobkrućenskim dialogu Placki a daty sydła wotstronić, kotryž so wočini, na WotstronićW porjadku.
7. Začińće stronu about:preferences.

Zo byšće wjace wo rjadowanju sydłowych datow w Firefox zhonił, hlejće Manage local site storage settings.

Pokiw: Móžeće placki jednotliweho websydła we wersiji Firefox 60 a starši z pomocu wokna Info wo stronje na rajtarku Wěstota a tłóčatka Placki pokazać wotstronić. Móžeće tež składowy inspektor wužiwać, zo byšće jednotliwe placki za wěste websydło z pomocu kontekstoweho menija wotstronił. Zo byšće składowy inspektor wočinił, dźiće k menijowemu tłóčatku podmeni Webwuwiwar abo tłóčće ⇧ + F9 na tastaturje.

Wšě placki, sydłowe daty a pufrowak zhašeć

1. Klikńće na menijowe tłóčatko a wubjerće Nastajenja.Nastajenja.
2. Wubjerće wokno Priwatnosć a wěstota a dźiće k wotrězkej Placki a sydłowe daty.
3. Klikńce na tłóčatko Daty zhašeć…. Dialog „Daty zhašeć“ so zjewi.

   

   • Placki a sydłowe daty (zo bychu so přizjewjenski status a sydłowe nastajenja wotstronili) a pufrowany webwobsah (zo bychu so składowane wobrazy, pisma a druhi pufrowany wobsah wotstronili) měli hóčku dóstać.
4. Klikńće na Zhašeć.

Wšě placki zhašeć a druhe daty wobchować

Zo byšće jenož placki zhašal a druhe daty wbchował, čińće tole:

1. Klikńće na menijowe tłóčatko a klikńće na Biblioteka (abo klikńće na tłóčatko biblioteki w symbolowej lajsće).
2. Klikńće na Historija a potom na Aktualnu historiju wuprózdnić….
3. Stajće Časowa doba za wuprózdnjenje: na Wšo (jeli lisćinu zapiskow historije njewidźiće, klikńće na šipk pódla Podrobnosće, zo byšće lisćinu pokazał).

   

4. Wubjerće Placki a zawěsćće, zo druhe zapiski, kotrež chceće wobchować, wubrane njejsu.
5. Klikńće na Nětko wuprózdnić, zo byšće wšě placki zhašał a začińće wokno „Wšu historiju wuprózdnić“.