Kak móžu zwěsćić, hač mój zwisk z websydłom je wěsty?

Tłóčatko sydłoweje identity je wěstotna funkcija Firefox, kotraž wam wjace informacijow wo sydłach k dispoziciji staja, kotrež wopytujeće. Móžeće spěšnje zwěsćić, hač zwisk z websydłom, kotrež sej wobhladujeće, je zaklučowany, a w někotrych padach, komu websydło słuša a štó je wobkrućił, zo wono tomu słuša. To ma wam pomhać, złowólne websydła wobeńć, kotrež pospytuja, so do wašich wosobinskich datow dóstać.

Tłóčatko sydłoweje identity je w adresowym polu nalěwo wot webadresy.

site identity site identity fx39 Linux en

Hdyž sej websydło wobhladujeće, tłóčatko sydłoweje identity budźe jedyn z pjeć symbolow - šěry globus, šěry warnowanski třiróžk, oranžowy warnowanski třiróžk, šěry zamk abo zeleny zamk. Hdyž na tute symbole kliknjeće, budu so informacije wo identiće a wěstoće websydła pokazować.

identity icons toc order

Hdyž na tłóčatko Dalše informacije we wotrězku wuskakowacych woknow kliknjeće, budźe so dalše podrobnoscé wo priwatostnych a wěstotnych nastajenjach sydła pokazować kaž tež informacije wo certifikaće, plackach a wašej historiji składowanych hesłow.

Tłóčatko sydłoweje identity pokazuje so we wašim adresowym polu, zo by wěstotne informacije wo sydłach, kotrež wopytujeće, zdźěliło. Móžeće spěšnje zwěsćić, hač zwisk z websydłom, kotrež sej wobhladujeće, je zaklučowany, a w někotrych padach komu websydło słuša a štó je wobkrućił, zo wono tomu słuša. To ma wam pomhać, złowólne websydła wobeńć, kotrež pospytuja, so do wašich wosobinskich datow dóstać.

Zeleny zamk

Tłóčatko sydłoweje identity je w adresowym polu nalěwo wot webadresy. Zwjetša je tłóčatko sydłoweje identity pak šěry globus pak zeleny zamk, hdyž sej websydło wobhladujeće.

http globe desktop green lock 42

Ale, w rědšich padach, móže wono zeleny zamk ze šěrym warnowanskim třiróžkom, šěry zamk ze žołtym warnowanskim třiróžkom abo čerwjeny přešmórnjeny šěry zamk być.

blocked secure 42 orange triangle grey lock 42 unblocked mixed content 42

Hdyž na tłóčatko sydłoweje identity kliknjeće, so kontrolny centrum zjewi, kotryž wam zmóžnja, sej informacije wo identiće sydła wobhladać a wěstotne nastajenja změnić.

Tłóčatko sydłoweje identity (zamk) pokazuje so we wašim adresowym polu, zo by wěstotne informacije wo sydłach, kotrež wopytujeće, zdźěliło. Móžeće spěšnje zwěsćić, hač zwisk z websydłom, kotrež sej wobhladujeće, je zaklučowany, a w někotrych padach komu websydło słuša. To měło wam pomhać, złowólne websydła wobeńć, kotrež pospytuja, so do wašich wosobinskich datow dóstać.

Zeleny zamk

Tłóčatko sydłoweje identity je w adresowym polu nalěwo wot webadresy. Zwjetša tłóčatko sydłoweje identity budźe zeleny zamk, hdyž sej websydło wobhladujeće:

green lock 42

Ale, w rědšich padach, móže wono zeleny zamk ze šěrym warnowanskim třiróžkom, šěry zamk ze žołtym warnowanskim třiróžkom abo čerwjeny přešmórnjeny šěry zamk być.

blocked secure 42 orange triangle grey lock 42 unblocked mixed content 42

Pokiw: Hdyž na tłóčatko Site Info button nalěwo wot adresoweho pola kliknjeće, so kontrolny centrum zjewi, kotryž wam zmóžnja, sej nadrobniše informacije wo wěstotnym statusu zwiska wobhladać a nastajenja wěstoty a priwatnosće změnić.

Šěry globus

Šěry globus pokazuje, zo:

  • Zwisk mjez Fiefox a websydłom njeje zaklučowany a njedyrbjało jón za wěsty přećiwo wotposkowanju měć.
  • Websydło informacije wo identiće njepodawa.

grey globe fx29 grey globe fx39 Linux en

Wjele websydłow změje šěry globus, dokelž sensibelne daty njewuměnjeja a wobkrućene identity abo zaklučowane zwiski njetrjebaja.

Kedźbu: Jeli sensibelne daty (bankowe daty, daty wo kreditnych kartach, čisła socialneho zawěsćenja atd.) sćeleće, tłóčatko sydłoweje identity njeměło symbol šěreho globusa być.

Šěry warnowanski třiróžk

Šěry warnowanski třiróžk pokazuje, zo:

  • Websydło informacije wo identiće njepodawa.
  • Zwisk mjez Firefox a websydłom je jenož zdźěla zaklučowany, njezadźěwa wotposkowanju a njeje dospołnje wěsty, dokelž njezaklučowane elementy (na přikład wobrazy, wideja abo awdio) wobsahuje. Druzy ludźo móža sej tute elementy wobhladać abo změnić, ale nic wobsah hłowneje webstrony (kaž na př. tekst).

grey triangle grey triangle fx39 Linux en

Oranžowy warnowanski třiróžk

Oranžowy warnowanski třiróžk pokazuje, zo:

  • Websydło informacije wo identiće njepodawa.
  • Zwisk mjez Firefox a websydłom je jenož zdźěla zaklučowany a njezadźěwa wotposkowanju. Websydło wobsahuje interaktiwny wobsah, kotryž zaklučowany njeje (na přikład skripty). Druzy ludźo móža sej waše informacije wobhladać abo zadźerženje websydła změnić.

orange triangle fx29 orange triangle fx39 Linux en

To pokazuje na to, zo sće do toho měšany aktiwny wobsah dopušćił, kotryž so za websydło přez HTTPS wot serwera začituje, zwobraznjuje abo wuwjedźe, najebać rizikow. Hlejće Blokowanje měšaneho wobsaha w Firefox.

Hdyž w aktualnym rajtarku k druhemu websydłu přeńdźeće a so potom wróćeće abo websydło w nowym rajtarku znowa wopytujeće, budu so wěste HTTP-naprašowanja blokować, zo by so riziko wohroženjow pomjeńšiło, symbol změni so do swojeho předchadneho stawa (šěry warnowanski třiróžk za měšany pasiwny wobsah a šěry abo zeleny zamk hewak) a tarčowy symbol za měšany wobsah so zwobrazni. Za dalše informacije wo blokowanju měšaneho wobsaha hlejće Blokowanje měšaneho wobsaha w Firefox.

Kedźbu: Jeli sensibelne daty (na přikład bankowe daty, daty wo wašeje kreditnej karće, čisła socialneho zawěsćenja atd.) sćeleće, tłóčatko sydłoweje identity njeměło symbol oranžoweho warnowanskeho třiróžka być.

Šěry zamk

Šěry zamk pokazuje, zo:

  • Adresa websydła je so wobkrućiła.
  • Zwisk mjez Firefox a websydłom je zaklučowany, zo by wotposkowanju zadźěwał.

grey lock fx29 grey lock fx39 Linux en

Hdyž domena je so wobkrućiła, to rěka, zo ludźo, kotřiž sydło wudźeržuja, su certifikat kupili, zo bychu dopokazowali, zo domena njeje jebanstwo. FacebookWikimedia Foundation na přikład ma tajki certifikat a zaklučowany zwisk, tak zo so tłóčatko sydłowje identity jako šěry zamk pokazuje. Hdyž na zamk kliknjeće, zhoniće, zo sće poprawom z facebook.comwikipedia.org zwjazany, kotryž je přez VeriSign Inc.GlobalSign nv-sa certifikowany. Zawěsća tež, zo zwisk je zaklučowany, tak zo nichtó njemóže zwisk wotposkować a waše přizjewjenske daty za FacebookWikipediju na tute wašnje kradnyć.

Ale so njewobkruća, komu poprawom podata domena słuša. Njeje garantija, zo facebook.comwikipedia.org woprawdźe předewzaću Facebookzałožbje Wikimedia Foundation słuša. Jeničke, štož so garantuje, je, zo domena je płaćiwa domena a zo zwisk z njej je zaklučowany.

Zeleny zamk

Zeleny zamk pokazuje, zo:

  • Adresa websydła je so z pomocu certifikata rozšěrjeneho přepruwowanja (jendźelsce: Extended validation, EV) wobkrućił.
  • Zwisk mjez Firefox a websydłom je zaklučowany, zo by wotposkowanju zadźěwało.

green lock fx29 green lock fx39 Linux en

Zeleny zamk plus mjeno předewzaća abo organizacije w zelenym pismje woznamjenja, zo tute websydło certifikat rozšěrjeneho přepruwowanja (EV). Certifikat rozšěrjeneho přepruwowanja je wosebity typ sydłoweho certifikata, kotryž sej wo wjele krućiši proces přepruwowanja identity hač druhe certifikatowe typy žada. Mjeztym zo šěry zamk pokazuje, zo sydło wěsty zwisk wužiwa, pokazuje zeleny zamk, zo zwisk je wěšty a zo wobsedźerjo domeny su wočakowani wobsedźerjo.

Z certifikatom rozšěrjeneho přepruwowanja wobkruća tłóčatko sydłoweje identity, zo na přikład paypal.commozilla.org Paypal Inc.Mozilla Foundation słuša. Zamk so na sydle Paypalna oficielnym websydle Mozilla nic jenož zeleni, ale pokazuje mjeno wobsedźerja w tłóčatku samym.

Šěry globus

Šěry globus pokazuje, zo zwisk mjez Firefox a websydłom njeje zaklučowany, a tohodla nimaja jón za wěsty přećiwo wotposkowanju abo posrědnikowym nadpadam (němsce) měć.

Šěry globus

Wjele websydłow změje šěry globus, dokelž žane sensibelne daty njewuměnjeja a wobkrućene identity abo zaklučowane zwiski njetrjebaja.

Kedźbu: Njepósćelće sensibelne daty (bankowe daty, daty kreditneje karty, čišła socialneho zawěsćenja atd.) na sydła, kotrychž tłóčatko sydłoweje identity je šěry globus.
Warnowanje: Njepósćelće ženje websydło bjez zamka w adresowym polu sensibelne daty (bankowe daty, daty kreditneje karty, čisła socialneho zawěsćenja atd.) - w tutym padźe njeje přepruwowane, zo ani z požadanym websydłom komunikujeće ani waše daty su wěste přećiwo wotposkowanju

Zeleny zamk

Zeleny zamk (z mjenom organizacije abo bjez mjena organizacije) pokazuje, zo:

  • Sće na kóždy pad z websydłom zwjazany, kotrehož adresa so w adresowym polu pokazuje; zwisk njeje so wotposkał.
  • Zwisk mjez Firefox a websydłom je zaklučowany, zo by wotposkowanju zadźěwało.

Zeleny zamk

Zeleny zamk plus mjeno předewzaća abo organizacije, kotrež je tež zelene, woznamjenja, zo websydło certifikat rozšěrjeneho přepruwowanja (EV) wužiwa. Certifikat rozšěrjeneho přepruwowanja je wosebity typ sydłoweho certifikata, kotryž sej wo wjele krućiši proces přepruwowanja identity hač druhe certifikatowe typy žada.

Zeleny zamk Mozilla site identity fx39 Linux en

Za sydła, kotrež certifikaty rozšěrjeneho přepruwowanja wužiwaja, pokazuje tłóčatko sydłoweje identity zeleny zamk kaž tež mjeno prawniskeho předewzaća abo organizacije a adresu mějićela websydła, zo byšće wědźał, štóž jo wudźeržuje. Pokazuje na přikład, zo mozilla.org załožbje Mozilla Foundation słuša.

Zeleny zamk ze šěrym warnowanskim třiróžkom

Zeleny zamk ze šěrym warnowanskim třiróžkom blocked secure 42 pokazuje, zo sydło je wěste; Firefox wšak je njewěsty wobsah zablokował a tohodla njemóhło so sydło cyle korektnje zwobraznić. Hlejće Blokowanje měšaneho wobsaha w Firefox za dalše informacije. To je problem, kotryž sydłowy wuwiwar dyrbi rozrisować.

Šěry zamk ze žołtym warnowanskim třiróžkom

Šěry zamk ze žołtym warnowanskim třiróžkom pokazuje, zo zwisk mjez Firefox a websydłom je jenož zdźěla zaklučowany a wotposkowanju njezadźěwa.

Šěry zamk žołty třiróžk

Za dalše informacije wo tym, štož „zdźěla zaklučowany“ woznamjenja, hlejće Blokowanje měšaneho wobsaha w Firefox. To je problem, kotryž sydłowy wuwiwar dyrbi rozrisować.

Kedźbu: Njepósćelće sensibelny daty (na přikład bankowe daty, daty kreditneje karty, čisła socialneho zawěsćenja atd.) na sydła, kotrychž tłóčatko sydłoweje identity ma žołty warnowanski třiróžk.

Čerwjeny přešmórnjeny šěry zamk

Čerwjeny přešmórnjeny šěry zamk pokazuje, zo zwisk mjez Firefox a websydłom je jenož zdźěla zaklučowany a njezadźěwa wotposkowanju abo posrědnikowym nadpadam (němsce).

Přešmórnjeny zamk

Tutón symbol so njepokazuje, chibazo sće blokowanje měšaneho wobsaha manuelnje znjemóžnił.

Kedźbu: Njepósćelće sensibelne informacije (bankowe daty, daty kreditneje karty, čisła socialneho zawěsćenja atd.) na sydła, kotrychž tłóčatko sydłoweje identity ma čerwjeny přešmórnjeny symbol.
// Tući lubi ludźo su pomhali, tutón nastawk pisać: milupo. Móžeće tež pomhać - zhońće, kak.

Je tutón nastawk wužitny był? Prošu čakajće…

Dobrowólnik za pomoc Mozilla