Pytańske naraźenja w pytańskem pólu Firefox wužywaś

Toś ten nastawk wěcej se njewótwardujo, jogo wopśimjeśe by mógło pótakem zestarjony byś.

Pytańske naraźenja wam pomagaju, wuraze namakaś, za kótarymiž južo druge wužywarje su pytali. Pytańske naraźenja póbituju se pśez pytnice (na pśikład Google, Yahoo atd.), nic pśez Firefox. Firefox jan wótwołujo pytańske naraźenja z pytnicow a zwobraznjujo lisćinu, aby was pśi wuběranju pytańskego wuraza pódpěrał, kótaryž južo druge wužywarje su swětodaloko wužywali.

Pytańske naraźenja zmóžniś abo znjemóžniś

Pśez pytańske pólo

Aby pytańske naraźenja pśez pytańske pólo zmóžnił abo znjemóžnił:

  1. Klikniśo z pšaweju myškoweju tastuŹaržćo tastu ctrl tłoconu, a klikniśo na pytańske pólo.
  2. Jolic kokulka jo pódla zapiska Naraźenja pokazaś, su pytańske naraźenja tuchylu zmóžnjone. Klikniśo zasej na njen, aby kokulku pśidał abo wótpórał.
    Naraźenja pokazaś

Pśez zastojnik pytnicow

Aby pytańske naraźenja pśez zastojnik pytnicow zmóžnił abo znjemóžnił:

  1. Klikniśo na menijowy tłocašk Wobraz "new fx menu" njeeksistěrujo. a pótom na NastajenjaNastajenjaNastajenja w menijowem woknje
  2. Klikniśo na wótrězk Pytaś.
  3. Klikniśo na Pytańske naraźenja pódaś, aby pytańske naraźenja w pytańskem polu zmóžnił abo znjemóžnił.
    search suggestions 38search suggestion win 10Wobraz "Nastajenja pytaś naraźenja pódaś" njeeksistěrujo.search sug settings 43
  • Pytańske naraźenja we wuslědkach adresowego póla pokazaś.

Gaž pytańske naraźenja su zmóžnjone, wubjeŕśo toś to nastajenje, aby pytańske naraźenja teke we wuslědkach zapśimjeś, kótarež se nalicyju, gaž pytaśo z adresowego póla Firefox.

Pytańske naraźenja wužywaś

Aby pytańske naraźenja wužywał, zachopśo do pytańskego póla pisaś a Firefox buźo lisćinu pytańskich naraźenjow ze standardneje pytnice prezentěrowaś, sortěrowanych we wustupujucem slěźe pó relewancy.

  1. Pytańske naraźenja pytańske pólo 1

Aby pytański wuraz z naraźenjow wubrał, klikniśo na njen.

  • Alternatiwnje móžośo tasće a wužywaś, aby w lisćinje nawigěrował, a tłocćo , gaž póžedane naraźenje se wuzwigujo.

Kak mógu mjazy pytańskimi naraźenjami a wuslědkami pytańskeje historije rozeznawaś?

Pytańske naraźenja su woblubowane pytanja a póbituju se pśez pytnice, mjaztym až wuslědki pytańskeje historije póbituju se pśez Firefox a bazěruju na swójskich pytanjach do togo. Glejśo Awtomatiske wudopołnjowanje formularow za dalšne informacije wó funkciji awtowudopołnjenja Firefox.

Gaž pśewjeźośo pytanje, buźo lisćina pytańske naraźenja (jolic zmóžnjone) ze standardneje pytnice ako teke zapiski z pytańskeje historije pokazowaś (jolic zmóžnjone). Symbol pytańskeje historije history icon rozeznawa waše pytanja do togo wót pytańskich naraźenjow:

Pytańske naraźenja pytańske pólo 2

Firefox wufiltrujo te zapiski z pytańskich naraźenjow, kótarež sćo južo wubrał, a pokazujo jano te w lisćinje skłaźonych pytańskich wurazow, tak až prezentěrowana lisćina njewopśimujo žedne dwójne zapśimjeśa.

Cogodla pytańske naraźenja se njepokazuju

W někotarych padach se pytańske naraźenja njepokazuju, lěcrownož sćo je zmóžnił. To móžo někotare pśicyny měś:

Wubrana pytnica njepóbitujo słužbu pytańskich naraźenjow

Nic wšykne pytnice póbituju pytańske naraźenja. How jo lisćina pytnicow, kótarež Firefox wopśimujo pó standarźe a kótarež pódpěraju pytańske naraźenja:

  • Google
  • Yahoo
  • Bing
  • Amazon.de
  • DuckDuckGO
  • eBay
  • LEO (en-de)
  • Wikipedia (dsb)

Druge pytnice, kótarež cośo snaź pśidaś, pódpěraju pytańske naraźenja abo teke nic. Nejlažčejša wašnja, zwěsćiś, lěc pytnica pódpěra pytańske naraźenja, jo, až wuběraśo póžedanu pytnicu, zapisujośo wuraz, wó kótaremž se mysliśo, až pytnica pódawa za njen naraźenja a cakaśo wokognuśe, aby glědał, lěc pytańske naraźenja se pokazuju abo nic.

Zapódany pytański wuraz jo pśespecifiski

Wótergi jo pytański wuraz, kótaryž sćo zapódał, pśespecifiski abo jadnorazowy (na pśikład „nastawk pomocy firefox wó pytańskich naraźenjach“) abo jadnorje njepłaśiwy (na př. „dsjkyfsdakjfdjsyfyf“). Wótergi pytnica njamóžo naraźenja za zapódany wuraz pódaś.

Jo problem z wašym internetnym zwiskom

W slězynje musy Firefox z websedłom pytnice zwězaś a lisćinu naraźenjow dynamiski pominaś, gaž zapódawaśo pytański wuraz. Jolic maśo problem z internetnym zwiskom, Firefox njamóžo toś tu akciju wuwjasć, tak až pytańske naraźenja njestoje k dispozicji.

Slědujuce wjelicne luźe su pomogli, toś ten nastawk pisaś:

Illustration of hands

Dobrowólnik

Rosćo a źělśo swóju kompetencu z drugimi. Wótegrońśo na pšašanja a pólěpšćo našu wědowu datowu banku.

Dalšne informacije