Bandingkan Semakan

rozrisać přidatk problem

Zhońće, kak móžeće wuslědźić, hač rozšěrjenje, drasta abo hardwarowe pospěšenje problem Firefox zawinuje a što móžeće činić, zo byšće jón rozrisał.

Tutón nastawk budźe wam pomhać postajić, hač rozšěrjenje, drasta abo hardwarowe pospěšenje waš problem Firefox zawinuje a, jeli tomu tak je, wopisuje, štož móžeće činić, zo by Firefox zaso normalnje běžał. {note}[[Template:reset-fx]]{/note} __TOC__ =Firefox w modusu za rozrisowanje problemow startować= Modus za rozrisowanje problemow nachwilu wšě rozšěrjenja znjemóžnja, wužiwa standardnu drastu a znjemóžnja hardwarowe pospěšenje. Modus za rozrisowanje problemow Firefox móže wam pomhać postajić, hač jedne z nich waš problem zawinuje. Zo byšće jace zhonił, hlejće [[Diagnose Firefox issues using Troubleshoot Mode]]. Zo byšće Firefox w modusu za rozrisowanje problemow startował: #[[T:safemode]] #;[[Image:Fx88TroubleshootMode]] #Hdyž so wokno ''Firefox w modusu za rozrisowanje problemow wočinić?'' jewi, klikńće na tłóčatko {button Wočinić}. {warning}'''Warnowanje:''' Hdyž na tłóčatko {button Firefox wobnowić} kliknjeće, so Firefox do swojeho standardneho stawa wróćo staji a składuje waše najwažniše daty. Hlejće [[Refresh Firefox - reset add-ons and settings]] za dalše informacije.{/warning} Po tym zo sće na tłóčatko {button Wočinić} kliknył a Firefox startuje, testujće, hač waš problem hišće eksistuje. ==Problem hišće w modusu za rozrisowanje problemow wustupuje== Jeli waš problem w modusu za rozrisowanje problemow dale wustupuje, njezawinuje so přez rozšěrjenje, drastu abo hardwarowe pospěšenje. Druhe móžne zawiny móhli změny na nastajenjach Firefox być, kotrež so w modusu za rozrisowanje problemow njeznjemóžnjeja. Za dalše namjety za rozrisowanje problemow hlejće nastawki: *[[Troubleshoot and diagnose Firefox problems]] *[[Reset Firefox preferences to troubleshoot and fix problems]] ==Problem w modusu za rozrisowanje problemow njewustupuje== Jeli waš problem w modusu za rozrisowanje problemow njewustupuje, zawinuje so najskerje přez rozšěrjenje, drastu abo hardwarowe pospěšenje. Slědujće kroki w tutym nastawku dale, zo byšće wuslědźił, hač rozšěrjenje, drasta abo hardwarowe pospěšenje problem zawinuje. =Hardwarowe pospěšenje wupinyć= Z někotrymi konfiguracijemi grafikowych procesorow a grafikowych ćěrjakow móže Firefox spadnyć abo ćeže měć, tekst abo objekty na stronach zwobraznić, hdyž so hardwarowe pospěšenje wužiwa. Móžeće hardwarowe pospěšenje wupinyć, zo byšće hladał, hač to waš problem rozrisa. [[Template:DisableHWAFirefox]] Jeli problem hižo njewustupuje, je hardwarowe pospěšenje najskerje zawina było. Móžeće pospytować [[How do I upgrade my graphics drivers?|swoje grafikowe ćěrjaki aktualizować]], zo byšće hladał, hač to pomha abo prosće bjez hardwaroweho pospěšenje dale dźěłać. W druhim padźe najskerje rozšěrjenja abo drasty zawina su. Čińće z krokami w tutym nastawku dale, zo byšće hladał, hač wone pomhaja. =Standardnu drastu wužiwać= Jeli druhu drastu hač standardnu drastu wužiwaće: #[[T:Open Add-ons|type=Drasty]] #Pytajće ''Systemowu drastu'' a na tłóčatko {button Zmóžnić}, zo by Firefox k tej drasće přepinał. #[[Template:closeFirefox]] #Startujće Firefox tak, kaž to w normalnym padźe činiće. Testujće, hač waš problem hišće wustupuje. Jeli problem hižo njewustupuje, je drasta, kotruž sće wužiwał, jón zawinowała. Jeli problem hišće wustupuje, slědujće dale kroki w tutym nastawku. = Wšě rozšěrjenja znjemóžnić = Zo byšće won namakał, hač rozšěrjenje ze zmylkami waš problem zawinuje, móžeće wšě waše instalowane rozšěrjenja znjemóžnić: #[[T:Open Add-ons|type=Rozšěrjenja]] #Klikńće za rozšěrjenje, kotrež je w lisćinje '''Zmóžnjeny''', na módry přepinak [[Image:Fx115 blue toggle]] za wotpowědne rozšěrjenje. #;Rozšěrjenje so do lisćiny '''Znjemóžnjeny''' přesunje. #Wospjetujće to za kóžde z druhich rozšěrjenjow. #Začińće Firefox, hdyž wšě rozšěrjenja su znjemóžnjene:[[Template:closeFirefox]] #Startujće Firefox tak, kaž to w normalnym padźe činiće. Testujće, hač waš problem hišće eksistuje. Jeli problem hižo njewustupuje, hdyž wšě rozšěrjenja su znjemóžnjene, jedne z wašich rozšěrjenjow problem zawinuje. Zo byšće rozšěrjenje namakał, kotrež problem zawinuje, čińće tole: == Rozšěrjenje ze zmylkami namakać == Zo byšće won namakał, kotre z wašich znjemóžnjenych rozšěrjenjow waš problem zawinuje, móžeće kóžde rozšěrjenje po jednym zaso zmóžnić. # [[T:Open Add-ons|type=Rozšěrjenja]] # Klikńće na wotpowědny přepinak, zo byšće rozšěrjenje zmóžnił. Přepinak so módri, hdyž rozšěrjenje je zmóžnjene. # Začińće Firefox: [[Template:closeFirefox]] # Startujće Firefox tak, kaž to w normalnym padźe činiće. Přepruwujće, hač waš problem hišće wustupuje, po tym zo sće Firefox znowa startował. Jeli problem hišće wustupuje, rozšěrjenje, kotrež sće runje zmóžnił, jón zawinuje. {note}'''Pokiw''': Jeli maće wjele rozšěrjenjow, móže skokšo hić, wjace hač jednoho rozšěrjenja naraz zmóžnić. Metoda z najmjenje znowastartowanjemi je: Zmóžńće połojcu rozšěrjenjow w tutej lisćinje, startujće Firefox znowa, a přepruwujće, hač problem hišće wustupuje. Jeli problem hišće wustupuje, wěsće, zo rozšěrjenje ze zmylkami je jedne z tych, kotrež sće runje zmóžnił. Jeli problem hižo njewustupuje, wěsće, zo rozšěrjenje ze zmylkami k tym słuša, kotrež su znjemóžnjene. Wospjetujće tutón proces, doniž rozšěrjenje ze zmylkami namakane njeje.{/note} Po tym zo sće rozšěrjenje namakał, kotrež waš problem zawinuje, znjemóžńće abo wotinstalujće rozšěrjenje ze zmylkami a zmóžńće zaso druhe rozšěrjenja w zrjadowaku přidatkow. = Rozšěrjenja aktualizować = Jeli rozšěrjenje waš problem zawinuje, steji snano aktualizacija k dispoziciji, kotraž waš problem rozrisuje: # [[T:Open Add-ons|type=Rozšěrjenja]] # Klikńće na zubate kolesko [[Image:Fx115 Tools for all add-ons button]] horjeka w zrjadowaku přidatkow a wubjerće {menu Za aktualizacijemi pytać}. # Jeli aktualizacije namakaće, instalujće je přez kliknjenje na {button Instalować}. # Začińće Firefox, jeli instalacija je dokónčena: [[Template:closeFirefox]] #Startujće Firefox tak, kaž to w normalnym padźe činiće. Po tym zo sće Firefox znowa startował, budu so waše rozšěrjenja aktualizować. Jeli rozšěrjenje, kotrež waš problem zawinuje, ma aktualizaciju, zmóžńće jo znowa a přepruwujće, hač waš problem zaso wustupuje. =Nastajenja rozšěrjenja přepruwować= Někotre problemy so zawinuja, hdyž so nastajenja rozšěrjenja nastajenja Firefox přepisuja (na př. problemy ze symbolowymi lajstami). Chceće tohodla snano nastajenja rozšěrjenja přepruwować, zo byšće hladał, hač móžeće nastajenje namakać, kotrež waš problem zawinuje: # [[T:Open Add-ons|type=Rozšěrjenja]] # Klikńće za rozšěrjenje, kotrež problem zawinuje, na třidypkowy symbol a potom na tłóčatko {for win}{button Nastajenja}{/for}{for mac,linux}{button Nastajenja}{/for}. # Klikńće so přez nastajenja, zo byšće hladał, hač je nastajenje, kotrež móhło waš problem rozrisać. # Jeli přihódnu móžnosć namakał, klikńće na {button Składować} a startujće potom Firefox znowa.