Wjele distribucijow Linux Firefox sobu přinjese, kotryž je so přez jich paketowy zrjadowak do toho instalował a so jako standardny wobhladowak nastajił. Jeli wšak dybiće Firefox w Linux z druhej metodu instalować, slědowacy nawod wam wšelake alternatiwne móžnosće pokaza, zo byšće Firefox na Linux sćahnył a instalował.

.deb-paket Firefox za distribucije na zakładźe Debiana instalować (doporučene)

Zo byšće paket .deb přez repozitorij API instalował, čińće tole:

1. Załožće zapis, zo byšće kluče repozitorija API składował, jeli njeeksistuje:

   sudo install -d -m 0755 /etc/apt/keyrings

2. Importujće signowanski kluč repozitorija Mozilla APT:

   wget -q https://packages.mozilla.org/apt/repo-signing-key.gpg -O- | sudo tee /etc/apt/keyrings/packages.mozilla.org.asc > /dev/null

   Jeli njejsće wget instalował, móžeće jón instalować z: sudo apt-get install wget

3. Porstowy wotćišć měł 35BAA0B33E9EB396F59CA838C0BA5CE6DC6315A3 być. Móžeće jón ze slědowacym přikazom přepruwować:

   gpg -n -q --import --import-options import-show /etc/apt/keyrings/packages.mozilla.org.asc | awk '/pub/{getline; gsub(/^ +| +$/,""); if($0 == "35BAA0B33E9EB396F59CA838C0BA5CE6DC6315A3") print "\nThe key fingerprint matches ("$0").\n"; else print "\nVerification failed: the fingerprint ("$0") does not match the expected one.\n"}'

4. Přidajće potom swojej lisćinje žórłow repozitorij Mozilla APT:

   echo "deb [signed-by=/etc/apt/keyrings/packages.mozilla.org.asc] https://packages.mozilla.org/apt mozilla main" | sudo tee -a /etc/apt/sources.list.d/mozilla.list > /dev/null

5. Konfigurujće APT, zo byšće pakety z repozitorija Mozilla priorizował:

   echo '

   Package: *

   Pin: origin packages.mozilla.org

   Pin-Priority: 1000

   ' | sudo tee /etc/apt/preferences.d/mozilla

6. Aktualizujće lisćinu swojeho paketa a instalujće firefox (abo firefox-esr, -beta, -nightly abo -devedition):

   sudo apt-get update && sudo apt-get install firefox

Rozdźělne rěče w Firefox z .deb-datajemi konfigurować

Za tych z was, kotřiž chcedźa Firefox w druhej rěči hač ameriska jendźelšćina wužiwać, smy tež pakety .deb wutworili, kotrež rěčne pakćiki za Firefox wobsahuja. Zo byšće wěsty rěčny pakćik instalował, wuměńće hsb w slědowacym přikładźe přez požadany rěčny kod:

sudo apt-get install firefox-l10n-hsb

Zo byšće wšě rěčne pakćiki nalistował, kotrež su k dispoziciji, móžeće slědowacy přikaz wužiwać, po tym zo sće repozitorij Mozilla APT přidał a sudo apt-get update wuwjedł:

apt-cache search firefox-l10n

Přenjesenje datow

Jeli sće do toho Snap abo Flatpak wužiwał, dyrbiće swój profil importować. Stej dwě móžnosći, zo byšće to činił. Móžeće jednu z tuteju metodow wužiwać:

• Metoda 1: Konfigurujće Sync. Za instrukciju hlejće Kak zarjaduju Sync na swojim ličaku?
• Metoda 2: Kopěrujće eksistowace dataje na swój ličak. Zawěsćće, zo wšě kopije Firefox na wašim ličaku su dospołnje začinjene, prjedy tole činiće:
  • Flatpak:
    mkdir -p ~/.mozilla/firefox/ && cp -a ~/.var/app/org.mozilla.firefox/.mozilla/firefox/* ~/.mozilla/firefox/
  • Snap:
    mkdir -p ~/.mozilla/firefox/ && cp -a ~/snap/firefox/common/.mozilla/firefox/* ~/.mozilla/firefox/

Startujće we woběmaj padomaj Firefox z přikazom firefox -P z terminala, hdyž sće profile přesunył. Wubjerće požadany profil. Po tutej spočatnej konfiguraciji přikaz -P hižo trěbny njeje.

Z paketowym zrjadowakom wašeje distribucije instalować

Zo byšće Firefox z pomocu paketoweho zrjdowaka swojeje distribucije instalował, čitajće prošu dokumentaciju swojeje distribucije Linux.

Tuta metoda so doporučuje, dokelž zawěsća, zo so Firefox a wšě trěbne biblioteki instaluja a optimalnje za wašu distribuciju konfiguruja. Ale budźe snano małe zadźerženje mjez oficielnym wozjewjenjom noweje wersije Firefox a wokomikom, hdyž waša distribucija wersiju, kotruž rozdźěluje, aktualizuje. Waša distribucija móže ju tež bjez tworoweho znamjenja Firefox rozdźělować abo jenož ESR rozdźělować.

Z Flatpak instalować

Zo byšće Firefox z Flatpak instalował, instalujće a konfigurujće Flatpak na swojim ličaku. Hdyž Flatpak je zainstalowany, dźiće k stronje Flathub Firefox a klikńće na tłóčatko Instalować. Móžeće město toho tež slědowacy přikaz do terminala zapodać:

flatpak install flathub org.mozilla.firefox

Po standardźe Flatpak Firefox w rěči dźěłoweho systema instaluje. Zo byšće druhu rěč wužiwał, čitajće slědowace instrukcije wo tym, kak móžeće Firefox w druhej rěči wužiwać.

Ze Snap instalować

Zo byšće Firefox ze Snap instalował, instalujće Snap na swojim ličaku. Hdyž Snap je zainstalowany, dźiće k stronje Snapcraft Store Firefox, klikńće na tłóčatko Instalować a čitajće instrukcije. Móžeće město toho tež slědowacy přikaz do terminala zapodać:

sudo snap install firefox

Jeli k dispoziciji Snap Firefox w rěči dźěłoweho systema instaluje. Zo byšće druhu rěč wužiwał, čitajće prošu instrukcije wo tym, kak móžeće Firefox w druhej rěči wužiwać.

Firefox z wersijow Mozilla instalować

Prjedy hač Firefox z wersije Mozilla instalujeće, zawěsćće, zo trěbne biblioteki su na wašim ličaku zainstalowane. Falowace abo inkompatibelne biblioteki móža k tomu wjesć, zo Firefox wužiwajomny njeje.

Systemowa instalacija Firefox (za nazhonjenych wužiwarjow)

1. Dźiće k sćehnjenskej stronje Firefox a klikńće na Sćehnjenje za Linux 32-bitowy abo Sćehnjenje za Linux 64-bitowy.
2. Wočińće terminal a dźiće do rjadowaka, hdźež sće swoje sćehnjenje składował. Na přikład:

   cd ~/Downloads

   Ekstrahujće wobsah ze sćehnjeneje dataje a pisajće:

   tar xjf firefox-*.tar.bz2

   
   Slědowace přikazy dyrbja so jako root wuwjesć, abo ze sudo před nimi.

3. Přesuńće njekomprimowany rjadowak Firefox do /opt:

   mv firefox /opt

4. Wutworće symlink k wuwjedźomnej dataji Firefox:

   ln -s /opt/firefox/firefox /usr/local/bin/firefox

5. Sćehńće kopiju desktopoweje dataje:

   wget https://raw.githubusercontent.com/mozilla/sumo-kb/main/install-firefox-linux/firefox.desktop -P /usr/local/share/applications

Abo, jeli wget na wašim ličaku zainstalowany njeje, dźiće k URL, kotryž je horjeka naspomnjeny, klikńće z prawej tastu na stronu, zo byšće kontekstowy meni wočinił a wubjerće Stronu składować jako. Po tym zo sće dataju sćahnył, přesuńće ju do /usr/local/share/applications.

Zo byšće přepruwował, hač instalacija bě wuspěšna, móžeće stronu Informacije wo rozrisanju problemow wočinić. We wotrězku Zakłady nałoženja měła hódnota linki Nałoženska binarna dataja /opt/firefox/firefox-bin być.

Lokalna instalacija Firefox w konće wužiwarja

1. Dźiće k sćehnjenskej stronje Firefox a klikńće na tłóčatko Nětko sćahnyć.
   • Móžeće tež na wotkaz Druhu platformu abo rěč sćahnyć pod tym tłóčatkom kliknyć, zo byšće druhu wersiju wubrał: Nightly, Beta, Developer abo ESR.
2. Wočińće terminal a dźiće k rjadowakej, hdźež sće swoje sćehnjenje składował. Na přikład:

   cd ~/Downloads

3. Ekstrahujće wobsah sćehnjeneje dataje. To rjadowak z mjenom firefox wutwori. Po tym móžeće archiw zhašeć:

   tar xjf firefox-*.tar.bz2
rm firefox-*.tar.bz2

4. Jeli specifisku wersiju sćahnył, chceće snano njekomprimowany rjadowak wotpowědnje přemjenować. Na přikład:

   mv firefox firefox-nightly

5. Móžeće njekomprimowany rjadowak w swojim sćehnjenskim rjadowaku wostajić abo jón do druheho městna w swojim konće přesunyć. Na přikład:

   mv firefox ~/firefox

6. Firefox je nětko hotowy za wužiwanje. Móžeće jón direktnje z terminala wuwjesć:

   ~/firefox/firefox &

7. Wutworće desktopowe zwjazanje. (To móže we wašej distribuciji Linux hinak być.)
   • Klikńće z prawej tastu na desktop a wubjerće Starter erstellen z kontekstoweho menija.
   • Móžeće tež tole do terminala zapodać:

     ln -s ~/firefox/firefox ~/Desktop/

   • Symbol za desktopowe zwjazanje so w ~/firefox/browser/chrome/icons/default/ namaka

Warnowanje wo wěstotnych funkcijach

W někotrych distribucijach Linux widźiće snano zdźělenku, zo Někotre wěstotne funkcije Firefox na wašim aktualnym dźěłowym systemje mjenje škita skića. Zo byšće wjace zhonił, hlejće Warnowanje wo wěstotnych funkcijach Firefox na Linux.