Firefox sej wužaduje, zo so přidatki digitalnje wot Mozilla signuja, prjedy hač dadźa so instalować. Tutón proces pomha, was před škódnymi přidatkami škitać, kotrež móhli waš wobhladowak kaprować, informacije kradnyć abo njewitane wabjenje zasadźić.

Wěmy, zo někotři wužwarjo měnja, zo to jich wólbnu swobodu wobmjezuje. Hačrunjež prawidła w standardnych wersijach Firefox opcionalne njejsu, maće hišće kontrolu nad tym, kotre signowanje přidatki maja so instalować a wuwiwarjo maja jasne směrnicy, zo bychu swoje přidatki signowane dóstali.

Tutón nastawk:

• Čehodla so signowanje přidatkow wunuzuje
• Kotre přidatki dyrbja so signować
• Što so stawa, jeli přidatk je njesignowany
• Móžnosće za nazhonjenych wužiwarjow a wuwiwarjow

Je přeco wjace přidatkow, kotrež móža nastajenja wašeho wobhladowaka bjez wašeje dowolnosće změnić abo waše daty kradnyć. Někotre přidatki móža njewitane symbolowe lajsty abo tłóčatka přidać, waše pytanske nastajenja změnić abo wabjenje do wašeho ličaka injicěrować. Firefox nětko přepruwuje, hač přidatki, kotrež instalujeće, su wot Mozilla digitalnje signowane. Tutón nastawk wujasnja funkciju signowanje přidatkow a kak funguje.

Što je signowanje přidatkow?

Přidatki mócne móžnosće za přiměrjenje Firefox skića. Ale w zańdźenych lětach běchu škódne abo jebarske přidatki dźeń a huste. To móhło:

• wašu startowu stronu abo pytanske nastajenja bjez wašeho přizwolenja změnić
• wabjenje, přesćěhowaki abo symbolowe lajsty do stronow zasadźić
• přehladowanske daty abo přizjewjenske daty kradnyć

Zo by tute rizika redukował, Mozilla přidatki přepruwuje a digitalnu signaturu nałožuje. Jenož signowane přidatki dadźa so w kónčnych wersijach Firefox wuwjesć.

Wšě přidatki, kotrež su na addons.mozilla.org, dyrbja tutón proces přeběžeć, zo bychu so signowali. Přidatki z druhich sydłow dyrbja samsnym směrnicam sćěhować, zo bychu so wot Mozilla signowali.

Kotre přidatki dyrbja so signować

Slědowace dyrbja so signować:

• Rozšěrjenja (přidatki, kotrež Firefox funkcije přidawaja)
• Drasty (přidatki, kotrež wizuelne zwonkowne Firefox změnja)
• Rěčne pakćiki

Slědowace signowanje njetrjebaja:

• Tykače
• Pytawy

Što so stawa, hdyž njesignowany přidatk instalujeće

• Firefox instalaciju njesignowanych přidatkow blokuje.
• Jeli sće hižo jedyn přidatk instalował, Firefox jón awtomatisce znjemóžni a pokazuje zdźělenku w zrjadowaku přidatkow.
• Jeli signowana wersija eksistuje, móžeće ju wot oficielneho sydła přidatkow Firefox znowa instalować.

Jeli Firefox waše přidatki znjemóžnja

1. Aktualizacije pytać: Zawěsćće, zo najnowšu wersiju Firefox wužiwaće. Zestarjena wersija móže zawinować, zo so přepruwowanje přidatkow njeradźi.
   • Hlejće: Firefox na najnowšu wersiju aktualizować.
2. Signowane wersije pytać: Wopytajće addons.mozilla.org (AMO), zo byšće hladał, hač wuwiwar je zaktualizowanu wersiju wozjewił.
3. Wuwiwarja skontaktować: Jeli signowana wersija njeeksistuje, móžeće so z wuwiwarjom do zwiska stajić a jeho prosyć, zo swój přidatk za signowanje zapodawa.

Kotre su moje móžnosće, jeli chcu njesignowany přidatk wužiwać? (nazhonjeni wužiwarjo)

Standardne wersije Firefox njesignowane přidatki njedowoleja. Ale su wosebite wersije Firefox, kotrež wjace fleksibelnosće skića:

• Firefox Extended Support Release (ESR): Někotre wersije su přepisanja dowolili, ale najnowše wersije ESR tež signowanje wunuzuja.
• Firefox Developer Edition a Nightly: Móžeće signowanske přepruwanja za testowanje znjemóžnić.
• Bjezmarkowe wersije Firefox: Tute wersije zmóžnjeja, signaturowu winowatosć znjemóžnić, ale su předewšěm za wuwiwarjow a organizacije myslene.

Zo byšće nastajenje signaturoweje winowatosće w podpěranych wersijach změnił:

1. Zapodajće about:config do adresoweho pola a tłóčće Enter.
2. Klikńće na Riziko akceptować a pokročować.
3. Pytajće za:
   • xpinstall.signatures.required (rozšěrjenja)
   • extensions.langpacks.signatures.required (rěčne pakćiki)
4. Stajće nastajenje na false.

Za wuwiwarjow

Jeli sće wuwiwar přidatka:

• Wšě přidatki dyrbja so za signowanje zapodać, samo hdyž je zwonka addons.mozilla.org (AMO) rozšěrjujeće.
• Signowanje zaručuje, zo waš přidatk zakładne wěstotne přepruwowanja přeběži.
• Hlejće: Signing and distributing your add-on a Review Policies.

Wužiwarska awtonomija a filozofija Mozilla

Rozumimy, zo někotři wužiwarjo sej jara přeja, zo móža software na swojim ličaku instalować. Mozilla tutu awtonomiju ze zamołwitosću wotwažuje, zo by najwjace wužiwarjow před škódnymi přidatkami škitał.

Mjeztym zo so njesignowane přidatki w kónčnych wersijach njepodpěruja, móža nazhonjeni wužiwarjo a wuwiwarjo hišće wosebite wersije Firefox wužiwać, zo bychu signowanje wobešli. Tute wašnje postupowanja wjetšinu wužiwarjow škita, wostaja wšak tym fleksibelnosć, kotřiž ju chcedźa.

Podobne nastawki

• Problemy z rozšěrjenjemi, drastami a hardwarowym pospěšenjom rozrisać
• Konfiguraciski editor za Firefox
• Firefox na najnowšu wersiju aktualizować