Skupiny rajtarkow w Firefox wam zmóžnjeja, waše rajtarki w separatnych, popisanych skupinach organizować. To wosnadnja, słužbne, wosobinske abo slědźenske přehladowanje rjadować, bjeztoho zo byšće wosebite wokna wočinił. Njetrjebaće přidatk, dokelž funkcija je za wšěch wužiwarjow zatwarjena, započinajo z Firefox 141 na desktopje.

Skupinu rajtarkow wutworić

1. Wubjerće rajtark ze swojeje lajsty rajtarkow (pak z wertikalneje pak z horicontalneje).
2. Ćehńće rajtark na druhi rajtark, čakajće, doniž wuzběhnjeny wobłuk njewidźiće a pušćće potom rajtark.
3. Maće potom móžnosć, skupinu pomjenować a barbu wubrać. To móžeće kóždy čas činić.

Lajsta rajtarkow skupinu z jeje popisom a rajtarkami hromadźe pokazuje, z barbu skupiny podšmórnjena abo z barbojtej liniju na kromje, jeli wertikalne rajtarki wužiwaće. Móžeće popis skupiny wubrać, zo byšće rajtarki w skupinje rajtarkow schował abo jón znowa wubrać, zo byšće rajtarki w njej pokazał.

Skupinje rajtarkow rajtark přidać

Jeli hišće skupiny rajtarkow nimaće: Klikńće z prawej tastu myškiDźeržće tastu ctrl stłóčenu, mjeztym zo klikaće na rajtark a wubjerće Rajtark nowej skupinje přidać. Budźeće wokno widźeć, hdźež móžeće skupinu pomjenować a barbu wubrać. Tuchwilu skupina jenož tón rajtark ma.

Jeli hižo skupiny maće: Klikńće z prawej tastu myškiDźeržće tastu ctrl stłóčenu, mjeztym zo klikaće na rajtark a wubjerće Skupinje rajtark přidać, zo byšće nastajenja widźał. Wubjerće pak Nowa skupina, zo byšće nowu skupinu wutworił, pak eksistowacu skupinu. Móžeće tež prosće rajtark do wočinjeneje skupiny na lajsće rajtarkow ćahnyć.

Rajtark ze skupiny rajtarkow wotstronić

Klikńće z prawej tastu myškiDźeržće tastu ctrl stłóčenu, mjeztym zo klikaće na rajtark w skupinje a wubjerće Ze skupiny wotstronić. Móžeće tež rajtark wubrać, kotryž chceće ze skupiny wotstronić a jón ze skupiny won na druhu poziciju w lajsće rajtarkow ćahnyć.

Hdyž wšě rajtarki ze skupiny wotstronjeće, so skupina rajtarkow zhaša.

Rajtark z jedneje do druheje skupiny přesunyć

Klikńće z prawej tastu myškiDźeržće tastu ctrl stłóčenu, mjeztym zo klikaće na rajtark, wubjerće Skupinje rajtark přidać a potom druhu eksistowacu skupinu. Móžeće tež prosće rajtark do druheje wočinjeneje skupiny w lajsće rajtarkow ćahnyć.

Skupinu rajtarkow rjadować

Klikńće z prawej tastu myškiDźeržće tastu ctrl stłóčenu, mjeztym zo klikaće popis skupiny, zo byšće nastajenja za tutu skupinu rajtarkow widźał:

• Móžeće mjeno a barbu za tutu skupinu rajtarkow změnić.
• Nowy rajtark w skupinje wubranej skupinje nowy rajtark přidawa.
• Skupinu do noweho wokna přesunyć tutu skupinu w nowym woknje Firefox wočini.
• Móžeće tłóčatko Składować a skupinu začinić wubrać, kotrež skupinu składuje a začinja, zo byšće móhł ju zaso ze symbolom Wšě rajtarki nalistować na lajsće rajtarkow (abo z symbolom w symbolowej lajsće, jeli wertikalne rajtarki wužiwaće) wočinić.

  Tutón symbol da so wotstronić, jeli chceće; tutón nastawk pomocy budźe pomhać.

• Skupinu rajtarkow zběhnyć rajtarki wočinjene dźerži, njejsu wšak hižo zeskupjene.
• Skupinu zhašeć skupinu zhaša. Wšě rajtarki ze skupiny so začinjeja.

Problemy z rajtarkami rozrisać

• Skupiny rajtarkow, kotrež su so w priwatnym modusu wutworili, zhašeja so, hdyž priwatne wokno začinjeće.
• Jeli waše rajtarki so njejapcy zeskupjeja abo hižo njezeskupjeja, móže problem kompatibelnosće z rozšěrjenjom za rajtarki přičina być.
• Njewidźiće skupiny rajtarkow? Zawěsćće, zo wersiju Firefox 141 abo nowšu wužiwaće. Čitajće Kak won dóstanjeće, kotru wersiju Firefox wužiwaće a aktualizujće, jeli trjeba.
• Skupiny rajtarkow su jenož lokalne a njesynchronizuja so z Firefox Sync.
• Jeli skupinu rajtarkow začinjeće, so wšě rajtarki w tej skupinje začinja, ale móžeće je zaso ze swojeje přehladowanskeje historije wočinić.