Firefox na Mac sćahnyć a instalować

Wersijowe informacije
  • Wersijowy ID: 229583
  • Wutworjeny:
  • Awtor: milupo
  • Komentar: update
  • Přepruwowany: Haj
  • Přepruwowany:
  • Přepruwowany wot: milupo
  • Je schwaleny? Haj
  • Je to aktualna wersija? Ně
  • Hotowy za přełožowanje: Ně
Žórłowy kod wersije
Wobsah wersije

Tutón nastawk wujasnja, kak móžeće Firefox na Mac sćahnyć a instalować.

Kedźbu: Tutón nastawk jenož za Mac płaći. Za instrukcije, kak móžeće Firefox na Windows instalować, hlejće Firefox na Windows sćahnyć a instalować.Za instrukcije, kak móžeće Firefox na Linux instalować, hlejće Firefox na Linux instalować.
Zawěsćće, zo Mac systemowym potrěbnosćam za Firefox wotpowěduje.

Jeli staru wersiju OS X wužiwaće, čitajće slědowacej nastawkaj za dalše informacije:

Kedźbu: wersija 83 Firefox a nowša ličaki Mac na zakładźe Intel (x86-architektura) a graty Apple z nowym CPU na zakładźe ARM (Apple Silicon) podpěruja. Firefox 83 na nowych gratach Apple Silicon z emulaciskej softwaru Apple Rosetta 2 běži a tak móža spěšnosće wukona ćerpjeć. Firefox 84 a nowše wersije bjez emulacije běža.

Firefox na Mac instalować

Zo byšće Firefox sćahnył a instalował:

  1. Wopytajće sćehnjensku stronu Firefox w někajkim wobhladowaku (na přikład Safari). Namaka awtomatisce platformu a rěč na wašim ličaku a doporuči najlěpšu wersiju Firefox za was.
  2. Klikńće na tłóčatko Firefox sćahnyć.
  3. Hdyž sćehnjenje je dokónčene, móže so dataja (Firefox.dmg) sama wočinić a wokno Finder měło wuskakować, kotrež nałoženje Firefox wobsahuje. Sćehńće symbol Firefox do programoweho rjadowaka, zo byšće jón tam kopěrował.
    Install Firefox on Mac 1
    Pokiw: Jeli wokno njewidźiće, wočińće dataju Firefox.dmg, kotruž sće sćahnył.
  4. Po tym zo sće Firefox do programoweho rjadowaka ćahnył, dźeržće tastu ctrl stłóčenu, mjeztym zo do wokna kliknjeće a „Firefox“ auswerfen z menija wuběraće.
    Install Firefox on Mac 2
Dokónčće kroki horjeka, prjedy hač Firefox startujeće. Njestartujće Firefox direktnje z dataje Firefox.dmg abo ćehńće symbol direktnje na swój desktop, zo byšće jen instalował, dokelž to móže k problemam kaž zhubjenje datow a nastajenjow wjesć.

Pokiw: Za locki přistup móžeće Firefox dokej přidać. Wočińće prosće swój rjadowak „Anwendungen“ a ćehńće Firefox do doka.

Dragging Firefox to Dock

Firefox je nětko hotowy k wužiwanju. Klikńće na jeho symbol w doku abo rjadowaku „Anwendungen“, zo byšće jón startował.

Firefox prěni raz startować

Hdyž Firefox prěni raz startujeće, dóstanjeće warnowanje, zo waš Firefox je so z interneta sćahnył. Dokelž sće Firefox wot oficielneho sydła sćahnył, klikńće na Öffnen.

Firefox Downloaded Security Check Mac 10.15

Při instalaciji Firefox njebudźe waš standardny wobhladowak a dóstanjeće zdźělenku wo tym. To rěka, zo so Firefox njewočini, hdyž wotkaz w swojim e-mejlowym nałoženju, internetnym zwisku abo HTML-dokumenće wočinjeće. Jeli chceće Firefox jako standardny wobhladowak wužiwać, klikńće na Firefox jako standardny wobhladowak wužiwać. Jeli Firefox jenož wupruwujeće abo prosće nochceće jón jako standardny wobhladowak nastajić, klikńće na Nic nětko.

Firefox 72 as Default Browser Mac