Je přeco wjace přidatkow, kotrež móža nastajenja wašeho wobhladowaka bjez wašeje dowolnosće změnić abo waše daty kradnyć. Někotre přidatki móža njewitane symbolowe lajsty abo tłóčatka přidać, waše pytanske nastajenja změnić abo wabjenje do wašeho ličaka injicěrować. Firefox nětko přepruwuje, hač přidatki, kotrež instalujeće, su wot Mozilla digitalnje signowane. Tutón nastawk wujasnja funkciju signowanje přidatkow a kak funguje.
Zapis wobsaha
Što je signowanje přidatkow?
Mozilla přepruwuje a „signuje“ přidatki, kotrež maja so po wěstotnych směrnicach. Wšě přidatki, kotrež so na addons.mozilla.org hospoduja dyrbja tutón proces přeběžeć, zo bychu so signowali. Přidatki, kotrež so na druhich sydłach hosća, dyrbja so po samsnych směrnicach měć, zo by je Mozilla signował.
Hačrunjež Firefox je tuchwilu system blokowanskich lisćinow, budźe ćežko, přiběracu ličbu złowólnych abo njepřepruwowanych přidatkow slědować a blokować. Proces signowanja přidatkow sej wužaduje, zo wuwiwarjo směrnicy wuwiwarjow Mozilla Mozilla dodźeržuja. Signowanje přidatkow w Firefox pomha, před programami, kotrež wobhladowak kapruja, škitać a před druhimi škódnymi programami, dokelž jich instalaciju poćežuje.
Firefox was při instalowanju njesignowanych přidatkow haći a znjemóžnja njesignowane přidatki, kotrež su hižo instalowane.
Kotre typy přidatkow dyrbja so signować?
Rozšěrjenja (přidatki, kotrež Firefox funkcije přidawaja) rěčne pakćiki a drasty (přidatki, kotrež zwonkowne Firefox měnjeja) dyrbja so signować. Druhe typy přidatkow njetrjebaja so signować.
Hdźe bych na njesignowane přidatki storčił?
Přidatki, kotrež wot oficielneho sydła přidatkow Firefox pochadźeja, přeběža wěstotne kontrole, prjedy hač so wozjewjeja. Tute přidatki su přepruwowane a signowane. Hdyž přidatk wot druheho websydła instalujeće, přepruwuje Firefox, hač přidatk je digitalnje signowany, prjedy hač móžeće jón instalować.
Što móžu činić, jeli Firefox instalowany přidatk znjemóžnja?
Jeli njesignowany přidatk je zmóžnjeny, njemóžéce jón wužiwać a zrjadowak přidatkow powěsć pokaza, zo přidatk njeda so za wužiwanje w Firefox wobkrućić a je so znjemóžnił. Móžeće přidatk z Firefox wotstronić a potom signowanu wersiju wot sydła přidatkow Mozilla instalować, jeli tajki je k dispoziciji.
Jeli signowana wersija k dispoziciji njeje, stajće so z wuwiwarjom přidatka do zwiska, zo byšće zhonił, hač wón móže zaktualizowanu a signowanu wersiju toho přidatka poskićić. Móžeće tež jeho prosyć, zo by swój přidatk signował.
Kotre móžnosće mam, jeli chcu njesignowany přidatk wužiwać? (nazhonjeni wužiwarjo)
Wersije Firefox Extended Support Release (ESR), Firefox Developer Edition a Nightly wam zmóžnjeja, tute nastajenje přepisać, kotrež signowanje rozšěrjenjow wunuzuje. Stajće nastajenje xpinstall.signatures.required na false w konfiguraciskim editorje Firefox (strona about:config). Zo byšće signowansku nuznosć za rěčne pakćiki přepisał, stajće nastajenje extensions.langpacks.signatures.required na false. Su tež wosebite wersije Firefox bjez marki, kotrež tute přepisanje dowoluja. Hlejće nastawk MozillaWiki Add-ons/Extension Signing za dalše informacije.
