Firefox-i ruan të dhënat tuaja personale, të tilla si faqerojtës, fjalëkalime dhe parapëlqime përdoruesi, në një grup kartelash të quajtura profili juaj, i cili ruhet në një vend veçmas nga kartelat e programit Firefox. Mund të keni profile të shumtë, secili ,e një grup të veçantë të dhënash përdoruesi. Përgjegjësi i Profileve ju lejon të krijoni, hiqni, riemërtoni dhe këmbeni profile.

Përdorimi i shumë profileve dhe administrimi i profileve janë veçori të përparuara, të menduara së pari për zhvilluesit e zgjerimeve. Hiq rastet kur jeni përdorues i përparuar, ose po diagnostikoni një problem të Firefox-it, do të duhej të shmangnit përdorimin e shumë profileve.

Nisja e Përgjegjësit të Profileve

E rëndësishme: Përpara se të nisni Përgjegjësin e Profileve, Firefox-i duhet mbyllur plotësisht.

Nëse dritarja e Përgjegjësit të Profileve nuk shfaqet, Firefox-i mund të jetë duke xhiruar në prapaskenë, edhe pse nuk e shihni. Mbyllini krejt rastet e xhirimit e Firefox-it ose rinisni kompjuterin dhe mandej riprovoni.

Krijimi i një profili

1. Për të nisur Ndihmësin e Krijimit të Profileve, te Përgjegjësi i Profileve Krijoni Profil....
2. Klikoni Pasuesi dhe jepni emrin e profilit. Përdorni një emër profili që e përshkruan atë, fjala vjen, emrin tuaj personal. Ky emër nuk është i ekspozuar në Internet.
   
   
   
   
   
   
3. Mundeni edhe të zgjidhni ku të depozitohet profili juaj, çka është e dobishme nëse keni në plan eksportimin e të dhënave dhe rregullimeve tuaja në të ardhmen, në një kompjuter tjetër ose në një formësimin tjetër. Për zgjedhjen e vendit të depozitimit në sistemin tuaj, klikoni Zgjidhni Dosje....
   • Shënim: Nëse për profilin zgjidhni një vend të personalizuar, depozitojeni në një dosje të re, ose në një krejtësisht të zbrazët. Kur të vendosni ta hiqni profilin, prej asaj dosje do të hiqet krejt lënda.
4. Për të krijuar një profil të ri, klikoni PërfundojeDone.

Heqja e një profili

1. Te Përgjegjësi i Profileve, përzgjidhni profilin që doni të hiqni, dhe klikoni Fshini Profilin....
2. Ripohojeni që dëshironi të fshihet profili:
   
   
   
   
   
   
   • Mos i Fshi Kartelat heq profilin prej Përgjegjësit të Profileve, duke mbajtur ama kartelat me të dhëna për profilin te kompjuteri juaj, te dosja e depozitimit, e kështu të dhënat tuaja nuk humbin.
     • Kur krijoni një profil të ri, mund të kopjoni krejt kartelat tuaja brenda dosjes së një profili të vjetër, dhe të dhënat e profilit tuaj i rigjeni kështu te profili i ri.
   • Fshiji Kartelat heq profilin dhe kartelat e tij, përfshi faqerojtësit, rregullimet, dhe fjalëkalimet për atë profil, etj.
     Kujdes: Nëse përdorni mundësinë "Fshiji Kartelat", dosja dhe kartelat e profilit do të fshihen. Ky veprim nuk mund të zhbëhet.
   • Anuloje e ndërpret fshirjen e profilit.

Riemërtimi i një profili

1. Te Përgjegjësi i Profilit, përzgjidhni profilin që do të riemërtohet, dhe mandej klikoni Riemërtoni Profil....
2. Jepni emrin e ri për profilin. Shtypni emrin e ri të profilit, dhe klikoni mbi OK.
   • Shënim: Dosja që përmban kartelat e profilit nuk riemërtohet.

Mundësi

Punim Offline

Zgjedhja e kësaj mundësie ngarkon profilin e përzgjedhur dhe nis Firefox-in pa u lidhur në Internet. Mund të shihni faqe web që i keni parë më parë dhe mund të bëni prova me profilin tuaj.

Mos pyet gjatë nisjes

Nëse keni shumë profile, Firefox-i ju lejon të zgjidhni çdo herë cilin profil të përdorë kur niset Firefox-i. Përzgjidheni këtë mundësi që t'i lejoni Firefox-it të ngarkojë profilin e përzgjedhur pa ju pyetur gjatë çdo nisje.

• Për të hyrë në profile të tjerë pas përzgjedhjes së kësaj mundësie, duhet të nisni Përgjegjësin e Profileve së pari.

Lëvizja e një profili

Për të kopjuar në një tjetër instalim të Firefox-it krejt të dhënat tuaja dhe rregullimet që i keni bërë atij, (për shembull, kur merrni një kompjuter të ri), lypset të bëni një kopjeruajtje të profilit tuaj Firefox, mandej ta riktheni atë te vendi juaj i ri.

• Për udhëzime, shihni Ruajtja dhe rikthimi i të dhënave tuaja.

Rikthim të dhënash prej një profili të vjetër

Nëse keni të dhëna të rëndësishme në një profil të vjetër Firefox, të tilla si faqerojtës, fjalëkalime, ose parapëlqime përdoruesish, mund t'i shpërngulni këto dhëna te një profil i ri Firefox-i, përmes kopjimit të kartelave përkatëse.

• Për udhëzime, shihni Rikthim të dhënash të rëndësishme të një profili të vjetër.