Problemy z wěstotnymi zmylkowymi kodami na wěstych websydłach rozrisać

Wersijowe informacije
  • Wersijowy ID: 304249
  • Wutworjeny:
  • Awtor: milupo
  • Komentar: update
  • Přepruwowany: Haj
  • Přepruwowany:
  • Přepruwowany wot: milupo
  • Je schwaleny? Haj
  • Je to aktualna wersija? Ně
  • Hotowy za přełožowanje: Ně
Žórłowy kod wersije
Wobsah wersije
Tutón nastawk němske zapřijeća z programow wobsahuje, kontrež w hornjoserbskej rěči njeeksistuja.

Firefox wěstotny certifikat websydła přepruwuje, zo by zawěsćił, zo sydło je legitimne a zo waš zwisk je zaklučowany. Jeli certifikat njeda so přepruwować, Firefox zwisk přetorhuje a pokazuje stronu „Warnowanje: Potencielne wěstotne riziko prědku“.

Tutón nastawk wujasnja, štož najhusćiše wotpowědne zmylkowe kody woznamjenjeja – SEC_ERROR_UNKNOWN_ISSUER, MOZILLA_PKIX_ERROR_MITM_DETECTED a ERROR_SELF_SIGNED_CERT – a kak móžeće juch problemy rozrisać. Hlejće Što „Waš zwisk wěsty njeje“ woznamjenja? za druhe zmylkowe kody za „Warnowanje: Potencielne wěstotne riziko prědku“.

Kedźbu: W nowšich wersijach hižo njeje móžno, so z přičinow wěstoty někotrym certifikatowym zmylkam wuhibać. Jeli tłóčatko Riziko akceptować a pokročować njewidźiće, hlejće wotrězk Hdyž njemóžeće so warnowanju wuhibać.

Zmylkowy kod rozumić

  1. Klikńće na warnowanskej stronje na Rozšěrjeny…
  2. Přepruwujće pokazany zmylkowy kod.
  3. Jeli widźiće:
    • SEC_ERROR_UNKNOWN_ISSUER abo MOZILLA_PKIX_ERROR_MITM_DETECTED: Dowěry njehódna awtorita je certifikat wudał.
    • ERROR_SELF_SIGNED_CERT: Sydło samosignowany certifikat wužiwa.

Fx128WarningSEC_ERROR_UNKNOWN_ISSUER

Jeli zmylk na wjacorych wěstych sydłach wustupuje

To zwjetša woznamjenja, zo něšto na wašim graće abo we wašej syći wěste zwiski wotpopaduje a certifikaty websydłow wuměnja. Huste přičiny:

  • Antiwirusowa software zaklučowane zwiski skenuje
  • Dohladowanske nastroje firmoweje syće
  • Škódna software

Waše antiwirusowe nastajenja přepruwować

Avast/AVG

  1. Wočińće desku Avast abo AVG.
  2. Dźiće k Menü → Einstellungen → Schutz → Wichtigste Schutzmodule.
  3. Wotstrońće pod Web-Schutz hóčku před HTTPS-Scanning aktivieren.
    W staršich wersijach produkta namakaće wotpowědne nastajenje, hdyž k Menü > Einstellungen > Komponenten a klikńće na Anpassen pódla Web-Schutz.
  4. Wobkrućće a startujće Firefox znowa.
Hlejće nastawk pomocy Avast Managing HTTPS scanning in Web Shield in Avast Antivirus za podrobnosće. Dalše informacije wo tutej funkciji namakaće w tutym blogu Avast.

Bitdefender

  1. Wočińće desku Bitdefender.
  2. Dźiće k Schutz → Online-Gefahrenabwehr → Einstellungen.
  3. Znjemóžńće nastajenje Verschlüsselter Web-Scan.
    W staršich wersijach produkta móžeće wotpowědne nastajenje SSL scannen namakać, hdyž k Module > Web-Schutz dźeće.
W Bitdefender Antivirus Free móžno njeje, tute nastajenje wodźić. Móžeće město toho spytać, program porjedźić abo wotstronić, hdyž problemy z přistupom k wěstym websydłam maće.

Za firmowe produkty Bitdefender čitajće prošu tutu stronu centruma pomocy Bitdefender.

Bullguard

  1. Wočińće desku Bullguard.
  2. Dźiće k Einstellungen → Erweitert → Antivirus.
  3. Wotstrońće we wěstym wotrězku Sicheres Surfen nastajenje Sichere Suchergebnisse anzeigen za te websydła, kotrež zmylki pokazuja.

ESET

Přewjedźće kroki w nastawku pomocy ESET, zo byšće protokolowe filtrowanje SSL/TLS zmóžnił.

Kaspersky

  1. Wočińće desku Kaspersky.
  2. Dźiće k Einstellungen → Erweitert → Netzwerk.
  3. Wubjerće w Untersuchung von sicheren Verbindungen nastajenje Sichere Verbindungen nicht untersuchen.
  4. Startujće swój system znowa.
Potrjecheni wužiwarjo Kaspersky měli na najnowšu wersiju swojeho wěstotneho produkta aktualizować, dokelž Kaspersky 2019 a nowše naprawy za wobeńdźenje tutoho problema wobsahować. Sćehnjenska strona Kaspersky „aktualizowanske“ wotkazy wobsahuje, kotrež najnowšu wersije za wužiwarjow z aktualnym abonementom darmotnje instaluja.

Za wotposkanjom we firmowej syći přepruwować

Jeli sće we firmowej syći, dyrbi waš IT-wotrjad snano Trust store Firefox wotposkanski certifikat přidać. Hlejće CA:AddRootToFirefox za instrukcije.

Za škódnu software skenować

Někotra škódna software móže wěste zwiski wotposkać. Hlejće Problemy Firefox rozrisać, kotrež so přez škódne programy zawinuja.

Jeli zmylk jenož na jednym sydle wustupuje

Prawdźepodobne zawiny:

  • Wopačna konfiguracija serwera
  • Falowacy mjezycertifikat
  • Samosignowany certifikat

Jeli sydło wam słuša, testujće jón z pomocu SSL Labs a korigujće wuslědki „Chain issues: Incomplete“.

Hdyž njemóžeće so warnowanju wuhibać

Njewidźiće Riziko akceptować a pokročować, jeli:

  • Sydło HTTP Strict Transport Security (HSTS) wužiwa
  • Certifikat ma wěste kritiske zmylki
  • Waš Firefox so přez předewzaćelske prawidła rjaduje, kotrež wobeńdźenja znjemóžnja

Za wažne sydła (bankow, e-mejlowych poskićowarjow…) so wobeńdźenje ženje njedowoluje, dokelž móhło rěkać, zo zwisk je wohroženy.

Wo trajnych wuwzaćach

Firefox trajne certifikatowe wuwzaća za najwjace sydłow njedowoluje, předewšěm w zjawnym interneće. Za lokalne syćowe sydła (LAN) je najwěsćiše wašnje postupowanja slědowace:

  • Instalujće płaćiwy certifikat wot dowěry hódneje awtority
  • Abo přidajće manuelnje certifikowanišću Firefox certifikat swojeho serwera
Warnowanje: Trajne wuwzaća wašu wěstotnu zesłabjeja. Wužiwajće je jenož za interne, kontrolowane syće.

Warnowanju so wuhibać (jeli móžno)

Jeli Firefox to dowoluje:

  1. Klikńće na warnowanskej stronje na Rozšěrjeny…
  2. Klikńće na Riziko akceptować a pokročować.

Podobne nastawki